W3Lanka: Praja.lk Backup

අත් දිගු කරගෙන සිටින අය කියන්නේ 'මෙයා තමයි ජාතියේ පුතා' කියා ද?  ( 2010 සැප්තැම්බර් 12,  W3Lanka )  අයිෆා (IIFA)  හින්දි සිනමා සම්මාන උළෙල වෙනුවෙන් සංචාරක ප්‍රවර්ධන කාර්යාංශය විසින් දරන ලද වියදම පමණක් රු. මිලියන 475කි. එහි අනුග්‍රාහකයන්ගෙ න් ලද මුළු ආදායම රු. මිලියන 10.6ක් පමණි. මේ බව පසුගියදා පාර්ලිමේන්තුවේදී හෙළිදරව් කළේ ආණ්ඩු පක්ෂයේ ප්‍රධාන සංවිධායක දිනේෂ් ගුණවර්ධනයි. ඒ දයාසිරි ජයසේකර මන්ත්‍රිවරයා විසින් මතු කරන ලද ප්‍රශ්නයකට පිළිතුරු වශයෙනි.  මේ වනාහි ආරක්ෂාව වැනි කාරණාවලට ගිය වියදමට අමතරව ය. මෙම සම්මාන උළෙල වෙනුවෙන් සුගතදාස ගෘහස්ථ ක්‍රීඩාංගනය නවිකරණය, පාරවල් හැදීම හා කාණු සුද්ද කිරීම, කොළඹ සිඟන්නන්ගේ ඔලුවලට කළු ගල් ගෙඩි අතහැර බිය වද්දා පළවා හැරීම, පේමන්ට් කඩ කැඩීම හා පැල්පත් වාසීන්ගේ නිවාස කඩා ඔවුන් පළවා හැරීම වැනි 'සංවර්ධන' කටයුතු ද කෙරිණි.  මේ සියල්ල අවසානයේ සම්මාන සඳහා නිර්දේශ වී සිටි හින්දි සිනමා නළු-නිළියන් හා ශිල්පීන් 84ක් අතරින් සම්මාන උළෙලට පැමිණියේ 38ක් පමණි. උළෙලේ සන්නාම ප්‍රවර්ධක ලෙස කටයුතු කළ අමිතාබ් බච්චන් පවා උළෙල වර්ජනය කළේ ය....

(2010 ජුනි 19,  W3Lanka )  කොලිවුඩ් නමින් හැඳින්වෙන දකුණු ඉන්දීය සිනමාව නන්නත්තාර ය. මක් නිසාද?  ලංකාවේ 'ප්‍රජාතන්ත්‍රවාදය සඳහා දෙමළ ජනතාව' මඩකලපු දිස්ත්‍රික්කයේ කාතන්කුඩියේ සිනමා ශාලාවක තිරය ගිනි තබා ඇත. වරද දකුණු ඉන්දීය දෙමළ චිත්‍රපටයක් ප්‍රදර්ශනය කිරීමයි. කොහොමද ප්‍රජාතන්ත්‍රවාදය? මේ වනාහි දකුණු ඉන්දීය සිනමාකරුවන් හා තාක්ෂණ ශිල්පීන් පසුගියදා 'අති සාර්ථක' අන්දමින් කොළඹදී පැවති අයිෆා සම්මාන උළෙල වර්ජනය කිරීමයි. ලංකාවේ 'දෙමළ ජනතාව' මේ රිටර්න් එක දී තිබෙන්නේ ඒ බලු වැඩේට ය. ඒ මදිවාට උතුරු නැගෙනහිර පළාත්වල ජුනි 30දා දක්වා දෙමළ චිත්‍රපට ප්‍රදර්ශනය කිරීම තහනම් කර තිබේ. දකුණු ඉන්දීය සිනමාකරුවන් 'ප්‍රජාතන්ත්‍රවාදය සඳහා දෙමළ ජනතාව'ගෙන් නොහොත් ලංකාවේ ආණ්ඩුවෙන් සමාව නො ගතහොත් මේ තහනම තවත් දිගු වනු ඇත. උතුරු නැගෙනහිර ඉතිරි වී ඇති සිනමා ශාලා තිබේ නම්, ප්‍රජාතන්ත්‍රවාදය වෙනුවෙන් චිත්‍රපට පෙන්වීම නැවැතුවූයේ නැතිනම්, 1983දී දෙමළ මිනිසුන්ට අයිති සිනමා ශාලාවලට හා චිත්‍රාගාරවලටත්, ඒවායේ තිබුණු 'සංදේශය' වැනි පැරණි සිංහල චිත්‍රපටවලටත් වූ දේ නැවත සිදු වන්...

ඇල්බමයට තවත් මෙවැනි ඡායාරූප කීයක් ගන්න තිබුණු චාන්ස් එකද මේ මග හැරුණේ, මගෙ දෙයියො! (2010 ජුනි 03,  W3Lanka )  ජාත්‍යන්තර ඉන්දියානු සිනමා උළෙල හෙවත් අයිෆා (IIFA) 2010 උළෙලේ සන්නාම ප්‍රවර්ධකයා (Brand Ambassador) ලෙස කටයුතු කරන බොලිවුඩ් නළු අමිතාබ් බච්චන් සහ පවුලේ සාමාජිකයින් වන අභිෂේක් බච්චන්, අයිශ්වර්යා රායි සහ ෂාරුක් ඛාන්, අමීර් ඛාන්, අර්ජුන් රාම්පාල්, කත්‍රිනා කායිෆ්, කරීනා කපූර්, දීපිකා පදුකෝන්, රන්බීර් කපූර්, ඉම්රාන් ඛාන් ඇතුළු සුපිරි බොලිවුඩ් තාරකා රැසක් අදින් ඇරඹෙන අයිෆා උළෙල සඳහා ලංකාවට නොපැමිණෙන බව පවසා තිබේ. "I am not going to IIFA," යනුවෙන් සමාජ ජාල අඩවියක් වන ට්විටර්(Twitter) හරහා පවසා ඇති අමිතාබ් බච්චන් එම තීරණය තවමත් නිල වශයෙන් දැනුම් දී නැත. බොලිවුඩ් සිහින තරුව ශාරුක් ඛාන් ද තම නොපැමිණීම පිළිබඳව ට්විටර් හරහා ප්‍රකාශ කර තිබේ. ශාරුක් සහභාගි නොවන, සිංහල ක්‍රීඩා සමාජ පිටියේදී හෙට පැවැත්වෙන ක්‍රිකට් තරගයට සහභාගි වීමට නියමිත සල්මන් ඛාන්ගේ පැමිණීම වැළැක්වීම සඳහා අවසන් මොහොතේ පවා දෙමළ ජාතිකවාදී කණ්ඩායම් උත්සාහ කරමින් සිටින බව වාර්තා වේ. අය...