චැනල් - 4 වෙනුවෙන් අධ්‍යක්ෂණය වීම හෙවත් හත් පොළේ ගා ගැනීම
මේ දිනවල ලංකාවේ සිංහල ජාතිවාදී බලවේගය මහින්ද රාජපක්ෂ ආණ්ඩුවට එරෙහිව ජාත්‍යන්තර වශයෙන් පුළුල් ප්‍රචාරයක් ලැබෙන අන්දමේ රංගනයක යෙදී සිටිති. මහින්ද රාජපක්ෂ ආණ්ඩුව විසින් දැවැන්ත මහජන මුදල් සම්භාරයක් වැය කරමින් පවත්වන පොදු රාජ්‍ය මණ්ඩල රාජ්‍ය නායක සමුළුවේ උත්කර්ෂය යටපත් වන අන්දමේ සංදර්ශන මාලාවක් ඔවුන් විසින් පෙන්වමින් තිබේ. මේ සංදර්ශන මාලාවේ එක් කොටසක් ඊයේ අනුරාධපුරයේදී රඟ දැක්විණි. ඒ චැනල් - 4 මාධ්‍ය කණ්ඩායම කිලිනොච්චිය බලා යාම වැළැක්වීමේ සංදර්ශනයයි. ඒ ගමන කොහොම හරි වැළැක්වීමේ උවමනාවක් බලධාරීන්ට තිබුණු බව පෙනේ. මහින්ද රාජපක්ෂ ජනාධිපතිවරයා අද තමන්ට සැඟවීමට දෙයක් නැතැයි කීවේත් මේ සිද්ධිය ඔලුවේ වැඩ කළ නිසා වෙන්නට පුළුවන. කෙසේ වෙතත්, චැනල් - 4 කිලිනොච්චි ගමන වළක්වා ගැනීමේ ආණ්ඩුවේ ප්‍රයත්නය සාර්ථක විය. ගියා නම් ආණ්ඩුව නන්නත්තාර ය. හැබැයි, සිංහල ජාතිවාදීන් චැනල් - 4 කණ්ඩායමේ චිත්‍රපටවල අනුරාධපුරයේදී හා කොළඹදී කරන රංගනයන් නම් ඇත්තෙන් ම චැනල් - 4 පැත්තෙන් බැලුවා ම නම් කියලාවත් කර ගන්නට බැරි තරම් ප්‍රශස්ථ මට්ටමක තිබේ. චැනල් - 4ට අධ්‍යක්ෂණය කරන්නට දෙයක් නැත. මෙහේ කට්ටිය අධ්‍...