W3Lanka: Praja.lk Backup

මෙම ඡායාරූපයේ සිටින තරුණියන් දෙදෙනාගේ හැඩරුව චාමනීගේත්, දීපිකාගේත් හැඩරුවට බෙහෙවින් සමාන වන්නේ කුමන අහම්බයකින් ද? හිනිදුම තලන්ගල්ලේ පදිංචිව සිටි චාමනි ගීතාංජලී මුතුහෙට්ටිගමගේ (24) සහ ඇගේ යෙහෙළියක වූ දීපිකා හෙවත් ස්වර්ණලතා (26) 1988 දෙසැම්බර් 08 වන දින ගාල්ලේදී හමුදාව විසින් අත්අඩංගුවට ගෙන මරා දමන ලදී. ඔවුන්ගේ මළසිරුරු හමු නො වූ හෙයින් ඔවුන් අතුරුදහන් වූවන් ලෙස සැලකිණි. රූමත් තරුණියක වූ චාමනී ගීතාංජලීගේ සේයාරුවක් ඇගේ මරණින් අනතුරුව ද කාලයක් යන තෙක් අකුරැස්සේ ඡායාරූපහලක ප්‍රදර්ශනයට තබා තිබූ ඡායාරූප අතර තිබෙනු මම දැක ඇත්තෙමි. මේ දෙදෙනා මරා දැමීම රටේ මහත් ආන්දෝලනයට ලක් වූ සිද්ධියකි. ඇත්තෙන් ම ඔවුන් දෙදෙනා ජනතා විමුක්ති පෙරමුණේ පූර්ණකාලීනව වැඩ කළ කාන්තා අංශයේ සංවිධායිකාවෝ දෙදෙනෙකි. ඔවුන්ගේ පෙම්වතුන් දෙදෙනා ද 1989 වසරේ අගභාගයේදී මරා දමන ලදී. චාමනීගේ පෙම්වතා මිය යන විට ජනතා විමුක්ති පෙරමුණේ කලුතර දිස්ත්‍රික් කමිටු සාමාජිකයකු වූ අතර, කුරුණෑගල පදිංචිකාරියක වූ දීපිකාගේ පෙම්වතා මිය යන විට කලුතර දිස්ත්‍රික් ලේකම්වරයා විය. චාමනී හා දීපිකා මරා දමන ලද කාලයේ ඔවුන් ගාල්ල දිස්ත්‍රික්කයේ ජවිපෙ ...

මේ දරුවන්ගේ පියා 2010 ජනාධිපතිවරණය පැවති ජනවාරි 26 දිනට පැය ගණනකට පෙර සිට දැන් තුන් වසරකට වැඩි කාලයක් ආ ගිය අතක් නැතිව සිටින මාධ්‍යවේදී ප්‍රගීත් එක්නැලිගොඩ ප්‍රංශයේ ජීවත් වන බව අරුන්දික ප්‍රනාන්දු මන්ත්‍රීවරයා අද දින පාර්ලිමේන්තුවේදී කියා තිබේ.  මෙම ලේඛකයාට ප්‍රගීත් මුණ ගැසී ඇත්තේ එක් වරක් පමණි. කොළඹ පැවති උත්සවයකදී ලංකා ඊ නිව්ස් කර්තෘ සඳරුවන් සේනාධීර ඔහු මට හඳුන්වා දුන්නේ ය. එදා මම ඔහුට අතට අත දුනිමි. කුමන තත්වයක් තුළ හෝ කිසි යම් දිනෙක යළි ඔහුට එසේ අතට අත දෙන්නට ලැබේවායි අපි පතමු. මම ඔහුගේ ලිපි කියවා ඇත්තෙමි. කාටුන් රස විඳ ඇත්තෙමි.(ඔහුගේ කාටුන් මෙතැනින් බලන්න) ඔහු ස්ථිරව අතුරුදහන් වීමට පෙර කිසියම් පිරිසක් ඔහු පැහැරගෙන ගිය බවට ඔහු විසින් පවසන ලදී. ඔහුව ගෙන ගොස් රඳවා ගබා ගන්නා ලද වධකාගාරයක් පිළිබඳව ද ඔහු විස්තර කර තිබිණි. වධකාගාරයක අවුරුද්දකුත්, මාසයකුත්, දවසක් ජීවත් වී තිබෙන මෙම රචකයාට ඒ විස්තරයේ අභව්‍යකමක් දැනිණි. සිවරාම් හා ලසන්ත වික්‍රමතුංග යන මාධ්‍යවේදීන් මරා දැමීම හා ලලිත්, කුගන් වැනි දේශපාලන ක්‍රියාකාරිකයන් අතුරුදහන් කිරීම ඍජු දේශපාලන හා යුදමය ක්‍රියා ලෙස දකින මෙම...

ඡායාරූප දිවයිනෙනි ලංකාවේ ආණ්ඩුව ජිනීවාහි පැවැත්වෙන එක්සත් ජාතීන්ගේ මානව හිමිකම් සභාවේ සැසිවාරය රාජ්‍ය තාන්ත්‍රික මට්ටමෙන් අතහැර දමා ඇති බව ඇතැම් විශ්ලේෂකයන්ගේ මතයයි.  ප්‍රජාතන්ත්‍රවාදී භාවිතාවන් පිළිබඳ කිසිදු අවබෝධයක් නැති මේ ආණ්ඩුව එක්සත් ජාතීන්ගේ  මානව හිමිකම් සභාවේ ක්‍රියාවලිය පිළිබඳවද අධ්‍යයනය කරනැති බව ඔප්පු වුණේ සැසිවාරයට ආණ්ඩුවේ නියෝජිතයකු සහභාගි නොකිරීමට ගෙන තිබූ තීරණයෙනි. නිලධාරීන් පිරිසක් පමණක් යවන්නට මුලින් අදහස් කරගෙන සිටිමුත්, එසේ කළහොත් සැසිය අමතන්නට ලැබෙන කාලය අඩු බව දැනගැනීමෙන් පසු ඇමති මහින්ද සමරසිංහව ලහිලහියේ එහි පිටත් කර හැරියේය. ඔහු විසින් පවත්වන ලද කතාවද දේශීය සිංහල ජාතිකයන් සතුටු කරන්නට කළ එකක් මිස ජාත්‍යන්තර වශයෙන් රාජ්‍ය තාන්ත්‍රිකව සාර්ථක එකක් නොවේ.  කලින් මානව හිමිකම් සැසිවාරයේදී ඉටු කරන බව කී දේද කරන්නට ලංකාවේ ආණ්ඩුව අසමත් වී ඇති බව ආණ්ඩුවම දනී. දෙමළුන්ට කිසි දෙයක් දෙන්නේ නැත යන අප්‍රසිද්ධියේ ප්‍රකාශිත ස්ථාවරයේ සිටින ආණ්ඩුව යුද්ධයෙන් පසු මුළු ලංකාවේම ප්‍රජාතන්ත්‍රවාදය තව තවත් සීමා කිරීමට කටයුතු කළේය. ජාතීන් අතර සංහිඳියාව ඇති කිරීම සඳහා අ...

'අපි ශ්‍රී ලාංකිකයෝ' සංවිධානය විසින් ඊයේ වවුනියා‍ව බස් නැවතුම අසල පවත්වන ලද  උද්ඝෝෂණයට 12,000ක පිරිසක් සහභාගි වූ බව ඩේලි මිරර් පුවත්පත වාර්තා කරයි.  මෙම පිරිස ඉල්ලා සිටින්නේ පසුගිය යුද වකවානුවේ අතුරුදහන් වූ සිය පවුල් සාමාජිකයන්ට සිදු වූ දේ සොයා දෙන ලෙසයි. මෙවැනි ම පිරිසක් පසුගිය දිනෙක ත්‍රිකුණාමලයේදී ද උද්ඝෝෂණයක් කළ හ. උද්ඝෝෂණ කරන්නට තබා කට අරින්නටවත් අවස්ථාවක් නැති තවත් බොහෝ අය සිය ප්‍රියයන් ගැන දුක් වෙමින් නිහඬව ඉන්නවා ඇත. නීතියට පිටින් අතුරුදහන් කරනු ලැබූ  මේ මිනිස්සු ද මේ රටේ පුරවැසියෝ ය. ඔවුන්ගේ ජීවිත වෙනුවෙන් රජය වන්දි ගෙවිය යුතු ය. එවැනි සිදු වීම් යළි සිදු නො වන්නට අවශ්‍ය කටයුතු සම්පාදනය කළ යුතු ය.  ‍‍ 'අපි ශ්‍රී ලාංකිකයෝ' එදා  මේ මිනිසුන් අතුරුදහන් කරන්නට බලධාරීන්ට ශක්තිය දුන්  ජනතා විමුක්ති පෙරමුණ දායක වී ගොඩ නඟන ලද සාධනීය උත්සාහයකි.  සිංහල ජාතිවාදය කර පින්නා ගැනීම වෙනුවට ලාංකීය ජාතිය ගොඩනැඟීම සඳහා අරගල කිරීම අප දකින අන්දමට නම් සමාජවාදීන්ගේ ජාත්‍යන්තරවාදයේ පළමු පියවරයි.   උතුරේ වැසියන්ගේ අතුරුදහන් වීමේ ප්‍රශ්නය 1989 වකවාන...