මාලදිවයින් ඇමති මණ්ඩලය දිය යට රැස් වෙයි
(2009 ඔක්තෝබර් 19 - W3Lanka ) මිහිතලය උණුසුම් වීමේ ප්රශ්නයට මුහුණ දීම සඳහා ලෝක නායකයන් දෙසැම්බරයේදී කෝපන්හේගන්හිදී හමු වීමට නියමිත අතර, මිහිතලය උණුසුම් වීමේ ප්රතිඵලයක් ලෙස මුහුදු මට්ටම ඉහළ ගොස් ලෝක සිතියමින් අතුරුදහන් වීමේ අනතුරට මුහුණ දී සිටින මාලදිවයින ඊයේ ලෝකයට දැනෙන පණිවුඩයක් නිකුත් කළේය. මාලදිවයින් ජනාධිපති මොහොමඩ් නෂීම් සහ කැබිනට් ඇමතිවරු 11දෙනෙක් මීටර් 3.8ක් මුහුද යට හස්ත මුද්රා භාවිතා කරමින් කැබිනට් රැස්වීමක් පවත්වා ප්ලාස්ටික් කොළ මත මුද්රිත, ගෝලීය උණුසුම ඉහළ යාම නැවැත්වීමේ අවශ්යතාව ලෝකයට දන්වන පණිවුඩයකට ජලයේ දිය නොවන තින්ත සහිත පැන්වලින් අත්සන් කළහ. අනතුරුව ජනාධිපතිවරයා දිය මත පාවෙමින් මාධ්ය ද ඇමතුවේ ය.