W3Lanka: Praja.lk Backup

(2011 ජනවාරි 26,  W3Lanka )   "ඔන්න දැන් ජනාධිපති තුමා බෙහෙත් ගන්නවා ඇමෙරිකාවේදී. කෝ ඔය එලියන්ත වයිට්? ඇයි එතුමාට ජනාධිපතිතුමාව සනීප කරන්න බැරිවුනේ?" මේ අප පසුගිය 2010 මාර්තු 30දා ජනාධිපතිගේ ජීවක එළියන්ත වයිට් ගැන තැබූ සටහනකට අද කිසිවකු විසින් දක්වන ලද ප්‍රතිචාරයකි.  ජනාධිපතිතුමා ඇමරිකා ගොස් සිටින්නේ ප්‍රතිකාර ගන්න නම් ඇත්තෙන් ම එළියන්ත වයිට්ගේ ගුප්ත බල සහිත විස්මිත ආයුර්වේද වෙදතම ගැන එතුමන්ට විශ්වාස නැතුවා ඇති. නැතිනම් මේ ජාතියක් ජන්මයක් පැහැදිලි නැති එළියන්ත ලින්ඩ්සේ වයිට් දැන් ඉන්නේ ඇමරිකා එක්සත් ජනපදයේ වන්නට ද පුළුවන.  කෙසේ වෙතත්, ගුප්ත බලවේග විශ්වාස නො කරන අප විසින් එදා ඔහු ගැන තබන ලද සටහන කියවීම රසවත් විය හැකි බැවින් එයට සබඳතා පුරුක යළි මෙහි දක්වමු.  ලංකා ජනපතිගේ අලුත්ම ආශ්චර්යය එලියන්ත වයිට් | Sri Lanka President's latest miracle , Eliyantha White Bookmark, remember easily and come again   www.w3lanka.com

( 2010 නොවැම්බර් 17,  W3Lanka )  තුල්හිරියේ නිල වෙදෙකු දරුවකු මරා ඇත. මියගොස්‌ ඇත්තේ වතුරුවිල, කොස්‌ගොඩ, ඉසුරු මාවතේ පදිංචි සචිත් දිරුශාන් කුමාර නමැති අවුරුදු එකයි මාස අටක්‌ වයස දරුවෙකි. දරුවාගේ යටිබඩ පැත්තට කොට්‌ටයක්‌ තබා හිසපහත් කර දරුවාගේ කොන්ද පෑගූ විට දරුවාගේ හිස කඩා වැටුණු බව මව කියයි. මෙම සිද්ධිය වාර්තා කරන ප්‍රධාන ධාරාවේ මාධ්‍ය විසින් කරනු ලබන අවධාරණයක් වන්නේ මේ දරුවා සුව කළ නො හැකි බව රජයේ වෛද්‍යවරුන් පවසා ඇති බවයි. මෙහි එක් අරමුණක් වන්නේ මේ වෙදා බේරා ගැනීම බව පෙනේ. වෙදා පමණක් නො ව, ඒ වර්ගයේ සෙසු විශ්වකර්මයන් බේරා ගන්නට ද ජනමාධ්‍යවලට උවමනා ය. මූලිකව ම ලංකාවේ සමාජය විද්‍යාව වෙනුවට බොරු හාස්කම් පිළි ගන්නා මෝඩයින් බවට පත් කිරීම මේ ජනමාධ්‍ය හිමි හා ඒවා නඩත්තු කරන පාලකයින්ගේ හා මුදලාලිලාගේ උවමනාවයි.  ඇතැම් හදවත් සිදුරු ඉබේ ම සුව වෙන බව ද, එසේ නො වන දරුවන් ශල්‍යකර්මවලට බඳුන් කරන බව ද රෝහල් ආරංචි මාර්ග පවසයි. එහෙත්, ඒ හැම කෙනෙකු ම ජීවත් කරවිය නො හැක.  හොර වෙද්දු ඕනෑ ම ලෙඩකට ප්‍රතිකාර කරන්නට භාර ගනිති. ඒ එක්කෝ මුදල් වෙනුවෙනි. නැතිනම් කීර්තිය වෙනුවෙනි....

( 2010 නොවැම්බර් 06,  W3Lanka )  ආණ්ඩුව ගැන පව් කියා සිතේ. මන්ද, දැන් ආණ්ඩුව මදන මෝදකයට එරෙහිව ද යුද්ධ කරන බැවිනි. දේශපාලනිකව හිතා යුද්ධය මුළුමනින් ම ඉවර නො කර සිටියා නම්, මේ අන්දමින් අලුත් යුද්ධ නිර්මානය කර ගන්නට සිදු නො වනු ඇත. මෙම ලේඛකයා ජිවිතයේ එක් වතාවක් ගුලි කා ඇත. ගුලි යනු මදන මෝදකය නමින් හැඳින්වෙන ආයුර්වේද ඖෂධයයි. ලේඛකයා දන්නා පරිදි එය සාදා ඇත්තේ රති කෙළියේදී වඩා ශක්තිමත්ව කටයුතු කිරීම සඳහා ගුලියෙන් හතරෙන් පංගුවක් පමණ සුළු ප්‍රමාණයක් වරකට කෑමට ය. එහෙත්, ලේඛකයාට මතක ඇති අන්දමට ඔහු ගුලි තුනක් පමණ කෑවේ ය. අමුතු මතක් දැනිණි. තද ලජ්ජාවක් ද, හුස්ම ගැනීමේදී නහයෙන් ගන්නා හුස්ම එතන ම තිබුණු සීතල පපුවකට යන්නා සේ ද දැනිණි. එබැවින් නින්ද යන තෙක් ලේඛකයා මහත් ආශාවෙන් හුස්ම ගත්තේ ය. ලේඛකයා තරුණ වියේදී ගුලි කෑවේ රති කෙළියේදී ‍වැඩියෙන් කෙළින් සිටීමට නො වේ. අවිවාහකව සිටි එසමයේ ලේඛකයාට ද රති සැප සොයා ගැනීම දුෂ්කර ක්‍රියාවක් විය. ලේඛකයා අත්හදා බලන්නට මිතුරන් සමග ගුලි කෑ අන්දමින් සෙසු තරුණයෝ ද ගුලි කනවා ඇත. ආණ්ඩුව මදන මෝදකයට එරෙහි සටනක් ආරම්භ කර ඇත්තේ ඒ තරුණයන්ට ආදරෙන් වි...