ආණ්ඩුවේ (වන) ජලචර ගුවන් සේවාව
මහජන විරෝධතා මැද පොදු ජල මූලාශ්ර අපවිත්ර කරමින් සල්ලිකාරයන්ට රට පුරා උඩින් යන්නට සැකසූ ජලචර ගුවන් සේවය නතර කිරීමට තීරණය කර ඇති බව සිවිල් ගුවන් සේවා ඇමති ප්රියංකර ජයරත්න මේ සතියේ ලංකාදීප පුවත්පතට පවසා තිබේ. හේතුව ලෙස ඉදිරිපත් කරන්නේ රජයට අයත් ශ්රී ලංකන් ගුවන් සේවයේ පාඩු අවම කිරීමයි. මෙම ජලචර ගුවන් සේවය වෙනුවෙන් මීගමු කලපුවේ සම්ප්රදායික ධීවරයන්ගේ අයිතීන් පවා උදුරා ගන්නට ආණ්ඩුව මුලින් සැලසුම් කළමුත් මහජන විරෝධය නිසා එය අත්හිටුවන ලදී. මෙම ජලචර ගුවන් සේවය පවත්වාගෙන ගියේ කැනඩාවෙන් බද්දට ගත් ගුවන් යානාවලිනි. එය දැවැන්ත පාඩුවක් ලැබුවේ ය. ඒ පාඩු පියවන්නේ මහජන මුදලිනි. එසේ මහජන මුදලින් දියත් කළ මේ ව්යාපාරය පොදු දේපල වන ජල මූලාශ්ර පරිහරණය කිරීමේ අයිතිය ද සමගින් පෞද්ගලික අංශය වෙත පවරා දීමට දැන් ආණ්ඩුව සැලසුම් කරමින් සිටියි. මේ ගුවන් සේවාව සඳහා කොන්ත්රාත් ලබා ගන්නේ කවුරුද යන්න හා ඔවුන් පිටුපස සිටින්නේ කවුරුද යන්න ගැන අවධානයෙන් සිටිය යුතු ය. මේ ලිපියට ඔබ කැමති නම් වෙන අයත් එක්කත් බෙදා ගන්න
