W3Lanka: Praja.lk Backup

එප්පාවල කලක් ප්‍රසිද්ධව තිබුණේ පොස්පේට් නිධිය හා එය චන්ද්‍රිකාගේ ආණ්ඩුව විසින් ඇමරිකන් සමාගමකට විකිණීම සඳහා දරන ලද තැත වැළැක්වීම පිණිස ගල්කන්ද පුරාණ රජමහා විහාරයේ නායක හාමුදුරුවන් වූ මහමාන්කඩවල පියරතන හිමියන්ගේ නායකත්වයෙන් දියත් වූ අරගලය නිසා ය. ලංකාවේ බොහෝ ප්‍රගතිශීලී සංවිධාන මෙම හිමියන්ගේ උද්ඝෝෂණවලට සහාය දීම සඳහා එප්පාවලට පැමිණිය හ. මහින්ද රාජපක්ෂ ජනාධිපතිවරයා යටතේ එප්පාවල පොස්පේට් නිධියට යම් සුරක්ෂිතබවක් ලැබී තිබේ. එය ප්‍රයෝජනයට ගැනීම සඳහා හෙවත් පොහොර නිපදවීම සඳහා පිහිටුවන ලද සමාගමේ අධයක්ෂ මණ්ඩලයේ එප්පාවල හාමුදුරුවෝ ද සිටිති. මෙම කම්හලෙන් තවමත් වැඩිපුර නිපදවන්නේ රොක් පොස්පේට් බව ද, කෙටි කාලීන බෝග සඳහා යොදා ගත හැකි, පහසුවෙන් පසට අවශෝෂණය වන සිංගල් සුපර් පොස්පේට් නිපදවන්නට අවශ්‍ය ප්‍රාග්ධනය සමාගමට නැති බව වාර්තා වේ. ඒ දිනවල එප්පාවල පොස්පේට් නිධිය රැක ගැනීමේ අරගලයට සහභාගි වන්නට අප ගිය සුන්දර ගැමි එප්පාවල පෙදෙස අද ප්‍රසිද්ධ වී ඇත්තේ සමූහ මිනීමැරුමුවලට ය. මේ අලුත් ම සමූහ මිනීමැරුමයි. කියවන්න දිවයින. මේ උපුටා ගත් කොටසකි. "සෑර් කාලයක්‌ තිස්‌සේ මම ඉඩම් නඩුවකට පැටලී ඉන...

මේ සංස්කෘතිය කුමක්ද? අපි උඩරට නිලමේ ඇඳුම් අඳිමු. බටහිර චාරිත්‍ර හිස් මුදුනින් වන්දනා කරමින් ඒවා විකෘති කරමින් දන්නා දෙය වූ 'නාගසලං' ගසමින් චොකා බයිලා නටමු. මේ අපේ සංස්කෘතියයි. අති විශිෂ්ටයි. ආශ්චර්යජනකයි. අප අද පරමාදර්ශ කරගෙන සිටින මහජන මුදලින් ධනවත් වූ පැළැන්තියේ මංගල උත්සවයක අනර්ඝ ඡායාරූප එකතුවක් මෙම සබඳතා පුරුක ඔස්සේ ඔබට නැරඹිය හැකි ය. හෙට තවත් බොහෝ දෙනෙකුගේ විවාහ මංගල්‍ය පැවැත්වෙනු ඇත්තේ මේවා අනුකරණය කරමිනි. අපි යන්නේ කොහිද? මල්ලේ පොල් ය. අහෝ දුකකි! ඉරකි; තිතකි. මෙන්න පුරුක මේ ලිපියට ඔබ කැමති නම් වෙන අයත් එක්කත් බෙදා ගන්න

Oregon State University medical anthropology graduate student  Jill Priest  (left) and  Danigala Vedda chief Maha Bandaralage Randunu Wanniya (vedda.org) (2010 අගෝස්තු 09,  W3Lanka )  අද ලෝක ආදි වාසී දිනයයි.  ලංකාවේ ද සුපුරුදු කැලැන්ඩර් සංදර්ශනයක් පැවැත්වෙන්නට ඇත. අපේ රටේ ආදි වාසීන් සිටීම අපට ආඩම්බරයකි. අපට ඔවුන් සුද්දන්ට පෙන්විය හැකි ය. අපට ම වුවත් බලන්නට ගොස් මී පැණි ටිකක් අරන් ආ හැකි ය. වැදි ජන ගී මොඩ් කර ගායනා කළ හැකි ය. පෙරහරවලදී කළු ළමයින් කීපදෙනෙකුට කොළ අතු අන්දවා පොරෝ අතට දී  වැදි නැටුම් නැටවිය හැකි ය. බී ගත් විට ඕයේ ඔජායේ වැනි ගීත ගයා නැටිය හැකි ය. වැදි ජනයාට නම් අල්ලපු අත්තත්, පය ගහපු අත්තත් දෙක ම නැත. සම්ප්‍රදායිකව ඔවුන් දිවි ගෙවූ කැළෑව ඔවුන්ගෙන් උදුරාගෙන වන ජීවී හා වන සංරක්ෂණ දෙපාර්තමේන්තු යටතට ගෙන දැන් සුද්දන්ට සෆාරි යාම සඳහා සූදානම් කෙරෙමින් තිබේ. මිනිස් ගජ්ජුන්ට අවශ්‍ය සංදර්ශන පෙන්වීම වෙනුවෙන් වැදි ජනයා කෙටේරි කරේ ගසාගෙන සිටිය යුතු ය. නවීන වීම සඳහා ද ඔවුන්ට අවස්ථා නැත. දඩයමට කැළෑ නැත. ගොවිතැනට ඉඩම් නැත. ඉඩමට වතුර නැ...

(2009 දෙසැම්බර් 25 - W3Lanka ) වැඩිහිටියන්ට පමණයි තහනම ඉවත් වී ඇත. කොයි තරම් ඉවත් වී තිබේදැයි කීවොත් දැන් වැඩිහිටියන්ට පමණයි පුවරු රැගෙන පිකටිං පැවැත්විය හැකි ය. අප නම් කිසි දිනෙක මේ ක්‍රියාවලට විරුද්ධ වූයේ නැත. ඒ අප දේශද්‍රෝහීන් නිසා නොව නිදහස ගරු කරන්නන් නිසා ය.මව්බිම, ජාතිය, සංස්කෘතිය රැක ගන්නට ම උපන් පුතකු වන විමල් වීරවංශ නායකත්වය දෙන උද්ඝෝෂණයක මෙම ඡායාරූපයේ දැක්වෙන පුවරුව ප්‍රදර්ශනය වීම පුදුමයක් වුව ද අපි නම් ඒ ගැන සතුටු වෙමු. අනාගතේ යම් දවසක බටහිර රටවල මෙන් විමල් වීරවංශ, අචල ජාගොඩ වැනි සුන්දර තරුණයන්ට මෙම පුවරුවේ දැක්වෙන ආකාරයෙන් පවා වෙඩි නොකා විරෝධය දැක්විය හැකි ප්‍රජාතන්ත්‍රවාදී නිදහස් වාතාවරණයක් රටේ ඇති වේවා යි අපි ප්‍රාර්ථනා කරමු. මෙම උද්ඝෝෂණයට පියසිරි විජේනායක ගරු සංස්කෘතික ඇමතිතුමා සහභාගි වූයේ ද යන්න පිංතූරවලින් පැහැදිලි නොවේ.

(2009 නොවැම්බර් 15 - W3Lanka ) සිංහල ජාතියේ පිනට මෙරට පහළව ඇති ජාතික නිදහස් පෙරමුණ නියෝජනය කරන සංස්කෘතික ඇමති පියසිරි විජේනායක වැඩිවිය පැමිණ ඇති බව වාර්තා වේ.  මෙම මල්වර වීම නිමිත්තෙන් පසුගිය දිනවල ජාතියේ සංස්කෘතිය ආරක්ෂා කිරීම සඳහා සංස්කෘතික ඇමති දෙකට්ටුව විසින් ජනාධිපති මහින්ද රාජපක්ෂ සමග එක්ව කරන ලද 'වැඩිහිටියන්ට පමණයි' චිත්‍රපට තහනම ඉවත් කිරීමට රජය තීරණය කර තිබේ.  ඇමතිවරුන් කී බස් අසා හොරෙන් නිල් චිත්‍රපට බැලීම පවා අත් හළ කීකරු ජනතාවට ඒ උපාසක ඇමතිවරු ස්තුතිය පිරිනමා ඇති බව අමාත්‍යංශ ආරංචි මාර්ග පවසයි.  වැඩිහිටියනි, දැන් ඉතින් 'මේ දෑස කුමටද?'  කියා තැවෙන්නට අවශ්‍ය නැත. දැන් ඔබට වැඩිහිටියන්ට පමණක් වෙන් වූ චිත්‍රපට බලන්නට පුළුවන.

(2009 සැප්තැම්බර් 22 - W3Lanka) පසුගියදා පොළොන්නරුවේදී පැවැත්වුණු 2009 වසරේ රාජ්‍ය සාහිත්‍ය උළෙලට ඇරැයුම් ලැබූවන් අතර මීට වසර 11කට පෙර මිය ගිය රුහුණු විශ්වවිද්‍යාලයේ උද්භිද විද්‍යා අංශ ප්‍රධානී අලවත්තේගොඩ ප්‍රේමදාස මහතා ද සිටියේය. විශිෂ්ට ලේඛකයකු හා විද්වතකු වූ එතුමාට මෝටර් රිය ඇතුල් කිරීමේ අවසරපතක්ද නිකුත් කිරීමට සංස්කෘතික හා ජාතික උරුමයන් පිළිබඳ අමාත්‍යංශය කාරුණික වී තිබේ.  කොළඹදී පැවැත්වුණු රාජ්‍ය සාහිත්‍ය සම්මාන උළෙලේදී ජනාධිපතිතුමා පුටුවෙන් වැටීම පිළිබඳව ආන්දෝලනයක් තිබෙන අතර, ඉහත කී ඇරැයුම් පත ද නිකුත් කළ සංස්කෘතික හා ජාතික උරුමයන් පිළිබඳ අමාත්‍යංශයේ ලේකම් ජී.එල්.ඩබ්. සමරසිංහ පසුව තනතුරින් ඉවත් කරන ලදී. 

(2009 සැප්තැම්බර් 12 - W3Lanka) ලංකාවේ සංස්කෘතිය වෙනුවෙන් රජය ඊයේ  අතිශය වැදගත් පියවරක් ගත්තේය. ඒ පියවරත් සමග ලංකාවේ සංස්කෘතිය තීරණාත්මක ලෙස හොඳ වේ යයි අපේක්ෂා කළ හැකිය. සත්තකින්ම, එය රජය මෙතෙක් සංස්කෘතියට කරන ලද විශිෂ්ඨම සේවය වන්නටද පුළුවන. ඒ වෙනුවෙන් වැය කළ මහජන මුදල් කන්දරාව වැඩි යයි ඇතැම් එන්ජීඕකාර ඩොලර් කාක්කන් කෑ ගසන්නට පුළුවන. එහෙත් මෙවැනි මාහැඟි කාර්යයක් නොකර ලංකාවේ සංස්කෘතියට සේවය කරන්නට පුළුවන්ද? මෙම කාර්යය විශේෂයෙන්ම මේ සාහිත්‍ය මාසයේදීම කිරීම රජය සංස්කෘතිය කෙරෙහි තිබෙන සංවේදීභාවයේ තරම ප්‍රකාශ කරයි.  එම කාර්යය වන්නේ සංස්‌කෘතික කටයුතු හා ජාතික උරුමයන් පිළිබඳ කැබිනට්‌ නොවන ඇමැති පියසිරි විඡේනායක මහතා සඳහා අවශ්‍ය වාහන, කාර්යාල උපකරණ මිලට ගැනීම සහ වාහන අලුත්වැඩියාව සඳහා රුපියල් එක්‌කෝටි හැටහත්ලක්‍ෂයක (1,67,00000) මුදලක්‌ ලබා ගැනීමට පරිපූරක ඇස්‌තමේන්තුවක්‌ ඊයේ (11 දා) පාර්ලිමේන්තුවට ඉදිරිපත් කිරීමයි.

(2009 ජුලි 28 - W3Lanka)  (ඡායාරූපයේ දැක්වෙන්නේ සීගිරියේ අඩ නිරුවත් බිතු සිතුවමකි) අපේ සදාචාරවත් සංස්කෘතික අමාත්‍යාංශය රටේ සුචරිතය ඇති කිරීමේ පියවරක් ලෙස 'වැඩිහිටියන්ට පමණයි' ලේබලය යටතේ ලංකාවේ චිත්‍රපට ප්‍රදර්ශනය නැවැත්වීමට කැබිනට් අනුමැතිය ලබාගැනීමට යන  බව  වාර්තා වේ.  ශී‍්‍ර ලංකාව තුළ සිදු වෙමින් පවතින සංස්කෘතික සෝදාපාළුව වළක්වා සදාචාරවත් සමාජයක් බිහි කිරීමේ අරමුණෙන් ජනාධිපති මහින්ද රාජපක්ෂ මහතාගේ උපදෙස් මත මේ පියවර ගෙන ඇති බව සංස්කෘතික හා ජාතික උරුමයන් පිළිබඳ ඇමැති මහින්ද යාපා අබේවර්ධන මහතා සීගිරිය වදුල හෝටලයේ ඊයේ (27) පැවැති මාධ්‍ය හමුවකදී පැවසීය. 'වැඩිහිටියන්ට පමණයි' ලේබලය ඇලවෙන්නේ නිරුවත්, අඩ නිරුවත් දර්ශන හා ලිංගික හැසිරීම් හා සම්බන්ධ දර්ශන ඇතුළත් චිත්‍රපටවලටයි. ගැහැනියක හා පිරිමියෙකු සරාගී ලෙස එකිනෙකා සිපගැනීම පවා අසභ්‍ය කටයුත්තක් ලෙස සැලකෙන අතර මෙම දර්ශන අඩංගු චිත්‍රපට සිනමා ශාලාවල ප්‍රදර්ශනය කිරීම, ඒවා අඩංගු වීඩියෝ විකිණීම, ළඟ තබාගැනීම හා බැලීම නව නීති රීති යටතේ තහනම් වීමට නියමිත වන අතර, එසේ කර හසු වන අයට සිර දඬුවම් නියම වනු ඇති බව දැනගන්නට තිබේ....