W3Lanka: Praja.lk Backup

(2009 දෙසැම්බර් 16 - W3Lanka ) එක්සත් ජාතික පක්ෂ පාර්ලිමේන්තු මන්ත්‍රී ජොන්ස්ටන් ප්‍රනාන්දු ඉදිරි දින කීපය තුළආණ්ඩුවට එක් වී ඉඩම් හා ඉඩම් සංවර්ධන ඇමති ධුරයේ වැඩ භාර ගැනීමට නියමිත බව ආණ්ඩුවට සමීප ආරංචි මාර්ග පවසයි. ඉඩම් හා ඉඩම් සංවර්ධන ඇමති ජීවන් කුමාරතුංග වාරිමාර්ග ඇමති ලෙස වැඩ භාර ගැනීම අද හෙට ම සිදු වේ.  කලින් වාරිමාර්ග ඇමති ධුරය ද භාරව තිබුණේ ඇමති චමල් රාජපක්ෂට ය. ජොන්ස්ටන් නියෝජනය කරන කුරුණෑගල දිස්ත්‍රික්කය ලංකාවේ රජයේ ඉඩම් වැඩි ම ප්‍රමාණයක් ඇති දිස්ත්‍රික්කයයි. වාරිමාර්ග අමාත්‍යංශය භාර ගැනීමට ඔහු කැමැත්තක් දක්වා නැති බව ද වාර්තා වේ.

(2009 දෙසැම්බර් 10 - W3Lanka ) විපක්ෂය විසින් ආණ්ඩුවේ සිට තමන් හා එක්වන්නට කැමති ඇමතිවරුන්ට ලකුණු කර තිබෙන මිළ රු. කෝටි තිහක් බව අද රජයට පක්ෂපාතී වෙබ් අඩවියක් විසින් වාර්තා කර තිබිණි. එම වෙබ් අඩවිය විසින්පවසා තිබෙන අකාරයට දැනටමත් ඇමතිවරු තිදෙනෙක් විපක්ෂයට එක් වීම සඳහා සාකච්ඡා කර තිබේ. එම වෙබ් අඩවිය පවසන ආකාරයට එම ඇමතිවරුන් වන්නේ මයෝන් මුස්තාෆා, සේගු ඉසදීන් සහ නවීන් දිසානායකයි. මේ අතර, අපට දැනගන්නට ඇති පරිදි මේ වන විට ඇමතිවරු ගණනාවක් මෙම කෝටි තිහේ කතාව ඇත්තක්දැයි විපරම් කරමින් සිටිති.