රෝහණ විජේවීර ඝාතනයේ සත්‍යය ගවේශනය කිරීම
රෝහණ විජේවීර සහෝදරයා විසින් නායකත්වය දෙන ලද 1989 කැරැල්ල අතිශය ප්‍රචණ්ඩ එකකි. ප්‍රධාන වශයෙන් ම ඉන්දියන් හමුදාවට, ලංකාවේ ආණ්ඩුවට හා දෙමළ ජනයා සමග බලය බෙදා ගැනීමට එරෙහිව ඇවිලුණු මෙම කැරැල්ල තුළ රජයත්, ජවිපෙත්, වාමාංශික පක්ෂ ඇතුළු තවත් විශාල පිරිසක් ද යුද අපරාධවල හා ත්‍රස්තවාදයේ යෙදුණ හ. අවසානයේ ජවිපෙ පරාජය විය. එහි නායක රෝහණ විජේවීර ඇතුළු සාමාජික සාමාජිකාවෝ දස දහස් ගණනක් නඩු විභාගවලින් තොරව ඉතා කෘාර අන්දමින් ඝාතනය කරන ලදී. මෙය ඉතා පැහැදිලි යුද අපරාධයකි. රාජ්‍ය ත්‍රස්තවාදයකි. මෙම කෘෘර මර්දනය සංකේතවත් කරන ඉතා ම වැදගත් සිද්ධිය වන්නේ රෝහණ විජේවීර ඝාතනයයි. ඔහු මරා දැමූ අන්දම ගැන ඇසින් දුටු සාක්කියක් තිබේ. ඒ එදා මිලිටරි පොලිසියේ ඡායාරූප ශිල්පියා වූ ජවිපෙ සාමාජිකයකු ද වූ ඉන්ද්‍රානන්ද ද සිල්වා ය. විජේවීරගේ අවසන් ඡායාරූප ගත්තේ ඔහු ය. විජේවීර මරා දැමීම ගැන අතිශය වැදගත් සාක්ෂි රැසක් ඔහු සතුව තිබේ. ගොල්ෆ් පිටියේදී වෙඩි තබන ලද විජේවීරගේ මළ සිරුර බොරැල්ල කනත්තේ ආදාහනාගාරයේදී පණ පිටින් පුළුස්සා දැමූ අයුර ද ඔහු නිරීක්ෂණය කළේ ය. රෝහණ විජේවීර ඝාතනය පිළිබඳ ජවිපෙ නිහඬ ඇයි ද ...
