W3Lanka: Praja.lk Backup

‍ අහම්බෙන් ක්ලික් වූ අන්තර්ජාල දැන්වීමක් ඔස්සේ මෙම සබඳතා පුරුකෙහි දැක්වෙන පිටුව වෙත යොමු වීමි. එය ඔස්සේ යාමට පෙර ආපසු එන්න. අහු වෙන්න එපා. ඉන් පසු එහි වූ අති සරළ බුද්ධි පරීක්ෂණ ප්‍රශ්න තුනකට හෝ හතරකට පිළිතුරු දුනිමි. මෙවැනි පණිවුඩයක් දිස් විය. Congratulations You have completed the quiz. To find out the result of your IQ test, Please enter your mobile number now! ජංගම දුරකථන අංකය ඉල්ලුවේ බුද්ධි පරීක්ෂණයේ ප්‍රතිඵල දෙන්න කියා ය. එබැවින් නිකමට මෙන් ජංගම දුරකථන අංකය එකතු කළෙමි. කෙටි පණිවුඩයක් ලැබිණි. එහි වූයේ පින් අංකයකි. එය ඇතුළත් කළෙමි. මාත් නො දැන මොකක්දෝ මගුලකට මා දායක වෙලා ය. රු. 30කුත් බදුත් කපාගෙන ය. එහෙම මුදල් ගෙවීමක් කරන්නට කිසිදු උවමනාවක් මා හට නො තිබිණි. එසේ මගේ ජංගම දුරකථනයෙන් මුදල් කපා ගන්නට ඒ වෙබ් අඩවිකරුවාට ඇති අයිතිය කුමක් ද? එසේ ම, මා ඩයලොග් කොම්පැනියට ගෙවූ මුදල් මෙසේ අවසරයකින් තොරව එක එකාට බැර කරන්නට ඩයලොග් කොම්පැනියට ඇති අයිතිය කුමක් ද? ඒ වෙබ් අඩවියට ගොස් බැලුවෙමි. එය මෙසේ ය මෙය භෞතික ලිපිනයක් නැති හොර කොම්පැනියක් ඩයලොග් හා එයාටෙල් සමාගම් සමග...

(2009 ඔක්තෝබර්  19 - W3Lanka ) එක්සත් අරාබි එමීර් රාජ්‍ය යේ අබුඩාබි පදනම් කර ගත් Etisalat හෙවත් Emirates Telecommunications Corp. විසින් ලංකාවේ දෙවන විශාලතම ජංගම දුරකථන ජාලය වන ටිගෝ මිළ දී ගෙන තිබේ. ටිගෝ ලකාවේ ජංගම දුරකථන සේවා වෙළඳපොළෙන් 21%ක හිමිකරුවා ය.  මිළ ඩොලර් මිලියන 207කි. තමන් ටිගෝ මිළ දී ගන්නා බවට එයාටෙල් ද කයිය ගසමින් සිටියේය. ලංකාවේ මුල් ම ජංගම දුරකථන සමාගම වූ සෙල්ටෙල් පසුව ටිගෝ බවට පත් වූ අතර එහි හිමිකරු වූයේ ලක්සම්බර්ග් පදනම් කර ගත් මිලිකොම් ඉන්ටර්නැෂනල් සමාගමටයි.  Etisalat සමාගම සතුව ආසියානු කලාපයේ පාකිස්තානය, ඇෆ්ගනිස්තානය, ඉන්දුනීසියාව හා ඉන්දියාව යන රටවල ආයෝජන ඇති සමාගමකි.