මෙන්න ගීතා දේශපාලනයට ආ හැටි | How Geetha entered politics
* මෙපමණ කලක් සිනමාවේ රැඳී සිටි ඔබ මෙවර ගාල්ල දිස්ත්‍රික්කයෙන් මහ මැතිවරණයට ඉදිරිපත් වෙනවා. මොකක්ද මේ දේශපාලන ආගමනයට හේතුව ? සිනමාවේ හිටියට මටම ආවේණික වූ දේශපාලන දර්ශනයක් ඒ කාලයේ මට තිබුණා. මම දේශපාලනයට අලුත් කෙනෙක් කියලා කවුරුහරි කියනව නම් ඒක සම්පූර්ණ බොරුවක්. මම සිනමාවට ආව කාලයේදී ඒ කියන්නේ 1977 දී මම නතර වෙලා හිටියේ සීවලී රත්වත්තේ මහත්තයාලගේ ගෙදරයි. සීවලී රත්වත්තේ කියන්නේ සිරිමාවෝ බණ්ඩාරනායක මැතිණියගේ සොහොයුරායි. ඒ නිවසේ මම නතර වෙලා ඒ ගෙදරම ඉන්න කාලයේ සිරිමාවෝ බණ්ඩාරනායක මැතිණිය, චන්ද්‍රිකා මැතිණිය, අනුර බණ්ඩාරනායක මහත්තයා ආවා ගියා. මම අවුරුදු 16 ක පොඩි ගැහැනු ළමයෙක් හැටියට එදා මගේ කණට වැටුණේ ඒ දේශපාලනයයි . (දිනමිණ 2010 මාර්තු 02)