ආණ්ඩුවේ රන් ණය සහනය නින්දිත ප්රෝඩාවකි
පසුගිය කාලයේ රන් භාණ්ඩ උගස් තබා බේරා ගත නො හකි වූ අයට පොළී සහනයක් ලබා දෙන බව ආණ්ඩුව අයවැයෙන් නිවේදනය කළේ ය. උගස් තැබූ රන් බේරා ගැනීමට නො හැකිව ළතවෙමින් සිටි අය සහනයක් බලාපොරොත්තුවෙන් බලා සිටි අතර දැන් අදාළ චක්රලේඛය නිකුත් කර තිබේ. ඒ අනුව මෙම 2013 ඔක්තෝබර් 26දාට පෙර උගස් තබා 2014 ඔක්තෝබර් 26දා වන විට බේරා ගැනීමට නො හැකි වූ රන් භාණ්ඩ වෙනුවෙන් මෙම සහනය ලැබේ. සහනය අනුව එදා පොළී අනුපාතිකය වූ 20% හෝ 19% වෙනුවට 12.5%ක පොළී අනුපාතිකයක් යටතේ ගත් ණය ආපසු ගෙවීමේ හැකියාව දැන් ලැබේ. එහෙත්, මේ වන විට එවැනි සහනයක් ලබා ගත හැකි රන් ණය නැත. හේතුව වසරක කාලය ඉකුත් වීමට පෙර ම බැංකු මේ පිළිබඳ ගනුදෙනුකරුවන්ට දන්වා ක්රියාමාර්ග ගැනීමයි. දැන් මේ ණය ලබාගෙන දින 400කට වඩා ගත වී හමාර ය. එක්කෝ මේ රන් ණය බේරා ඇත. නැතිනම්, පොළී ගෙවා ණය අලුත් කරගෙන තිබේ. නැතිනම්, උගස් තැබූ භාණ්ඩ මේ වන විට සින්න වී හමාර ය. මේ සහනය ලබා ගත හැකි කිසිවෙක් සිටියි ද යන්න සැක සහිත ය. මෙය තනිකර ම ප්රෝඩාවකි. ආණ්ඩුව මෙවැනි ප්රෝඩාකාරී ක්රියා කරන්නේ ජනතාව බබ්බු ය කියා සිතා ය. මේ ලිපිය වෙන අයත් එක්කත් බෙදා ගන්න. උපුටා...