තිස්සමහාරමයේ වළං කට්ටෙන් නැවත මතු වන ඉතිහාස ගැටලුව | The problems of history that re-emerges from Tissamaharama inscription
(2010 නොවැම්බර් 22, W3Lanka - අජිත් පැරකුම් ජයසිංහ ) ලංකාවේ දකුණේ තිස්සමහාරාමයේ පුරා විද්යාත්මක කැණීමකදී මතු වූ වළං කැබැල්ලක ඇති අකුරු හේතුවෙන් මේ වන විට සිංහල, දෙමළ ඉතිහාසඥයන් හා සමාජ ක්රියාධරයන් අතර ඉතිහාස මත ගැටුමක් ඇති වී තිබේ. මේ පිළිබඳව පුරාවිද්යා පශ්චාත් උපාධි ආයතනයේ මහාචාර්ය රාජ් සෝමදේව http://si.archaeology.lk/ වෙබ් අඩවියෙහි මෙසේ පවසයි. "තිස්සමහාරාමයේ පැරැණි මාගම නාගරික ගොඩැල්ල පුරාවිද්යා දෙපාර්තමේන්තුව සමග කැනීම් කල ජර්මානු ජාතික පුරාවිද්යාඥයින් කණ්ඩායමක් අකුරු කෙටූ පුරාණ වළං කැබැල්ලක් සොයා ගෙන තිබේ. එම වළංකටුවේ කුරුටු ගා තිබෙන පාඨයට සංකේත හතක් (7) අන්තර්ගතය. ඉන් පහක් පැරණිතම බ්රාහ්මී අක්ෂර ලෙසත් ඉතිරි ඒවා සංකේත රූප ලෙසත් බැලු බැල්මට හඳුනාගත හැකිය. "සාමාන්යයෙන් කිසියම් රටකට අයත් පුරාවස්තුවක් එම රටේ ආදාල බලධාරීන්ගේ අවසරයෙන් තොරව වෙනත් රටක ප්රකාශයට පත් කිරීම ආචාරධර්මවලට පටහැනි කටයුත්තක් වුව ද මෙම ලිපිය පිළිබඳ විස්තර ලංකාවෙන් පරිබාහිර රටක පළ වී ඇත. "මේ සම්බන්ධයෙන් ඉරවදන් මහාදේවන් දක්වා ඇති අදහස් මහත් අභිරුචියකින් ...