2019-10-08

බීර නම් සුන්දර පානය සමරන ලොව මහා බීරෝත්සවය

නිශාන් පෙරේරා

ඔක්ටෝබර්ෆෙස්ට් යනු ලොව විශාලතම බීර පාන උත්සවය සහ සංචාරක විනෝද උත්සවය වේ. ජර්මනියේ බැවේරියා පළාතේ මියුනිච්හි වාර්ෂිකව පවත්වනු ලබන මෙය දින 16 සිට 18 දක්වා පැවැත්වෙන ජන විනෝද උළෙලක් වන අතර එය සැප්තැම්බර් මැද හෝ අග භාගයේ සිට ඔක්තෝබර් පළමු ඉරිදා දක්වා පැවැත්වේ. මේ වසරේ සැප්තැම්බර් 21දා ඇරඹි එය ඔක්තෝබර් 6 හෙවත් හෙට දින අවසන් වේ. සෑම වසරකම ලොව පුරා මිලියන හයකට අධික ජනතාවක් මෙම උත්සවයට සහභාගී වේ. ලොව පුරා අනෙකුත් රටවල ද මෙයට මුල් වූ මියුනිච් සිද්ධිය සමරන ඔක්ටෝබර්ෆෙස්ට් උත්සවය පැවැත්වේ. ශ්‍රී ලංකාවේ ද මෙම උත්සවය කොළඹ තරු පංතියේ හෝටල්වල සමරනු ලබයි.
(Call 077 1734470 for Praja.lk Ads)
Translations by Creative Content Consultants
මෙම උත්සවයේ ආරම්භය දහනම වන සියවසේ මුල් කාලයේ දී සිදුව ඇත. ඔටුන්න හිමි ලුඩ්විග් කුමරු (පසුව පළමුවන ලුඩ්විග් රජු බවට පත්විය), සැක්සොනි-හිල්ඩ්බර්ග්හවුසන් හි තෙරේස් කුමරිය සමඟ විවාහ වූයේ 1810 ඔක්තෝබර් 12 වනදාය.  එතැන් සිට ඔටුන්න හිමි කුමරියගේ ගෞරවය පිණිස එහි කෙත්වතු තෙරේසීන්වීස් (Theresienwiese – තෙරේසාගේ කෙත්වතු) ලෙස නම් කර ඇති අතර  ප්‍රදේශවාසීන් එතැන් සිට මෙම නම සරලව “වයිස්න්” (Wiesn) ලෙස හඳුන්වා  ඇත. මෙම සිද්ධිය මුල්කර ගනිමින් ජර්මනියේ බැවේරියාවේ උත්සවයක් ලෙස මෙය සමරනු ලැබීම ආරම්භ වී ඇත. ආරම්භයේදී මෙම උත්සව‍ය  රාජකීය පවුල ඉදිරිපිට අශ්ව ධාවන තරඟ පැවැත්වීම විශේෂ අංගයක් විය. ඊළඟ වසරේදී අශ්ව ධාවන තරඟ නැවත පැවැත්වෙන දිනය  තීරණය කිරීම ඔක්ටෝබර්ෆෙස්ට් සම්ප්‍රදායට අනුව සිදු විය. එරට වැසියෝ 1811 සිට ඔක්ටෝබර්ෆෙස්ට් උත්සවය සම්ප්‍රදායානුකූලව දිගටම පවත්වති.
1811 දී අශ්ව ධාවන තරඟ සමඟ අමතර අංගයක් ලෙස බැවේරියානු කෘෂිකර්මාන්තය නංවාලීම සඳහා නිර්මාණය කරන ලද පළමු කෘෂිකාර්මික ප්‍රදර්ශනය පවත්වා ඇත‍. පැරණි කාලයේ මෙන් අශ්ව ධාවන තරඟ අද උත්සවයේ වඩාත්ම ජනප්‍රිය අංග නොවේ. නමුත් කෘෂිකාර්මික ප්‍රදර්ශනය සෑම වසර තුනකට වරක් ඔක්ටෝබර්ෆෙස්ට් සමයේදී පවත්වනු ලැබේ.
පළමු දශක කිහිපය තුළ ජනයාට විනෝදය ලබාදීම මෙම උත්සවයේ විරල විය. පළමුව මෙරිගෝ රවුන් සහ කතුරු ඔන්චිල්ලා දෙකක් 1818 දී පිහිටුවන ලදී. කුඩා බීර අලෙවිහල්වලට නරඹන්නන්ගේ පිපාසය සංසිඳවීමට  හැකි විය. එහෙත් 1896 දී බීර කූඩාරම් සහ බීරශාලා ආදේශ කරන ලදී.
මෙම උත්සවයේදී විනෝද චාරිකා, සාමූහික ක්‍රීඩා වැනි ආකර්ෂණීය විනෝදාංග රාශියක් පැවැත්වේ. සම්ප්‍රදායික ආහාර වර්ග රාශියක් ද ඇත.  වර්තමානයේ නව විනෝදාංග මෙම උත්සවයට එක් වී ඇති අතර පැරණි සමහර ක්‍රීඩා ආදිය ඉවත් වී ඇත. යොඩලින් (Yodeling) ගායනා තරග, බියර් ස්ටයින් හෙවත් පිරවූ ලොකු බීර මග් එකක් වැඩිම වේලාවක් අත දිගහැර ඔසවාගෙන සිටීමේ තරග, සොසේජස් මූර්ති තරග, චිකන් නැටුම, යෝධ ඉත්තන්ගෙන් අදින චෙස් තරග, වැඩිම බීර පානය ආදිය මෙහිදී දැක ගත හැක.

No comments:

Post a Comment

මාතෘකාවට අදාළ නැති හා වෛරී අදහස් ඉවත් කිරීමට ඉඩ ඇති බව කරුණාවෙන් සලකන්න.