W3Lanka: Praja.lk Backup

( 2010 අගෝස්තු 16,  W3Lanka )  පසුගිය 13දා සරත් ෆොන්සේකා වැරැදිකරු බවට තීන්දු කරමින් ඔහුව හමුදා සේවයෙන් අගෞරවනීය අන්දමින් නෙරපා හැරීමට නියම කළ පළමු යුද අධිකරණය තහනම් කරන රිට් ආඥාවක් නිකුත් කරන ලෙස ඉල්ලා සරත් ෆොන්සේකා පැවරූ නඩුව, ඔක්තෝබර් 13 වැනි දින විභාග කිරීමට නියමිත ය. මෙම පැමිණිල්ල අභියාචනාධිකරණ විනිසුරු සත්‍ය හෙට්ටිගේ, ඩබ්ලිව්. එල්. රංජිත් සිල්වා සහ අනිල් ගුණරත්න යන ත්‍රිපුද්ගල විනිසුරුමඬුල්ල හමුවේ පසුගිය ජුලි 26දා කැඳවූ අවස්ථාවේ මෙම නියෝගය නිකුත් කෙරිණි. යුද හමුදාපති ජගත් ජයසූරිය පළමු යුද අධිකරණයේ සාමාජිකයින් හා නීතිපතිවරයා වගඋත්තරකරුවන් කරමින් මෙම පැමිණිල්ල ගොනුකැර ඇත. මෙකී පැමිණිල්ලට අනුව අභියාචනාධිකරණය පළමු යුද අධිකරණයට එරෙහිව අතුරු නියෝගයක් නිකුත් කළ අතර, එම අතුරු නියෝගය තවදුරටත් දීර්ඝ කිරීම ප්‍රතික්ෂේප කළේය. අතුරු නියෝගය දීර්ඝ නොකිරීමට එරෙහිව ෆොන්සේකා ශ්‍රේෂ්ඨාධිකරණයට අභියාචනා පෙත්සමක් ගොනු කළේය. අභියාචනා පෙත්සම විභාග කළ ශ්‍රේෂ්ඨාධිකරණය, අභියාචනාධිකරණයේ තීරණය අනුමත කරමින් අතුරු නියෝගය දීර්ඝ කිරීම ප්‍රතික්ෂේප කළේය. යුද අධිකරණය පිහිටුවීමේ තීරණය...

(2010 අප්‍රේල් 19 -  W3Lanka )  පාර්ලිමේන්තුවේ දිවුරුම් දීමට හා රැස්වීම්වලට සහභාගි වීමට දැනට හමුදා අධිකරණවල නඩු විභාගයන්ට මුහුණ දෙමින් සිටින සරත් ෆොන්සේකා ආරක්ෂක අමාත්‍යංශයේ අවසර ලබා ගත යුතු බව යුද හමුදා මාධ්‍ය ප්‍රකාශක මාධ්‍යවලට පවසා තිබිණි. ජවිපෙ හිටපු පාර්ලිමේන්තු කණ්ඩායම් නායක අනුර කුමාර දිසානායක මෙම ප්‍රකාශය ප්‍රතික්ෂේප කරමින් පවසන්නේ සරත් ෆොන්සේකාට එවැනි අවසර ගැනීමක් අවශ්‍ය නොවන බවයි. මේ පිළිබඳව නීතිමය තත්වය පිළිබඳ විවාදයක් ජනමාධ්‍ය ඔස්සේ ආරම්භ කිරීමට පුළුවන. එහෙත්, අප දකින අන්දමට නම්, සත්‍ය වශයෙන් ම අද රටේ පවතින සැබෑ තත්වය අනුව නම්, එවැනි අවසර ගැනීමක් අත්‍යවශ්‍ය හා අනිවාර්ය වේ. එවැනි අවසර ගැනීමක් අවශ්‍ය නොවන්නේ නීතිය හා ප්‍රජාතන්ත්‍රවාදය පවතින ජනතා පරමාධිපත්‍යයට සැබැවින් ගරු කරන රටකය. වගකිවයුතු පුරවැසියන් පිරිසක් සිටින රටකය. ලංකාව එවැනි රටක් නොවන බව අනුර කුමාර දිසානායක හා සරත් ෆොන්සේකා නොදැන සිටිය නොහැකිය. මක් නිසාද යත් ලංකාව එම තත්වයට පත් කිරීම සඳහා මේ දෙදෙනාද සැලකිය යුතු අන්දමින් දායක වී ඇති හෙයිනි.  ලංකාවේ තවමත් වැදගත් ආයුධ මිස ජනතා පරමාධිපත්‍යය, ප්‍...

(2010 අප්‍රේල් 07- W3Lanka  )  පාලකයන් හිටපු හමුදාපති සරත් ෆොන්සේකාට දෙන්නට යන දඬුවම වසර දෙකකට වැඩි සිර දඬුවමක් බව ආණ්ඩුවේ ප්‍රබලයන්ගේ කතාවලින් හෙළිදරව් වේ. අධිකරණයක් මගින් වසර දෙකක සිර දඬුවමක් නියම කොට මාස හයකට වැඩි කාලයක් එම දඬුවම විඳ ඇති පුද්ගලයකු මැතිවරණ පනතට අනුව මන්ත්‍රී ධූරයක් දැරීමට සුදුසු නොවන බැවින් ඔහු ඡන්දයෙන් මන්ත්‍රීධූරයට පත් වූවද ඔහුගේ මන්ත්‍රීධූරය අහෝසි වන බව ජාතික නිදහස් පෙරමුණු නායක විමල් වීරවංශ පැවසීය. මීට පෙර සිංගප්පූරුවේ ස්ට්‍රේට් ටයිම්ස් පුවත්පත සමග පවත්වන ලද සම්මුඛ සාකච්ඡාවකදී ජනාධිපති මහින්ද රාජපක්ෂ ද කීවේ තමන් ෆොන්සේකාට සමාවක් නොදෙන බවයි. සරත් ෆොන්සේකාට එරෙහිව නඩු විභාග කිරීම සඳහා මේ වන විට යුද්ධාධිකරණ දෙකක් පත් කර තිබේ. ඔහු‍ට විරුද්ධව ඇති චෝදනා වන්නේ හමුදා සේවයේ යෙදී සිටියදී දේශපාලනය කිරීම හා අවි මිළ දී ගැනීම්වලදී අක්‍රමිකතාවල යෙදීමයි. පාලකයන්ට එරෙහිව නැ‍‍ඟෙන යුද අපරාධ චෝදනාවලදී ෆොන්සේකා සාක්ෂිකරුවකු වීමට ඉඩ ඇති බැවින් ඔහු යටත් වනතුරු හෝ සිහි විකල් වනතුරු හෝ මිය යනතුරු හෝ සිරගත කර තැබීමට පාලකයන්ට සිදු වී තිබේ. 

(2010 මාර්තු 16- W3Lanka )   සක්‍රීය හමුදා සේවයේ සිටියදී දේශපාලන කටයුතුවල නිරත වීම සම්බන්ධයෙන් යුද හමුදා පනතේ 124 හා 102 (1) වගන්ති යටතේ විපක්ෂ ජනාධිපති අපේක්ෂක සරත් ෆොන්සේකාට එරෙහිව යුද්ධාධිකරණයේ පවරා ඇති නඩුව අද වභාගයට ගැනේ. දෙවැනි නඩුව හෙට (17) කැඳවීමට නියමිතය. එම නඩුවෙන් යුද හමුදාවට භාණ්ඩ මිලදී ගැනීමට අදාළව ඇති නීති රීති රෙගුලාසි වලට පටහැනිව කටයුතු කෙළේ යැයි චෝදනා මත යුද හමුදා පනතේ 109 (ඊ) වගන්තිය යටතේ චෝදනා හතරක් ගොනු කැර තිබේ. සරත් ෆොන්සේකා අත්අඩංගුවට ගනු ලැබුවේ ජනාධිපතිවරයාව ඝාතනය කිරීමට හා රජය පෙරළීමට කුමන්ත්‍රණ කළ බව කියමිනි. තමා බෝගම්බර සිරගත කිරීමටත්, ආරක්ෂක ලේකම් ගෝඨාභය රාජපක්ෂ මහතා සහ පාර්ලිමේන්තු මන්ත්‍රී බැසිල් රාජපක්ෂ මහතා ගාලු මුවදොර පිටියට ගෙන ගොස් ඝාතනය කිරීමටත් සැලැසුමක් තිබුණු බව ජනාධිපති මහින්ද රාජපක්ෂ ජනවාරි 28දා මාධ්‍ය ප්‍රධානීන් හමුවේ ප්‍රකාශ කෙළේය. ජනාධිපතිවරණයේ ප්‍රතිඵල නිකුත් වීමෙන් පසු ජනාධිපතිවරයා අරලියගහ මන්දිරයේ සිට ජනාධිපති මන්දිරයට ගමන් ගනිද්දී ලේක්හවුස් වටරවුමේ දී හෝ ගාලු පාරේ දී මේ ඝාතනය කිරීමට සැලැසුම් කර ඇති බව ද ඝාතනය සඳහා හමුදාවෙන් ප...

(2010 මාර්තු 12- W3Lanka )  විපක්ෂ ජනාධිපති අපේක්ෂක සරත් ෆොන්සේකා අත්අඩංගුවට ගනු ලැබුවේ රජය පෙරළා හමුදා පාලනයක් පිහිටුවීමට මහා කුමන්ත්‍රණයක් මෙහෙයවූ බව කියමිනි. ඒ කුමන්ත්‍රණයේ එක් ජවනිකාවක් රඟ දක්වනු ලැබුවේ ජනාධිපතිවරණයදා රාත්‍රියේ සිනමන් ලේක් හෝටලයේ යයි ද කියන ලදී. කුමන්ත්‍රණය අනුව ජනාධිපතිවරයා හා ඔහුගේ පවුල ඝාතනය කිරීමට ද සැලසුම් කර තිබූ බව ජනාධිපතිවරයා පවා කීවේය. එහෙත්, දැන් විශ්‍රාමික ජෙනරාල් සරත් ෆොන්සේකා මහතාට එරෙහිව යුද්ධ හමුදා පනත යටතේ ඉදිරිපත් කර ඇති චෝදනා හත අතර රජය පෙරළීමට හෝ ජනාධිපතිවරයා ඝාතනය කිරීමට අදාළ චෝදනා කිසිවක් නැත. චෝදනා හතක් විභාග කිරීම සඳහා සේනාධිනායක වශයෙන් ජනාධිපති මහින්ද රාජපක්‍ෂ විසින් යුද්ධාධිකරණ දෙකක් පත් කර තිබේ. මෙම යුද්ධාධිකරණ දෙකේ විනිසුරු මණ්ඩල සභාපති ලෙස මේජර් ජෙනරාල් එච්. එල්. වීරතුංග සහ සාමාජිකයන් ලෙස මේජර් ජෙනරාල් ඒ. එල්. ආර්. විජේතුංග හා මේජර් ජෙනරාල් ඩී. ආර්. ඒ. පී. ජයතිලක යන මහත්වරු නම් කරනු ලැබ සිටිති. මේ යුද්ධාධිකරණ දෙක හමුවේ සරත් ෆොන්සේකා මහතාට එරෙහිව ඉදිරිපත් කරන චෝදනා විභාග කිරීම මේ මස 16 හා 17 දෙදින ආරම්භ කෙරේ. නාවික හමුදා මූල...