ලංකාවේ ආණ්ඩුවත් සක්විති පන්නයේ පොන්සි ස්කීම් එකක් ද? | Is Sri Lanka government also a Ponzi Scheme like Sakvithi's?
(2010 අගෝස්තු 09, W3Lanka ) සක්විති රණසිංහගේ ව්‍යාපාරය වුණේ අධික පොලියට ණය ලබාගෙන එයින් එදිනෙදා ජීවිතය සැපට ගත කිරීමයි. ගත් ණයවල පොලිය හා ණය ආපසු ගෙවීම කළා නම් කළේ තව තවත් ණය ගැනීමෙනි. මෙවැනි ව්‍යාපාර ලෝකයේ ප්‍රසිද්ධ පොන්සි ස්කීම් යන නමිනි. එම නම වැටුණේ එක්සත් ජනපදයේ සිට ඉතාලියට සංක්‍රමණය වූ චාල්ස් පොන්සි නම් පුද්ගලයකු විසින් 1820 දශකයේ මුල් භාගයේදී මෙවැනි ව්‍යාපාරයක් පවත්වා හසු වීම නිසා ය. එහෙත්, ඔහු ඉපදීමටත් පෙර චාල්ස් ඩිකන්ස් විසින් ලියන ලද ලිට්ල් ඩොරිට් නවකතාවේ පවා මෙවැනි ව්‍යාපාරයක් පිළිබඳ සඳහන් වේ. එක්සත් ජනපදයේ හිටපු කොටස් වෙළඳපොල තැරැව්කරුවකු වූ බර්නාඩ් මැඩොෆ් සිය ධන කළමනාකාර ව්‍යාපාරය පොන්සි ස්කීම් එකක් බවට පත් කිරීම සම්බන්ධයෙන් වරද පිළි ගැනීම නිසා 2009දී ඔහුට වසර 150ක උපරිම සිර දඬුවමක් නියම කරන ලදී. ඔහු විසින් වංචා කරන ලද මුදල එක්සත් ජනපද ඩොලර් බිලියන 21කි. ලලිත් කොතලාවලගේ ගෝල්ඩන් කී ක්‍රෙඩිට් කාඩ් ව්‍යාපාරය මෙන් ම ප්‍රමුඛ බැංකුව ද ඇත්තෙන් ම මෙවැනි පොන්සි ස්කීම් ය. මේවා අනිවාර්යයෙන් ම බිඳ වැටීමට නියමිත ව්‍යාපාර වේ. සක්විතිගේ ව්‍යාපාරය බිඳ වැටුණ...