එක් කෑම වේලක් පිසින්න යන ගෑස්වලින් පමණක් ආණ්ඩුවට රු. පහක් විතර බදු
(2009 සැප්තැම්බර් 01 - W3Lanka) කිලෝ 13.5 ෂෙල් ගෑස් සිලින්ඩරයක මිළ රු. 103කින් ද, ලාෆ් ගෑස් සිලින්ඩරයක මිළ රු. 69කින්ද ඉහළ නැංවීමට පාරිභෝගික සේවා අධිකාරිය අදාළ සමාගම්වලට අවසර දී තිබේ. ඒ අනුව ෂෙල් දැන් රු.1550කි. ලාෆ් රු.1476කි. සාමාන්යයෙන් ගත් කල ඉතා පිරිමැස්මෙන් ගෑස් භාවිතා කරන පස් දෙනෙකුගෙන් යුත් පවුලකට එක් ආහාර වේලක් පිසීම සඳහා රු. 10ක් පමණ වැය වේ. ගෑස් මිළ වැඩි වන්නේ ලෝක වෙළඳපොළේ මිළ වැඩි වීම නිසාය යන සුපුරුදු මන්තරය දැන් යළිත් මතුරනු ඇසේ. ඇත්තෙන්ම ලංකාවේ ජනයාට ගෑස් සඳහා මෙතරම් මිළක් ගෙවීමට සිදු වී තිබෙන්නේ රජය අය කරන සියයට සියයකට ආසන්න ඍජු හා වක්ර බදු නිසා බව අපේ අදහසයි. එය එසේ නොවේ නම් ගෑස්වලින් අය කරන සැබෑ බදු ප්රතිශතය කීයදැයි රජය හෙළිදරව් කළ යුතුය. බත් පත උයා ගන්නා ගින්දරිනුත් මෙපමණ බදු ගින්දරක් දෙන රජය අපට සලසන සේවාව කුමක්ද?