Posts

Showing posts from November, 2019

අලුත් ජනාධිපති යටතේ අලුත් ගමනක ආරම්භය ගැන නිරීක්ෂණ

Image
November 29, 2019adminPolitics අජිත් පැරකුම් ජයසිංහ – 2019 නොවැම්බර් 29 අනිද්දා පුවත්පතේ ද පළ වේ ජනාධිපති ගෝඨාභය රාජපක්ෂ බලයට පත් වී සති දෙකකට ආසන්න කාලයක් ගතවෙමින් තිබේ. මෙම සටහන තබන අද දින ඔහු සිය පළමු නිල විදේශ චාරිකාව වෙනුවෙන් ඉන්දියාව බලා පිටත්වෙයි. ශ්‍රී ලංකාවේ සමීපතම අසල්වැසියා වන ඉන්දියාව සමග ඔහුගේ සාකච්ඡා හා සම්බන්ධතා ශ්‍රී ලංකාවේ දේශපාලනයට අතිශය වැදගත් ය. ඉන්දියාව බලා පිටත්ව යාමට පෙර ඔහුගේ පාලනය විසින් සලකුණු කර තිබෙන ලක්ෂණ කිහිපයක් අධ්‍යයනය කර බැලීම මෙම සටහනේ අරමුණයි. ගෝඨාභය රාජපක්ෂ පාලනය යනු රාජපක්ෂ පවුලේ ප්‍රධාන බලවේග දෙකක් අතර බලතුලනයක් ලෙස සැලකිය හැකි ය. එම බලවේග දෙක නම් ජනාධිපති ගෝඨාභය රාජපක්ෂ හා අගමැති මහින්ද රාජපක්ෂ අතර බල තුලනයයි. මෙම පුද්ගලයන් දෙදෙනා විසින් ඉතා පැහැදිලි දේශපාලන ධාරාවන් දෙකක් නියෝජනය කරන බව පෙනේ. මහින්ද රාජපක්ෂ ජනප්‍රියවාදී නායකයෙකි. ගෝඨාභය රාජපක්ෂ ජනප්‍රිය දේශපාලන චරිතයක් වුව ද ඔහු ජනප්‍රියවාදියකු යයි කිව නොහැකි ය. මෙම ලක්ෂණ මේ දෙදෙනා බාහිර සමාජයට පෙනී සිටින ශාරීරික ප්‍රතිරූපවලින් පවා පෙනේ. මහින්ද රාජපක්ෂ රූප ලාවණ්‍යයට විශාල අවධානයක් යොමු කළ අයෙකි. …

SRI LANKA GETS THE BAD NAME INTERNATIONALLY DUE TO ABDUCTION OF AN EMBASSY STAFF MEMBER

Image
November 28, 2019adminEnglishNews Ajith Perakum Jayasinghe Swiss foreign ministry has confirmed the incident of the kidnap of a female embassy official by unknown assailants in Sri Lanka. Swissinfo.ch website reported that the Swiss foreign ministry announced in a written statement that the woman had been threatened in order to force her to disclose “embassy-related information”. “Switzerland promptly reported the incident to the Sri Lankan authorities and is demanding an immediate and complete investigation into the circumstances surrounding the incident,” wrote ministry spokesman Pierre-Alain Eltschinger, as reported by swissinfo.ch. The Sri Lankan ambassador to Switzerland has also been summoned to the foreign ministry in Bern, he added. Meanwhile, another Swiss website, nzz.ch, stated that Nishantha Silva, a police inspector who investigated about Sri Lanka’s ruling family has fled to Switzerland with his family with the hope of seeking political asylum. “In the Criminal Investigat…

පමුණුවේ වෙළෙන්දන් ජනමතයට ගරු කළ යුතු නැද්ද?

Image
November 27, 2019adminLifeNewsOpinion මහරගම පමුණුවේ වීදි රෙදි වෙළඳුන්ට රාත්‍රී කාලයේදී තම කඩ ලෑලි පාර අයිනේ තබා නොයන්නැයි හමුදාව උපදෙස් දීම ගැන සමාජ මාධ්‍යවල කතිකාවක් ඇති වී තිබේ. පමුණුව වෙළඳපොළ වනාහි දේශීය සුළු හා මධ්‍ය පරිමාණ කර්මාන්තකරුවන්ගේ වෙළඳ අඩවියකි. ඔවුන්ට දිරි දීම මිස අධෛර්ය කිරීම ආර්ථිකයට හොඳ නැත. කෑලි රෙදි මූට්ටු කර මහන ඇඳුම විකුණාගෙන ජීවත් වන මිනිසුන්ට විකල්පයක් නොදී ඔවුන් පළවා හැරීමෙන් සිදුවන්නේ දිළිඳුකම තව තවත් වැඩි වීමයි. එසේම, පමුණුව යනු යම් වෙළඳ සංස්කෘතියක් ලෙස ද සැලකීමෙහි වරදක් නැත. එය වෙළඳපොළ නම් සාධකයෙහි ඇති විචිත්‍රත්වය ද නිරූපණය කරන අවස්ථාවකි. වීදියේ වෙළඳාම් කරන මිනිසුන් බොහෝදෙනෙකු කරන්නේ හැන්දෑවට තමන්ගේ බඩු ටික පෙට්ටිවලට පටවා ළඟපාත හිතවත් කඩයක තැබීමයි. කලාතුරකින් ඇතැමෙකුට ඩිමෝ බට්ටන් හෝ ත්‍රිරෝද රථවලින් ඒවා ගෙදර රැගෙන යා හැකි ය. ඇතැමෙකු වෙළඳාම් කරන වීදියට එන්නේ දුරබැහැර සිට ය. මොවුන්ගේ කඩ තට්ටු හදා ඇත්තේ පෙට්ටි ලෑලිවලිනි. හැන්දෑවට ඒවා ගලවා අසල බිත්තියකට හේත්තු කර තබනු ලැබේ. රාත්‍රියට ඒවා අවලස්සන බව ඇත්ත ය‍. එහෙත්, ජනතාව පසුගිය ජනාධිපතිවරණයේදී ඡන්දය දී ඇත්තේ වින…

ගෝඨාභයවාදය හා ජාතිවාදය අතර ආදරය හා වෛරය

Image
November 26, 2019adminCartoonPolitics අජිත් පැරකුම් ජයසිංහ – 2019 නොවැම්බර් 24 අනිද්දා පුවත්පතේ පළ විය. ජනාධිතිවරණය ප්‍රජාතන්ත්‍රවාදී කඳවුරට බරපතල පරාජයක් බව පිළිගත යුතු ය. එක්සත් ජාතික පක්ෂය පමණක් නොව, ජනතා විමුක්ති පෙරමුණ විසින් නායකත්වය දෙන ලද ජාතික ජන බලවේගය ද දැවැන්ත පරාජයකට ලක් විය. ඒ අතර ම, මෙම බලවේග දෙක ප්‍රජාතාන්ත්‍රික පදනමින් එක්සත්ව කටයුතු කළා නම් ජනාධිපතිවරණයෙන් ගෝඨාභය රාජපක්ෂ පරාජය වන්නට ඉඩ තිබුණු බව ද ප්‍රතිඵලයෙන් පෙනේ. එසේ වෙද්දීත්, දෙමළ හා මුස්ලිම් ජාතීන් පමණක් නොව, ක්‍රිස්තියානි ප්‍රජාව පවා ප්‍රජාතන්ත්‍රවාදය පිළිබඳ බලාපොරොත්තු අත් නොහැර ඇති බව ද ඡන්ද ප්‍රතිඵලවලින් පෙනේ. නැගී එන සිංහල බෞද්ධ ගොවිගම පිරිමි ආධිපත්‍යයේ අභියෝගය පළමුව සුළුතර ජාතීන්ට හා ආගම්වලට දැනීම ස්වභාවික ය. එහෙත්, එය පසුව කුල හරහා ස්ත්‍රී පුරුෂ සමාජභාවය දක්වා ම අවබෝධ වනු ඇත. එහෙත්, එකී අවබෝධය ලැබෙන්නේ සවිඥානකත්වය සහිත ප්‍රජාවන්ට පමණි. අධිපතිවාදයන් විසින් වහල්භාවය ද ගොඩනගන බැවින් සමාජයේ සැලකිය යුතු බලවේගයක් අධිපතිවාදී පීඩනය දරාගන්නන් බවට පත් වීම ද ස්වභාවික ය. ගෝඨාභය රාජපක්ෂගේ ජයග්‍රහණය විග්‍රහ කරගැනීම ඉතා …

පළමු ප්‍රහාරය ස්වාධීන කොමිෂන්වලට ද?

Image
November 23, 2019adminCartoonPolitics අජිත් පැරකුම් ජයසිංහ, 2019 නොවැම්බර් 24 දින ලංකා පුවත්පතට ලියූ ලිපිය 19වන ආණ්ඩුක්‍රම ව්‍යවස්ථා සංශෝධනය යළි සමාලෝචනය කර ඉදිරි කටයුතු කරගෙන යන බව විපක්ෂ නායක මහින්ද රාජපක්ෂ සිය සොයුරු ගෝඨාභය රාජපක්ෂ ජනාධිපතිවරණය ජයග්‍රහණය කිරීමෙන් පසුව මාධ්‍යවලට පැවසී ය. 19වන සංශෝධනයෙන් ව්‍යාකූල තත්වයක් ඇති කර තිබෙන බව ද ඔහු පැවසී ය. පසුගිය වසර පහක පමණ කාලය තුළ රට තුළ පැවති අස්ථාවර තත්වයට හේතුව 19වන සංශෝධනය යයි කෙනෙකුට බැලූ බැල්මට පෙනුණ ද, ජනාධිපති හා අගමැති පක්ෂ දෙකකින් පත් වූ මීට පෙර අවස්ථාවලදී ද මෙවැනි ම අස්ථාවර තත්වයක් ඇති විය. 2001 වසරේ පැවැත්වුණු මහ මැතිවරණයෙන් එක්සත් ජාතික පෙරමුණ ජයගෙන ආණ්ඩුවක් පිහිටුවන විට ජනාධිපති ධුරය දැරුවේ චන්ද්‍රිකා බණ්ඩාරනායක කුමාරතුංග ය. ඇය විසින් 2003 නොවැම්බර් මාසයේදී ආණ්ඩුවේ ප්‍රබල අමාත්‍යාංශ තුනක් පවරාගනිමින් නිර්මාණය කරන ලද තත්වය අවසන් වූයේ 2004දී හදිසි මහ මැතිවරණයක් පවත්වා එකී ආණ්ඩුව පරාජය කිරීමෙනි. එවකට ජනාධිපතිගේ බලතල පාර්ලිමේන්තුව අභිබවා ගිය අතර පාර්ලිමේන්තුව විසුරුවාහැරීම සඳහා ජනාධිපති අද මෙන් වසර හතරහමාරක් බලා සිටිය යුතු වූ…

ජනාධිපති ගෝඨාභය දිළිඳුකම නැති කරන්නට රජයේ රස්සා දීම

Image
November 22, 2019adminEconomyGovernancePolitics අජිත් පැරකුම් ජයසිංහ රජයේ රැකියා ලබාදීම පිළිබඳ මේ වන විට ජනාධිපති ගෝඨාභය රාජපක්ෂ කිහිපවරක් ම කතා කර තිබේ. නිපුණත්වයක් අවශ්‍ය නැති රැකියා පිළිබඳ කතා කරමින් ඔහු එම රැකියා ලබා දීමේදී කටයුතු කළ යුතු ආකාරය ගැන පැවසූ අදහස් මෙසේ ගොනු කළ හැකි ය. නිපුණත්වයක් අවශ්‍ය නැති රැකියා ඇබෑර්තු සියලු දෙනාට ම ලබා දිය යුතුයි. ඒ ඇබෑර්තු බොහෝ වෙලාවට පිරෙව්වේ ඇමතිවරයාගේ ආසනයෙන්. එම රැකියා දිය යුත්තේ දුප්පත්කමේ පහළම සිටින අයටයි. එය දුප්පත්කම නැති කිරීමට ඉවහල් වෙනවා. ඉහළ සුදුසුකම් ඇති අයට මෙම රැකියාව දුන් විට එම රැකියාවන්ට අදාළ කාර්යයන් ඔවුන්ගෙන් ඉටුකරගන්නට බැහැ. එවැනි පුරප්පාඩු ඇමතිවරයා විසින් කෙළින් ම පුරවන්නේ නැතුව, රටේ සෑම ප්‍රදේශයක ම සිටින මන්ත්‍රීවරුන්ට එම පුරප්පාඩුවලට අවස්ථාව ලබාදිය යුතුයි. එවැනි පුරප්පාඩු තිබේ නම් ඒ පිළිබඳ ජනාධිපති ලේකම් කාර්යාලයට දැනුම් දෙන්න. නිපුණතා අවශ්‍ය නැති රැකියා යන්න වැරදි යෙදුමකි. සනීපාරක්ෂක කම්කරු වෘත්තිය නිවැරදිව කිරීමට පවා කම්කරුවකුට නිපුණතා අවශ්‍ය ය. එසේම, තම රැකියාව පිළිබඳ යහපත් ආකල්ප අවශ්‍ය ය. ඔවුන්ට අවම හෝ පුහුණුවක් ලබා දි…

ජනාධිපති ගෝඨාභය මැදමුලන නඩුවෙන් නිදහස් කිරීම ඉතා නිවැරදි ක්‍රියාවක් වන්නේ මෙහෙමයි

Image
November 21, 2019adminLawPolitics මැදමුලන ඩී.ඒ. රාජපක්ෂ කටුගෙය ඉදිකිරීමේදී රුපියල් මිලියන 33.9 ක රජයේ මුදල් සාවද්‍ය ලෙස පරිහරණය කිරීම පිළිබඳ ගෝඨාභය රාජපක්ෂ වත්මන් ජනාධිපතිවරයාට පවරා තිබූ නඩුවෙන් ඔහු නිදහස් කිරීමට බස්නාහිර පළාත්බද ත්‍රිපුද්ගල මහාධිකරණය පියවර ගන්නා ලදී. නීතිපතිවරයා නියෝජනය කරමින් නියෝජ්‍ය සොලිසිටර් ජනරාල් දිලීප පීරිස් අධිකරණය හමුවේ පෙන්වා දුන්නේ ආණ්ඩුක්‍රම ව්‍යවස්ථාව අනුව ජනාධිපතිවරයකුට එරෙහිව නඩු ගොනු කළ නොහැකි බැවින් ජනාධිපති ගෝඨාභය රාජපක්ෂ එම චෝදනා වලින් නිදහස් කළ යුතු බවයි. ජනාධිපති ගෝඨාභය රාජපක්ෂට පනවා තිබූ විදේශ ගමන් තහනම ද ඉවත් කර ජනාධිපතිවරයාගේ ගුවන් ගමන් බලපත්‍රය ද මුදාහරින ලදී. මෙය නිවැරදි පියවරකි. හේතුව, ජනාධිපතිවරයාට එරෙහිව අපරාධ නඩුවක් විභාග කිරීම හා එයින් ජනාධිපතිවරයා වැරදිකරු වීම බරපතල අර්බුදයකට හේතු විය හැකි බැවිනි. ජනාධිපතිවරයා පත් වන්නේ රටේ සමස්ත ජනතාවගේ ම ඡන්දයෙන් බැවින් ඔහු මේ අන්දමින් නීතියට ඉහළින් සිටීමෙහි යුක්තියුක්තභාවයක් තිබේ. මේ පිළිබඳ ආණ්ඩුක්‍රම ව්‍යවස්ථාවේ 35 (1) වගන්තියේ දැක්වෙන්නේ මෙසේ ය: “යම් තැනැත්තකු ශ‍්‍රී ලංකා ජනරජයේ ජනාධිපතිවරයා ලෙස ධ…

අයං මහජනතාවට බනින කාලෝ

Image
November 18, 2019adminUncategorized මේ ඡන්දෙ පැරදුණු අය මහජනතාවට බනින කාලයයි. සමහරුන් මාධ්‍ය ඉදිරියට ඒමට පවා බියක් දක්වති. ඡන්දෙ ඉවර වුණ හැටියේ පිටි මිළ රු. අටකින් ද, පාන් මිළ රු. පහකින් ද වැඩි විය. ඒ ගැන කතාකරන්නට තවම කවුරුවත් ඉදිරිපත් වුණේ නැත. ඡන්ද කාලේ නම් පාන් බෙදන්නට නම් කට්ටිය සිටි බව දැන් අමතක වී යමින් පවතී. දැන් කවුරු කවුරුත් කරන්නේ මේ කාටුනයේ ඇති දේ ය. Adapted from praja.lk

චිරන් ජයතු ගෝඨාභය; අලුත් ප්‍රශස්ති නිකුත් වේ

Image
November 18, 2019adminArtPolitics නව ජනාධිපති ගෝඨාභය රාජපක්ෂ වෙනුවෙන් ප්‍රශස්ති ගායනා නිර්මාණය කිරීම ආරම්භ වී තිබේ. ප්‍රශස්ති යනු අතීතයේදී රජුන්ගේ ගුණ වර්ණනා කරමින් ගායනා කරන ලද ගීත විශේෂයකි. ඒවා ගායනා කරනු ලැබුවේ වන්දිභට්ටයන් නම් වූ සේවකයන් පිරිසකි. ඔවුන්ගේ ප්‍රශස්ති අසා රජු සතුටු වූ අතර ඔවුන්ට තෑගි බෝග, වැටුප් ආදිය පිරිනැමුවේ ය. ඇතැම්විට, වෙනත් ප්‍රභූන් වෙනුවෙන් ද ප්‍රශස්ති ගායනා කරන ලදී. පහත දැක්වෙන්නේ පැරණි ප්‍රශස්තියකට උදාහරණයකි. චන්දනම් යස තේජ කුංකුම ඇන්ද දිග ගණන් උරතල
බින්ද සතුරු අඳුරු පැහැර බන්දු කමල සේ
නන්ද විජය ශ්‍රි වික්‍රම රාජසිංහ නම් අප හිමි
ඉන්ද සිරින් නිති රැක දෙන් කන්ද සුරිඳුනේ

රාම චන්ද්‍ර විය රිවිකුල නාම ගගන තල බබලන
රාජ මෙතුම් සිංහල කිවි බෝජ රාජනේ
තේජ විකුම් යුතු වික්‍රම රාජසිංහ සිරිනම් දැරූ
රාජ රත්නමය අප හිමි රාජ රාජනේ

නූතන ප්‍රශස්තිවලින් වඩා ප්‍රකට වන්නේ සහේලි ගමගේ නම් නවක ගායිකාවක විසින් හිටපු ජනාධිපති මහින්ද රාජපක්ෂ වෙනුවෙන් ගායනා කරන ලද ‘ආයුබෝ වේවා – මහරජාණනේ’ ගීතයයි. ඇය වෙනුවෙන් නුගේගොඩ පාරක් ද නම් කිරීමට රජය පියවර ගත්තේ ය. සේනානායක වේරලියද්ද ද හිටපු ජනාධිපති මහින්ද රා…

2005 ජනාධිපතිවරණය නැවත කියවීමක්

Image
November 16, 2019adminOpinionPolitics අජිත් පැරකුම් ජයසිංහ ලංකා ඉතිහාසයේ පැවැත්වුණු ජනාධිපතිවරණ අතරින් දේශපාලනික වශයෙන් වැදගත් ම ජනාධිපතිවරණය වුණේ 2005 නොවැම්බර් 17දා පැවැත්වුණු පස්වෙනි ජනාධිපතිවරණයයි. එයට තරග කළේ එවකට අගමැති මහින්ද රාජපක්ෂ, විපක්ෂ නායක රනිල් වික්‍රමසිංහ හා තවත් අයයි. ඒ වන විට 2004 අප්‍රේල් මස මහ මැතිවරණය පවත්වා අවුරුදු එකහමාරක් පමණ ගත වී තිබිණි. ප්‍රධාන වශයෙන් ශ්‍රී ලංකා නිදහස් පක්ෂයත්, ජනතා විමුක්ති පෙරමුණත් සන්ධානගතව එක්සත් ජනතා නිදහස් සන්ධානය නිර්මාණය කරනු ලැබුවේ එම පාර්ලිමේන්තු මැතිවරණය ඉලක්ක කරගනිමිනි. එම පාර්ලිමේන්තු මැතිවරණයෙන් එක්සත් ජනතා නිදහස් සන්ධානය ආසන 105ක් ද, එක්සත් ජාතික පක්ෂය ආසන 82ක් ද දිනාගෙන තිබිණි. ජවිපෙ විසින් දිස්ත්‍රික් මට්ටමෙන් ඉදිරිපත් කරන ලද සියලු අපේක්ෂකයන් වැඩි ම මනාපයෙන් ජයග්‍රහණය කර තිබූ අතර ජාතික ලැයිස්තුවෙන් ඔවුන්ට ලැබුණු ආසනවලින් එකක් ශ්‍රීලනිපයට පරිත්‍යාග කරන්නට ඔවුහු තීරණය කළ හ. ඔවුන්ගේ පාර්ලිමේන්තු ආසන ගණන 40ක් නොවී 39ක් වුණේ එබැවිනි. 2003දී ගංගොඩවිල සෝම හිමි රුසියාවේ විශ්වවිද්‍යාලයකින් පිරිනමන ලද සම්මාන ආචාර්ය උපාධියක් ලබාගැනීම ස…
Image
November 15, 2019adminPolitics අජිත් පැරකුම් ජයසිංහ (නොවැම්බර් 13දි නිකුත් වූ, නොවැම්බර් 17දා අනිද්දා පුවත්පතේ පළ කරන ලද ලිපියකි) සාර්ථක ජනාධිපතිවරණ ප්‍රචාරණ ක්‍රියාමාලා දෙක තුනක අවසානයේ ජනාධිපතිවරණය තියුණු තරග වටයකට පිවිසෙමින් ප්‍රචාරණ ව්‍යාපාර අවසන් විය. සජිත් ප්‍රේමදාස, ගෝඨාභය රාජපක්ෂ සහ අනුර කුමාර දිසානායක සාර්ථක ප්‍රචාරණ ක්‍රියාමාලා දියත් කළ අපේක්ෂකයෝ ය. සෙසු අපේක්ෂකයන් අතර ඇතැමෙකු ප්‍රධාන අපේක්ෂකයන්ට අමතර අවස්ථා ලබාගැනීම පිණිස දමන ලද ඉත්තෝ ය. පෙරටුගාමී සමාජවාදී පක්ෂය විසින් කරන ලද ප්‍රචාරණ ක්‍රියාමාලාවේ අරමුණ වන්නට ඇත්තේ තමන් සුළුතර සුවිශේෂ පිරිසක් බව පෙන්වීම විය හැකි ය. ජවිපෙ ද තමන් සුවිශේෂ පිරිසක් බව නිතර නිතර අවධාරණය කළ හ. අනෙක් පක්ෂ දෙකේ ක්‍රියාමාලාවල උද්‍යෝගය එළිපිට ම පෙනෙන්නට තිබිණි. ඒවාට අති විශාල ජනකායන් උනන්දුවෙන්, සතුටින්, විනෝදයෙන් රැස්වන ආකාරය දකින්නට ලැබිණි. විශේෂයෙන් ම සජිත් ප්‍රේමදාසගේ රැළිවල බොහෝ අය බලාපොරොත්තු වූවාට වඩා විශාල ජනකායන් දක්නට ලැබිණි. සජිත් ප්‍රේමදාස සිය රැස්වීම්වලදී වැඩිපුර ආමන්ත්‍රණය කළේ දිළිඳු, ගැමි ජනයාට ය. ඔහු ව්‍යාපාරිකයන් හමු වූ විට චතුර ඉංග්‍…