W3Lanka: Praja.lk Backup

SL 2007-01-001 ඉන්දියාවට කැනීම් සඳහා දී ඇති කොටසයි ලබන වසරේ මුල් කාර්තුව තුළ ශ්‍රී ලංකා මුහුදු තීරයේ තෙල් සම්පත තිබේ දැයි සත්‍ය වශයෙන්ම පැවැසිය හැකි බව ශ්‍රී ලංකාවේ තෙල් ගවේෂණ කටයුතුවල යෙදෙන ඉන්දියාවේ “කෙයාන්” ලංකා සමාගම පවසයි. -දිනමිණ 2011 අගෝස්තු 19 මේ 2010 මැයි 01 දා දිනමිණ පළ කළ වාර්තාවකි. (දිනමිණ කියවන්නේ ඇයිදැයි අපේ පාඨකයෝ අසති. අප දිනමිණ උපුටා දක්වන්නේ ආණ්ඩුවේ මාධ්‍ය මෙහෙයුම්වල නිරුවත පෙන්වීමටයි. මෙවැනි පුවත් ජාතික රූපවාහිනියෙන් හා ස්වාධීන රූපවාහිනියෙන් ද නිතර ප්‍රචාරය වේ. ඒවායෙන් සිදු වන බලපෑම දිනමිණට වඩා බෙහෙවින් වැඩි ය.) මෙරට තෙල් කැණීම් ලබන වසරේ ඇරැඹේ සුභාෂිණී සේනානායක ශ්‍රී ලංකාවේ තෙල් කැණීම් කටයුතු ලබන වසරේදී ආරම්භ කෙරේ. තෙල් කැණීම් සඳහා සිදුකරන ලද පරීක්ෂණ කටයුතු සදහා ගවේෂණ කටයුතු සියල්ල සිදු කොට අවසන් බව ඛනිජ තෙල් කර්මාන්ත ඇමැති සුසිල් ප්‍රේමජයන්ත් මහතා දිනමිණ ට ප්‍රකාශ කෙළේය. තෙල් කැණීම් කටයුතුවලදී මේ රටේ වාසනාවට තෙල් ලැබුණහොත් ඉදිරි කැණීම් කටයුතු පුළුල් කරන බවද හෙතෙම ප්‍රකාශ කෙළේය. මුහුදේ සිදුකරන ලද පරීක්ෂණ කටයුතු මුළුමනින්ම අවසන් බව පැවසූ ඇමැතිවරයා දිනකට තෙල...

( 2010 නොවැම්බර් 13,  W3Lanka )   පසුගිය 9 වන දින මාතර නගරයේ ජනප්‍රිය බාලිකා විදුහලක 11, 12, 13 ශ්‍රේණිවල ශිෂ්‍යාවන් 18 දෙනකුගේ කොණ්ඩය බලෙන් කැපූ ගුරුවරියන් තිදෙනකු පිළිබඳ මාතර පොලිසිය පරීක්ෂණ පවත්වන බව අද දිනමිණ වාර්තා කර තිබේ. මේ වන විට ලංකාවේ අධ්‍යාපන පද්ධතියට තිබෙන ප්‍රධාන ප්‍රශ්නයක් වන්නේ සිසුන්ගේ කොණ්ඩා හා නිල ඇඳුම් ය. අප කියන්නේ බොරුවක් නො වන බව විදුහල්පතිවරුන් හා ගුරුවරුන් කීපදෙනෙකුගෙන් විමසුවොත් දැනගන්නට පුළුවන.  විමල් අයියා, නාමල් අයියා වැනි අය කොණ්ඩයේ ජෙල් ගා ලස්සනට ඉඳිද්දී පාසල් දරුවෝ ද එය අනුගමනය කරති. එහෙත්, විදුහල්පතිවරු එයට අකැමැති වෙති. කොණ්ඩා දිගට කැපුවත්, කොටට කැපුවත්, ශිරන්ති කට්. අයෝමා කට් කැපුවත් පාසල්වල විදුහල්පතිවරු එය නො රුස්සති. එසේ ම සිසුන් කමිසය යට කරන ආකාරය, බැගය එල්ලාගෙන එන ආකාරය පිළිබඳ පවා කම්පා වී ගුරුවරු වැඩි දෙනෙක් දියවැඩියා හදා ගනිති. (හෙට ලෝක දියවැඩියා දිනයයි..)  මෙතැන ඇති ප්‍රශ්නය දිළිඳුකම හා සමාජ පසුගාමිත්වය බව ගුරුවරු නො දනිති. විලාසිතා කිරීමට මුදල් ද, මුදල් තිබුණත් ඇඳ පැළඳගෙන යන්නට තැනක් ද නැති නිසා පාසල් සිසුන් දන්...

‍ ( 2010 ඔක්තෝබර් 14,  W3Lanka )  මහජනයාට විද්‍යුත් තැපෑලෙන් පොලිස්පතිට පැමිණිලි ඉදිරිපත් කිරීම සඳහා ඊමේල් ලිපිනයක් වෙන් කර තිබේ. 'පොලිස්පතිට කියන්න' හෙවත් Tell IGP ලෙස නම් කර ඇති මෙම විද්‍යුත් තැපැල් ලිපිනය telligp@police.lk නම් වේ. වෙබ් අඩවිය හා සම්බන්ධව ආරම්භ කර ඇති මෙය පොලිස් දෙපාර්තමේන්තුව විසින් හඳුන්වා දී ඇත්තේ online service centre හෙවත් ජාලගත සේවා මධ්‍යස්ථානයක් ලෙසයි. මෙය ආරම්භ කිරීම යනු වෙබ් අඩවියක් විවෘත කිරීමක් නො වේ.  මෙම සේවාව වෙත මෙතනින් ප්‍රවේශ විය හැකි ය. මෙම විද්‍යුත් තැපැල් ලිපිනය ප්‍රවර්ධනය කිරීම සඳහා පොලිස් දෙපාර්තමේන්තුව එය උත්සවාකාරයෙන් දියත් කළේ ය. ඊමේල් ලිපිනයක් හැදීම පිළිබඳ උත්සවයක් පැවැත්වීම එසේ සාධාරණීකරණය කළ හැකි ය. එහෙත්, මෙවැනි සේවාවක් භාවිතා කිරීමෙහි ලා ලංකාවේ ජනතාවට ඇති හැකියාවේ මට්ටම පෙන්වා දෙන කදිම නිදසුනක් වන්නේ ආණ්ඩුවේ දිනමිණ පුවත්පත මෙය වාර්තා කර ඇති විසුළු ස්වභාවයයි. රජයට අයත් සිංහල ජාතික පුවත්පතේ පොලිස් පුවත් වාර්තාකරුගේ සිට ප්‍රධාන කර්තෘ දක්වා පිරිස අන්තර්ජාලය පිළිබඳ අන්දෝ සංසාරයක් නො දන්නා තත්වයක් තිබේ ...

(2010 මැයි 01 -  W3Lanka )  දිනමි‍ණේ ප්‍රවෘත්ති ලියන නංගිලා ගැන අපි මීට කලින් කීප වතාවක් ලියා තිබෙනවා. ඒ නිසා නැවත මොකවත් ලියන්නේ නැහැ. මේ අද දිනමිණ පත්තරයේ 'මෙරට තෙල් කැණීම් ලබන වසරේ ඇරැඹේ' මැයෙන් පළ වූ ප්‍රවෘත්තියකින් උපුටා ගත් කොටසක්. මුහුදේ සිදුකරන ලද පරීක්ෂණ කටයුතු මුළුමනින්ම අවසන් බව පැවසූ ඇමැතිවරයා දිනකට තෙල් බැරල් ලක්ෂයක් පිරිපහදු කළ හැකි බවත් තෙල් ධාරිතාවය දෙගුණ කර ගත හැකි බවද පැවැසීය. මෙමගින් තාර, ගෑස්, රසායනික ද්‍රව්‍ය වැනි අතුරු නිෂ්පාදනද දෙගුණයක් පමණ ලබා ගතහැකි වන බව අවධාරණය කළ ඇමැතිවරයා ශ්‍රී ලංකාවේ ඉදිරි සංවර්ධනයට විශාල දායකත්වයක් ලබාදිය හැකි වන බවද කීය. මෙම ප්‍රවෘත්තියෙන් කියවෙන ආකාරයට මුහුදෙන් තෙල් ලැබී හමාර අතර දිනකට තෙල් බැරල් ලක්ෂයක් පිරිපහදු කිරීමට ද පුළුවන. අපට ඇති ප්‍රශ්නය වන්නේ මෙසේ ලියන්නේ නොදන්නාකමටද නැතිනම් සිතාමතා ම ජනතාව නොමග යවන්නටද යන්නයි.

(2010 මාර්තු 31- W3Lanka  )   ඔන්න මේ පාරත් ජනමත සමීක්ෂණ සුපර් ස්ටාර් තරගය පැවැත්වෙනවා. අනුග්‍රහය ආණ්ඩුවෙන් ම තමයි. මාධ්‍ය අනුග්‍රහය දිනමිණ, ජාතික රූපවාහිනිය හා ස්වාධීන රූපවාහිනිය. මේ පාරත් සුපර් ස්ටාර් ලෙස ඉදිරියෙන් ඉන්නේ කැලනිය විශ්වවිද්‍යාලයේ ආචාර්ය රෝහණ ලක්ෂ්මන් පියදාස තමයි. එතුමා ඉතින් කොහොමත් වැඩකාරයානේ. මතකද එයා ජනාධිපතිවරණය ගැන කියපු හැටි: විශ්වවිද්‍යාල ආචාර්යවරුන් සිසුන් ඇතුළු සියයක පමණ සමීක්ෂණ කණ්ඩායමක් සමග අවුරුදු දහ අටේ සිට විවිධ වයස් කාණ්ඩයන්හි පිරිස් යොදාගෙන ජනාධිපතිවරණය පිළිබඳ දිස්ත්‍රික්ක විසිපහම නියෝජනය වන පරිදි ස්වාධීනව පවත්වන ලද පූර්ව සමීක්ෂණයක් අනුව, 73.32% ක් ප්‍රතාශ කරනු ලැබුවේ මහින්ද රාජපක්ෂ ජනාධිපතිවරණයේ ජය ගන්නා බව යයි කථිකාචාර්ය රෝහණ ලක්ෂ්මන් පියදාස පවසයි. "විශ්‍රාමික ෆොන්සේකා මහතා ජයග්‍රහණය කරන බවට 24.17% ප්‍රමාණයක් පමණක් ප්‍රකාශ කරනු ලැබුවේ ය. මෙම සමීක්ෂණය අනුව යුද්ධය ජය ගැනීම සඳහා ජනාධිපති මහින්ද රාජපක්ෂ මහතා මුල් වූ බවට 63.10% ක් ප්‍රකාශ කළ අතර ඒ සඳහා ෆොන්සේකා මහතා මුල් වූ බව ප්‍රකාශ කර තිබෙන්නේ 17.04%ක ප්‍රමාණයක් පමණි. මෙම වකවානුවේ ජනතාවට වඩා...

(2010 පෙබරවාරි 27- W3Lanka )   රාජ්‍ය ආයතනවලට එරෙහිව පැමිණිලි කිරීමට වෙබ් අඩවියක් ඇති බවට පුවතක් අද දිනමිණේ පළ විය. දිනමිණේ පළ වන හැම පුවතක් ම පච යයි සැකයක් ජනතාව අතර ඇත. මෙම පුවත ද එම කරුණ ඔප්පු කරන්නකි. පුවතට අදාළ සබඳතා පුරුක මත ක්ලික් කර බැලූ විට එය ඔප්පු වනු ඇත. රජයේ තොරතුරු තාක්ෂණ කටයුතු දෙස බලන විට පෙනී යන කරුණක් වන්නේ බොහෝ විට තොරතුරු තාක්ෂණය භාවිතා කරන්නේ බොරු සෝබනය සඳහා මිස සැබෑ මහජන සේවාවක් සැලසීම සඳහා නොවන බවයි. මේ වන විට රජය විසින් දහස් ගණනක් වෙබ් අඩවි පවත්වාගෙන යනු ලැබේ. එහෙත් මේ අතරින් 99%ක් ම කලට වේලාවට යාවත්කාලීන වන්නේ නැත. එය වෙන ම කතා කළ යුතු ප්‍රශ්නයකි.  රාජ්‍ය ආයතන වලට එරෙහිව පැමිණිලි කිරීමට වෙබ් අඩවියක් ජීවනී පතිරණ රාජ්‍ය ආයතනයකින් සේවාවක් ලබා ගැනීමට යාමේදී යම් දුෂ්කරතාවකට ලක් වුවහොත් ඒ පිළිබඳ රාජ්‍ය තොරතුරු කේන්ද්‍ර වෙබ් අඩවිය ඔස්සේ ජනතාවට පැමිණිලි කිරීමට දැන් හැකියාව ලැබී තිබේ. අන්තර්ජාලය ඔස්සේ  www.gie.gov.lk   වෙබ් අඩවියට පිවිසීමෙන් මෙසේ පැමිණිලි කිරීමට හැකි වේ. අන්තර්ජාල පහසුකම් නොමැති අයකුට තම ප්‍රදේශයේ නැණසල මධ්‍යස්ථානයකට ගොස් ...

(2010 ජනවාරි 08 -W3Lanka) මහින්දගේ ආගිය කතා ඉස්සර පළ වුණේ ලක්බිම රිද්ම අතිරේකයේ ය. පසුව පොතක් ලෙස පළ වූ ඒ කතාවලට අපි මහත් සේ ඇලුම් කළෙමු. එහෙත් දැන් ඒ ආගිය කතා ලියවෙන්නේ දිනමිණේ හා රජයේ රූපවාහිනීවල ප්‍රවෘත්තිවලින් පසුවයි. දිනමිණ පුවත්පතේ නම් මේවා පළ වන්නේ කතුවැකිය ලෙසයි. මොන නමින් පළ කළත් පැරණි 'මහින්දගේ ආගිය කතා'වල රසය තවමත් ඒවායේ තැවරී තිබේ. මේවා අපේ බ්ලොග් පාඨකයන් කියවිය යුතු ය. ඒ නිසා අපි අද දිනමිණ කතුවැකිය හෙවත් 'මහින්දගේ ආගිය කතා' අලුත් පිටපත වෙත ඔබේ අවධානය යොමු කරමු. මවුබිම ඉවරයි! වි ශ්‍රාමික ෆොන්සේකා මහතා දෙමළ ජාතික සන්ධානය සමඟ ගිවිසුමක් අස්සන් කර තිබේ. මේ ගිවිසුමට විපක්ෂනායක රනිල් වික්‍රමසිංහ මහතා ද අස්සන් කර තිබේ. කොළඹ රාජකීය මාවතේ පිහිටි ජනරාල්වරයාගේ නිවසේ දී දෙපිරිස අතර සාකච්ඡාවක් ද පවත්වා ඇත. මේ අනුව ජනාධිපතිවරණයේ දී දෙමළ ජාතික සන්ධානය විශ්‍රාමික ෆොන්සේකා මහතාට සහාය දක්වනු ඇත. උතුර හා නැඟෙනහිර නැවත ඒකාබද්ධ කොට ප්‍රාන්ත රාජ්‍යයක් ලෙස පවත්වාගෙන යෑම හෙවත් නැවත ඊළම ලබාදීම අත්අඩංගුවේ පසුවන සියලුම කොටි ත්‍රස්තවාදීන් නිදහස් කිරීම ඇතුළු භයානක පොරොන්...

(2009 දෙසැම්බර් 17 - W3Lanka ) දැන් රජයට අයත් එක්සත් ප්‍රවෘත්ති පත්‍ර සමාගම විසින් පළ කරනු ලබන දිනමිණ පුවත්පතට අද වසර 100ක් පිරෙයි.එහෙත් දිනමිණ පුවත්පතේ මාධ්‍ය භාවිතාව තවමත් ඇත්තේ ඉතා ම ළදරු වයසේ ය.නිදසුනක් ලෙස ලංකාවේ කිසියම් පුද්ගලයකු මාධ්‍ය පරිහරණය ලෙස කරන්නේ දිනමිණ කියවීම පමණක් නම් ඔහු මේ රටේ විරුද්ධ පක්ෂයක් තිබේ යයි දැන නො සිටීමට ඉඩ තිබේ. රනිල් වික්‍රමසිංහ යනු මහ ජරා මිනිහෙකැයි ද මහින්ද රාජපක්ෂ යනු බෝධිසත්ව ගතිගුණ ඇති වෙස‍්සන්තර වැනි රජෙකු යයි ද, ලංකාව නීතියේ පාලනය සහිත, කිසිදු වංචාවක් දූෂණයක් සිදු නො වන උතුරුකුරු දිවයිනකැයි ද සිතීමට ඉඩ තිබේ. දිනමිණ ආරම්භක කර්තෘ සහ හිමිකරු වූ එච්. එස්. පෙරේරා මහතා විසින් දිකම්ණ ආරම්භ කරන විට එහි වටිනාකම වූයේ ශත තුනකි. දැන් දිනම්ණ පුවත්පතේ සත්‍ය වටිනාකම ඊටත් වඩා අඩු ය. දිනම්ණ පුවත්පත ප්‍රධාන වශයෙන් ම මිළ දී ගන්නේ රජයේ කාර්යාල පුස්තකාල ආදිය විසිනි. සාමාන්‍ය ජනතාව මිළ දී ගන්නේ රැකියා ඇබෑර්තු, විභාග අයදුම්පත්, ටෙන්ඩර් දැන්වීම් ආදිය පිළිබඳ කියවීමට හා බත් පාර්සල් එතීමටයි. දිනමිණ පවත්වාගෙන යන්නේ ප්‍රධාන වශයෙන් ම රජයේ ආයතන මහජන මුදලින් දමන දැන්වීම්ව...