වෛද්‍ය පර්යේෂකයන් අත කෙළි බඩු වී ඇති රජරට වකුගඩු
( 2011 ජනවාරි 17, W3Lanka ) රජරට වකුගඩු උවදුර අතිශය දුක්ඛිත තත්වයකි. ඇතැම් ප්‍රදේශවල එක ම පවුලේ වැසියෝ එකා පිට එකා වකුගඩු රෝගවලින් මිය යති. කොයි මොහොතේ කාට වකුගඩු ආබාධයක් ඇති වේ ද කියා කියන්නට බැරි ය. වකුගඩු නරක් වූ විට වකුගඩුවක් බද්ධ කිරීම හැර අන් විසඳුමක් නැත. එය සංකීර්ණ, වියදම් අධික සැත්කමකි. සැත්කමින් පසු ච රෝගියාට පූර්ණ වශයෙන් සාමාන්‍ය ජීවිතයක් ගත කරන්නට ලැබෙන්නේ නැත. රජරට වතුගඩු රෝගය පිළිබඳ විවිධ වෛද්‍ය පර්යේෂකයෝ වරින් වර විවිධ මත පළ කරති. මේ පිළිබඳ වෛද්‍ය විවාදයක් ද ඇතැයි සිතිය හැකි ය. මේ පසුගිය දෙසැම්බර් 22දා දිනමිණ පුවත්පතේ වාර්තාවකි. "උතුරුමැද හා ඌව පළාත්වල බහුලව පවතින වකුගඩු රෝගය පැතිර යෑමට නීල හරිත ඇල්ගී විශේෂය හේතු වී ඇතැයි පේරාදෙණිය විශ්වවිද්‍යාලයේ වෛද්‍ය පීඨය සිදුකළ පර්යේෂණයකින් අනාවරණය කරගෙන තිබේ. මේ නීලහරිත ඇල්ගී ශාකය මඟින් නිකුත් කෙරෙන විස ද්‍රව්‍යයක් නිසා පුද්ගලයන්ගේ වකුගඩුවලට හානි පැමිණෙන බව සොයාගෙන ඇත. මේ ප්‍රදේශවල වැව් හා ඇළ මාර්ග ආශ්‍රිතව මේ ශාකය ව්‍යාප්තව පවතින අතර, ජල මාර්ගවලින් ලබාගන්නා ජලය උණුකර පානයට ගැනීම සිදුකළත් අධික තාපයට ද මේ විස ...