අම්ම, මුත්ත කාලෙ නො දැක්ක ලොකු ළූනු පෝලිම
(2009 දෙසැම්බර් 05 - W3Lanka ) ලොකු ළූනු කිලෝව රුපියල් 85කට සතොස වෙළෙඳ සල් වලින් මිලදී ගැනිමට පාරිභෝගිකයින්ට ඊයේ සිට (04) අවස්ථාව තිබෙන බව වෙළෙඳ අලෙවි සංවර්ධන, සමුපකාර හා පාරිභෝගික සේවා ඇමැති බන්දුල ගුණවර්ධන පවසයි. එහෙත්, පසුගිය දිනවල ලොකු ළූනු ගන්නට රජයේ අලෙවි සල් වෙත ගිය පාර්භෝගිකයන්ට දිගු පෝලිම්වල රැඳෙන්නට හා ප්රමිතියෙන් බාල ලොකු ළූනු මිළ දී ගන්නටත්, ඇතැම් විට හිස් අතින් ආපසු එන්නටත් සිදු විය. ඇතැම් කළමනාකාරවරු මෙම ලොකු ළූනු කුඩා තොග වශයෙන් පෞද්ගලික වෙළඳුන්ට විකිණූ බව ද වාර්තා වේ. ඔවුහු එම ළූනු වැඩි මිළට විකුණා ඇත. ස්වභාවික විපත් හේතුවෙන් ඉන්දියාවේ ළූනු හා අල නිෂ්පාදනයට හානි පැමිණ ඇති බවත් මේ නිසා ළූනු ආනයනය කිරීමේ කටයුතු අවම වී තිබෙන බව බන්දුල ගුණවර්ධන ඇමතිවරයා පෙන්වා දෙයි.