අන්තිමට ඇෆ්ගන් රජයත් තලිබාන්වරු එක්ක සාකච්ඡා කරති
(2010 පෙබරවාරි 18- W3Lanka ) දීර්ඝ කාලීන ඇෆ්ගන් අර්බුදය සඳහා සාමකාමී විසඳුමක් සෙවීමේ අරමුණින් ඇෆ්ගන් රජය හා තලිබාන් නියෝජිතයන් අතර සාකච්ඡාවක් පසුගිය ජනවාරියේදී මාලදිවයිනේදී සිදු වී ඇති බව මාලදිවයින් රජයේ ප්‍රකාශක මොහොමඩ් සුහයිර් මාධ්‍යවලට පවසයි. මෙම දෙපාර්ශ්වයේ නියෝජිත කණ්ඩායම් 11දෙනා බැගින් වී ඇති අතර ඔවුහු දින තුනක් සාකච්ඡා පවත්වා තිබේ. ඒ සඳහා තුන්වන පාර්ශ්වයක මැදිහත්වීමක් සිදු වී නැති මුත් මාලදිවයින පහසුකම් සැලැස්වීමක් කර ඇති බව පෙනේ. තලිබාන් නියෝජිත පිරිස අතර ඇෆ්ගනිස්ථානයේ හිටපු අගමැතිවරයකු හා වර්තමානයේ ඇමරිකානු හමුදාවනට එරෙහිව සංග්‍රාම මෙහෙයවන යුද නායකයකු වූ ගුල්බුදීන් හෙක්මාටර්ගේ පුත්‍රයා ද සිටි බව මාලදිවයින් රජයේ ප්‍රකාශකයා පවසයි.