Ajith Perakum Jayasinghe

Gross human rights violations and an apparent anti-Muslim state terror seem to prevail in Sri Lanka in relation to a number of investigations.
None of these investigations are complete yet. However, with past bad records of police investigations, specially due to bad records of manipulating the contexts by officials for personal revenge and messing with racism, we are compelled to be suspicious.
The investigation on a Muslim medical doctor in Kurunegala in the Northwestern Province on charges of sterilizing Sinhala women during caesarian section had raised many eyebrows. The doctor was accused of having links with National Thawheed Jamaath, the terror outfit that launched the Easter Sunday series of attacks taking more than 250 lives.
The investigation was initiated after a racist report on a Sinhala nationalist daily. Initially police headquarters rejected information on such investigation but a day later a doctor was arrested over a charge related to earning assets illegally.
The doctor is a candidate of the 2015 general election and his party was All Ceylon Muslim Congress led by Minister Rishad Badiudeen, a politician who is under scathing attack of the Sinhala nationalist elements after the Easter Sunday attacks. However, apparently, no substantial concrete evidence has still been provided to arrest the politician other than his allies being in connivance with the bombers. Such complicity was even with many other politicians and the father of two suicide cadres was even a national list candidate of the People’s Liberation Front (JVP). Sinhala nationalist JVP is not blamed equally like Rishad’s party.
The arrest was made under the orders of the Deputy Inspector General of the area whose wife is also a colleague doctor in the same hospital the arrested doctor worked. The powers of the DIG to make such arrest on possession of so-called suspiciously earned assets is questionable.
The Director of the hospital came forward after the arrest and said that the doctor had told him in a said investigation that he had conducted several thousand caesarians. The director apparently meant to attribute to the allegations against the doctor over sterilization. This senior public official is blatantly violating the Establishment Code that governs the behaviour of the public employees. According to the Establishment Code, he can neither speak to media nor reveal the evidence submitted in an internal investigation or a disciplinary query.
Interestingly, the hospital director invited public to lodge complaints against the doctor who was arrested over other charges and now the people seem to be lodging some baseless allegations as complaints. The complainants must have even to undergo risky surgical tests to verify their claims. The way this investigation carried out is extremely erroneous even though the doctor is wrong.
Still, the media and a professor of government-owned Rajarata University are trying hard to penalize the arrested doctor. He might have engaged in many unscrupulous businesses as we think. It is quite normal among some of the doctors in Sri Lanka engaging in crazy kind of day and night private practice and many other businesses.
A similar error is being committed in terms of the arrest of the parliamentary employee who was even live telecast under arrest in a highly unethical manner. The parliament employee is apparently not connected to the National Thawheed Jamaath and he had been connected to a charity which conducted training such as leadership training for students.
The videos and photos of the arrested suspects are shown in media alluding them the members of the National Thawheed Jamaath risking their lives.
Muslims are arrested even for minor matters as well. 47-year-old M.R. Masahima, a resident of Hasalaka, unemployed wife of a casual construction worker, is in remand for weeks now for wearing a frock with an image of a steering wheel of a ship which police, some people of the area and the judge had claimed to be the Dharma Chakra, a Buddhist symbol.
Another Muslim man was arrested under suspicion recently at the airport because he had been reading the Quran during his flight.
Clear discrimination was displayed when a Sinhala terrorist was arrested over a charge of setting bombs in a school in Baduraliya in Western Province. The arrest or the follow-up was not covered by any media likewise they covered the arresting of Muslims.
Muslims were attacked on May 13 at Minuwangoda town in Gampaha district and other areas but the law enforcement against the culprits is lethargic. Deputy leader of Sinhala Nationalist Pivithuru Hela Urumaya party Madhumadhawa Aravinda who was seen in Minuwangoda town after the violence is wanted by police but he is absconding.
Gross human rights violations are taking place in Sri Lanka in terms of certain searches and investigations carried out by less professional bodies. However, police must be commended for the professionalism they displayed in terms of conducting the investigation on Easter Sunday terrorist attacks. Almost all the prime suspects are now under arrest and the terror outfit has been almost annihilated.

උන්නාන්සේ නැවතත් රට කළඹන්නට හදන සේක

මේ කාටුන් එක ඇඳලා ටික දවසකි. එය පළ නොකළේ උන්නනාන්සේ යහපත් කල්තිරියාවෙන් කල් ගත කරනු ඇතැයි අපේක්ෂාවෙනි. ආවේගශීලී වුණාට යම් අවංක මෝඩකමක් ඇති බව අප දුටු හෙයින් නිවැරදි වෙන්නට ඉඩ දිය යුතු නිසා අප ඔහු නිදහස් කරපු එකටත් කීවේ එය දේශපාලන සිරකරුවන් නිදහස් කිරීමක් ය කියා ය.
එහෙත්, උන්නාන්සේට හොඳ වෙන්නට බැහැ වාගේ ය. ගත්ත කොන්තරත් ඉටු කරන්නට තිබෙන නිසා විය හැකි ය.


රිෂාඩ් බදුර්දීන් ඊලඟ මැතිවරණයකදී මුස්ලිම් ජනතාවගේ එකම නායකයා වෙයි ද?

රිෂාඩ් බදුර්දීන් යනු තවත් එක් දෙශපාලනඥයෙකි. ඔහුත් සෙසු දේශපාලනඥයිනුත් අතර තිබෙන එක ම වෙනස ඔහු මුස්ලිම් වීම විය හැකි ය. මුස්ලිම් දේශපාලනඥයන් අතර ඔහුගේ වෙනස ඔහු මුස්ලිම් දේශපාලනයේ ප්‍ර‍ධාන ධාරාව බිහි වන නැගෙනහිර පළාතට පිටින් බිහි වීම විය හැකි ය. එසේ නොමැති නම්, බදුර්දීන් අනෙකුත් සියලු දේශපාලනඥයන් කරන බලය අපහරණය කිරීම්, නීති උල්ලංඝනය කිරීම් හා දූෂණ සිදු කර තිබේ. ඔහුගේ ය කියා කිසිදු වෙනසක් නැත.
රිෂාඩ් බදුර්දීන් මුල් වරට 2001දී පාර්ලිමේන්තුවට පත් වන්නේත්, එතැන් සිට අද දක්වා නියෝජනය කරන්නේත් වන්නි දිස්ත්‍රික්කයයි. කොටි සංවිධානය විසින් උතුරින් පළවා හරින ලද සරණාගත පවුලක සාමාජිකයකු වූ ඔහු මොරටුව විශ්වවිද්‍යාලයේ ජාතික තාක්ෂණ ඩිප්ලෝමාධාරී 47 හැවිරිදි දේශපාලකයෙකි. ඔහු සමස්ත ලංකා මුස්ලිම් කොංග්‍ර‍සයේ නායකයා ය. ඔහුගේ සහෝදරයකු වන රිෆ්කාන් බදුර්දීන් උතුරුපළාත් සභාව නියෝජනය කළේ ය.
රිෂාඩ් 2010 සිට ම කර්මාන්ත හා වානිජ කටයුතු ඇමති ධුරය හොබවයි. ඔහු පිළිබඳ පළමු විරෝධය මතු වන්නේ විල්පත්තු රාජපක්ෂ ආණ්ඩුවේ උතුරු වසන්තය යටතේ ආරම්භ වුණ විල්පත්තු වනාන්තරය විනාශ කරමින් මුස්ලිම් ජනතාව පදිංචි කිරීමේ ව්‍යාපෘති සමගයි.
වර්තමානයේදී ඔහුට වැඩි ම විරෝධයක් එල්ල වන්නේ අප්‍රේල් 21 බෝම්බ ප්‍ර‍හාර මාලාව එල්ල කළ මුස්ලිම් අන්තවාදීන් සමග ඔහුගේ සම්බන්ධකම් පිළිබඳවයි. ඔහු සමග සමීප ඇතැම් පුද්ගලයන් අන්තවාදීන් සමග සමීපව කටයුතු කර තිබෙන බව ඇත්තකි. එහෙත්, රිෂාඩ් බදුර්දීන් අන්තවාදීන් සමග ඍජුව සම්බන්ධකම් පැවැත්වූ බවට සාක්ෂි ඉදිරිපත් කිරීමට කිසිවකු තවම සමත් වී නැත.
රිෂාඩ්ට චෝදනා නැගීමේ ජාතිවාදී ස්වරූපය නිරූපණය කරන පැහැදිලි සාක්ෂියක් තිබේ. පාස්කු ඉරිදා මරාගෙන මැරුණ බෝම්බකරුවන් දෙදෙනෙකුගේ පියා සහ බෝම්බකාරියකගේ මාමණ්ඩිය වූ ඊබ්‍රාහිම් ජවිපෙ ජාතික ලැයිස්තු මන්ත්‍රීවරයකු විය. ඔහු සමග ජවිපෙ පවත්වා තිබෙන සම්බන්ධය රිෂාඩ් අන්තවාදීන් සමග පවත්වා තිබෙන සම්බන්ධය වැනි ම එකකි. එහෙත්, ජවිපෙ සම්බන්ධයෙන් සිංහල සමාජය රිෂාඩ්ට තරම් බලපෑමක් කරන්නේ නැත. හේතුව අන් කිසිවක් නොව ජවිපෙ සිංහල වීම හා රිෂාඩ් මුස්ලිම් වීමයි.
රිෂාඩ් මෙතරම් පීඩනයකට ලක් කරන්නේ දේශපාලනික හේතු මත බව පැහැදිලි ය. එයට හේතු කීපයක් තිබේ. ඔහු මුස්ලිම් දේශපාලනඥයන් අතර රැඩිකල්, ජනප්‍රිය, ක්‍රියාකාරී, දක්ෂ, උගත් පුද්ගලයෙකි. පසුගිය ඔක්තෝබර් 26 කුමන්ත්‍ර‍ණයේදී ඔහුගේ පක්ෂයේ මන්ත්‍රී කණ්ඩායම තීරණාත්මක සාධකයක් වූ අතර ඔවුන් දිනාගැනීමට ජනාධිපති සිරිසේන හා මහින්ද රාජපක්ෂ ඇතුළු කුමන්ත්‍ර‍ණකරුවෝ අසමත් වූ හ.
රිෂාඩ් බදුර්දීන් වෙත යොමු කර තිබෙන සිංහල වෛරය ඔස්සේ ඔහු විනාශ කිරීමට හෝ ඔහු අත්අඩංගුවට ගෙන සාධාරණ හෝ අසාධාරණ අන්දමින් සිරගත කිරීමට සිංහල ජාතිවාදී බලවේගවලට හැකි විය යුතු ය. එසේ නොකළහොත්, මෙම අර්බුදය හරහා රිෂාඩ් බදුර්දීන් පිටතට පැමිණෙන්නේ මුස්ලිම් ජනතාවගේ එකම නියෝජිතයා වන තරම් බලයකින් විය හැකි ය.


සීසේරියන් සැත්කම් අතරතුර පැලෝපීය නාලවලට හානි කර වඳභාවයට පත් කළ හැකි ද?

වෛද්‍ය පියල් පෙරේරා (කොළඹ වෛද්‍ය පීඨයෙහි අධ්‍යාපනය ලද ශ්‍රී ලාංකික වෛද්‍යවරයකු වන අතර දැනට බ්‍රිතාන්‍යයේ මිල්ටන් කේන්ස් විශ්වවිද්‍යාල රෝහලෙහි සේවය කරයි)

මම මහාචාර්යවරයෙක් නොවෙමි. නමුත් වසර විසි දෙකක් තිස්සේ මගේ සහ මගේ පවුලේ ජීවිත ගැටගසා ගැනීම සඳහා ඩිම්බකෝෂ, පැලෝපීය නාල, ගර්භාෂය, යෝනි මාර්ගය සහ සමහර විට ගුද මාර්ගය සහ මුත්‍ර මාර්ගය අතපත ගාන්නෙමි. එබැවින් බොහෝ දෙනකුගේ ඉල්ලීම මත කෙටි පැහැදිලි කිරීම් කීපයක් ඉදිරිපත් කිරීමට සිතුවෙමි.
සීසේරියන් සෙක්ෂන් සැත්කම් පිළිබඳ අධ්‍යාපනික වීඩියෝවක්.
සිසේරියන් සැත්කම් දස දහසකට වඩා සිදුකර ඇති වෛද්‍යවරුන් සිය ගණනකි. වඳ සැත්කම් දසදහසකට වඩා සිදුකර ඇති වෛද්‍යවරුන් අතලොස්සක් ඇත. නමුත් සිසේරියන් වඳ සැත්කම් හාරදහසක් සිදු කිරීමට එක වෛද්‍යවරයෙකුට ලැබෙන ඉඩකඩ ඉතාම අල්පය. සියල්ලටම රහසේ එතරම් ප්‍රමාණයක් සිදුකිරීම ඇත්තෙන්ම හිතලුවකි.
සාමාන්‍යයෙන් සිසේරියන් සැත්කමක් සිදු කිරීමේ දී ගර්භාෂය කපා දරුවා සහ වැදෑමහ ඉවත් කර ගර්භාෂ නැවත මසා අවසන් වන තුරු පැලෝපීය නාල දෙස අත ඇස හිත යොමන්නේ නැත. එනමුත් සැත්කම දෙස සැම විටම ඇස් හයක් යොමුවේ. ඒ සැත්කම සිදුකරන්නා, සහායකයා සහ සහායක හෙදියගේ ය. සමහරු ගර්භාෂය බඩේ කැපුම හරහා ඉවතට ඇද මසන අතර එවිට ඕනෑම අයකුට පැලෝපීය නාලයන් දැකගත හැක.
වඳ සැත්කමක් සාර්ථක වීම සඳහා පැලෝපීය නාලය අවහිර කිරීම හෝ කොටසක් කපා ඉවත් කිරීම කළ යුතුය. සීසේරියන් වඳ සැත්කමකදී දෙවන, එනම් පැලෝපීය නාල කොටසක් ඉවත් කිරිමේ, ක්‍රමය අනුගමනය කරන අතර එම සැත්කමක් අසාර්ථක වීමේ හැකියාව දෙසියට එකකි.
යතුරු සිදුරු වඳ සැත්කම කරනවිට ලෝහ හෝ ප්ලාස්ටික් වලලුවලින් පැලෝපීය නාලය අවහිර කරනු ලැබේ.
මෙය වඳ සැත්කම් කිරිමේ පිළිගත් ක්‍රමවේදයයි. සමහරු මේවා යම් වෙනස්කිරීම් සහිතව සිදුකරති. ඒ අනුව වෙනත් ක්‍රම මගින් පැලෝපීය නාලවලට තුවාල කිරීම වඳ සැත්කම් ලෙස සැලකිය නොහැක. පැලෝපීය නාලය සැත්කම් අඬුවකින් තද කරතැබීම, ඩයතමි තාපය යෙදිම සහ සැත්කම් නූලකින් පැලෝපීය නාලය ගැට ගැසීම වැනි අසම්මත ක්‍රම අසාර්ථක වන්නේ නාලය නැවත සැකසෙන (Re Canalisation) නිසා සහ ගර්භාෂයෙන් පිටත (Ectopic pregnancy) පිළිසිඳීම වන නිසාය.
සීසර් සැත්කමක් කරන අවස්ථාවකදී සාමාන්‍යයෙන් Artery Forceps යන අඬුව හෝ ඩයතමී උපකරණය පැලෝපීය නාල වෙත ගෙන එනු නොලැබේ. නමුත් ගර්භාෂ බිත්ති උදර බිත්තියට
ඇලී පවතින අවස්ථාවකදී අමතර අඬු හෝ diathemy උපකරණ පාවිච්චි කරනු දැකිය හැක.
සාමාන්‍ය සිසේරියන් සැත්කමකදී ගර්භාෂය තුළට භාවිතා කරන අඬු වර්ගය මගින් පැලෝපීය නාලවලට තෙරපුමක් ඇති කළ නොහැක.
ඒවාට ග්‍රීන් ආර්මිටේජ් අඬු යයි කියනු ලැබේ. හොඳ පුහුණු වෛද්‍යවරයෙකු මේ හැර වෙනත් කිසිදු අඬුවක් යොදා නොගන්නා අතර කාටත් රහසින් එසේ යොදා ගැනීම හිතලුවක් පමණි. එසේ වුවද වෙනත් විශේෂ අවස්ථාවලදී අමතර වෙනත් අඬු පාවිච්චිය සිදුවිය හැකි නමුත් හැමවිටම සහායක වෛද්‍යවරයා හෝ සහායක හෙදිය නොදැනුවත්ව එය සිදු කළ නොහැක.
සිසේරියන් සැත්තම් හාරදහසකදී වඳ සැත්කම හෝ පැලෝපීය නාලවලට හානි කිරීම් හොරෙන් කිසි විටෙකත් සිදු කළ නොහැකි වන්නේ ඔහුට අවම වශයෙන් එම කාලය තුළ දහ දෙනකුට වඩා
සහයක වෛද්‍යවරුන් සහ විසි දෙනෙකුට වඩා සහයක හෙදියන් සිටිය යුතු බැවින් ඔවුන් කිසිවකු හෝ සැක කොට අදාළ තැන් වලදී සාකච්ඡා කිරීම හෝ ඉහළට දැනුම් දීම සිදු නොවේ යැයි සිතන්නේ නම් එය මුලාවකි.
නමුත් මෙම ක්‍රියාව මෙම වෛද්‍යවරයා හෝ වෙන වෛද්‍යවරයකු විසින් මහා පරිමාණ ලෙස අහඹුවක් ලෙස සිදුකළ හැකිය. නමුත් එවන් අවස්ථාවලදී එය වාට්ටු භාර ප්‍රධාන වෛද්‍යවරයා හෝ වෙනත් ඉහළ නිලධාරීන් දැනගැනීමෙන් පසු ඔවුන්ට අවවාද කරනු ලැබේ.
නමුත් සමහර ප්‍රසව හා නාරි වෛද්‍යවරුන් ජනගහනය පාලනය කිරීම වෙනුවෙන් යම් යම් උපක්‍රම භාවිතා කළ හැකි යයි පවසනු අසා ඇත. එනම් පළමුවෙනි දරුවා ලැබෙන විට එම දරුවා සීසර් සැත්කමකින් බිහිකිරීමයි. එවිට දෙවැනි හා තෙවැනි සිසේරියන් සැත්කම කර ඒ සමගම මවගේ කැමත්තෙන් වඳ සැත්කම සිදුකරනු ලබයි.
සමහර විටෙක මෙම ගර්භාෂය තවදුරටත් දරු ගැබක් පිහිටා දරු ප්‍රසූතියක් සදහා සුදුසු නොවන බව පවසා වඳ සැත්කම් සිදුකරන වෛද්‍යවරුන් සිටින අතර ඔවුන් ඒ බවට රෝගියාව දැනුවත් කර ඇත.
නමුත් සමහර සිංහල බෞද්ධයන් පළමු දරුවා සිසේරියන් සැත්කමකින් ලබා දීමේ උපක්‍රමය කරන බවට පුරසාරම් දොඩනු අසා ඇත. එසේම පැලෝපීය නාල තුවාල කළ හැකි බවට පුරසාරම් දොඩනු අසා ඇත. නමුත් ප්‍රායෝගිකව මහා පරිමාණයෙන් මෙම කටයුත්ත සහායක හෙදියන්ගේ සහ සහායක වෛද්‍යවරුන්ගේ උපකාර නැතිව කළ නොහැක.
අද අපට අවශ්‍යව තිබෙන්නේ මෙහි සත්‍යතාවයක් තිබේදැයි නිවැරදි විද්‍යානුකූලව සොයා බැලීමයි. මේ සඳහා ක්‍රම කිහිපයක් භාවිතා කළ හැකිය.
1. මෙම පුවත්පතේ සඳහන් වෛද්‍යවරයා ඔහුගේ සේවා කාලය තුළ කරන ලද සැත්කම්වල රෝගීන් සහ ලේඛන සොයා එම රෝගීන්ට සිසේරියන් සැත්කම් සමග වඳ සැත්කම කර ඇති බව සඳහන් කර නොමැති නම් හා ඒ ගැන සැක නම් ඒ සඳහා එච් එස් ජී (Hysterosalpingography ) හෝ Hysterosalpingo contrast sonography (HyCoSy) පරීක්ෂාවක් සිදුකිරීම මගින් නාල අවහිරතා සිදුවී ඇතිදැයි පරික්ෂා කර ගත හැක.
2.වෛද්‍යවරුන් හෝ හෙදියන් කිසියම් වෛද්‍යවරයෙකු විසින් තමන්ගේ සේවා කාලය තුළ එසේ කරනු දැක හෝ අසා හෝ ඇතිනම් ඒ බව දැනුම් දීමට අධ්‍යක්ෂ රෝහල් අධ්‍යක්ෂකට හෝ අමාත්‍යාංශයට දැනුම් දීමට චක්‍රලේඛයක් නිකුත් කර එමගින් සැක සහිත වෛද්‍යවරුන්ගේ සැත්කම් පිළිබඳ තොරතුරු සහ රෝගීන්ගේ තොරතුරු එකතු කර ගත හැකිය.
3.තමාට එසේ සැත්කම් කර ඇති බව සැක රෝගීන්ට ළඟම පොලීසියට පැමිණිල්ලක් කර ඒ පිළිබඳව විමර්ශන ආරම්භ කළ හැකිය.
එසේම මෙම පුවත අසත්‍ය පුවතක් නම් එමගින් ජාතිවාදය ඇවිස්සීමට සහ රටේ ජනයා නොමඟ යැවීම වෙනුවෙන් නීති මාර්ගයෙන් ක්‍රියාත්මකවීම සහ පුවත්පත තහනම් කිරීම ද කළ යුතුව ඇත. මේ වෙනුවෙන් රජයේ වෛද්‍ය නිලධාරි සංගමය, ශ්‍රී ලංකා වෛද්‍ය මණ්ඩලය, ශ්‍රී ලංකාවේ ප්‍රසව හා නාරි වෛද්‍යවරුන්ගේ විද්‍යාලය, සෞඛ්‍ය අමාත්‍යාංශය, පොලිසිය සහ ජනතාව එක්ව කටයුතු කළ යුතුය.


Ajith Perakum Jayasinghe

The repercussions of Easter Sunday IS attacks is Sri Lanka are taking a new turn beyond taking lives of over 250 civilians.
Anti-Muslim sentiments are getting deep-rooted in the Sri Lankan society. One very good example is the headline news of Sinhala nationalist daily Divaina (sister paper of The Island) on 23 April. The report said that a Muslim gynecology doctor connected to National Touheed Jamaath (NTJ) had committed medical crimes of sterilizing around 4000 Sinhala women during about 6000 caesarian sections he carried out.
NTJ is the outfit that conducted the Easter Sunday terrorist attacks. The terror organization is banned now and a massive manhunt is underway apprehending all who are linked to it.
The newspaper’s argument was that the doctor had conducted illegal vasectomy. Another nationalist medical don Prof. Channa Jayasumana supported this argument pointing out that the gynecologist could have turned the fallopian tubes of the woman under surgery into the condition he called fibrosis by temporarily applying two artery forceps on the two fallopian tubes during the surgery. He claimed the accuracy of sterilization through this measure is 80%.
However, former senior doctor related to obstetrics and gynecology Ruwan Jayathunga who is also a blogger said that a doctor cannot commit such crime repeatedly without the knowledge of the nurse who assists him. Thus he rejects the probability of committing such massive number of illegal sterilization.
Initially, police spokesman Ruwan Gunasekara rejected police had any information regarding such investigation. However, a day later a doctor from Kurunegala was arrested on the charges of suspicious earning of massive wealth. Media reports linked his name to the initial report. The Deputy Inspector General of the area told to media that police had information the doctor had connections to NTJ and he had received transfers of millions of rupees to his bank account. The doctor has been arrested for the investigations.
The arrested doctor has been an election candidate of the All-Ceylon People’s Congress led by Minister Rishad Badurdeen. The party contested under ruling United National Front and remains as a party of the ruling coalition. However, the doctor failed to elect. He claimed his life was at risk after the media report.
Popular sentiments are vehemently against Minister Rishad Badurdeen who is a hardliner Muslim nationalist. However, the allegations against him apparently lack substance and obviously politically motivated.
A thorough medical investigation is necessary to prove the allegations against the doctor.
Sri Lankan doctor Piyal Perera who is now employed in a university hospital in UK suggested three ways of conducting the medical investigation. He suggests to study the hospital records on the caesarian sections conducted by the particular doctor. If there is no mentioning about the caesarian section plus sterilization or if there is any doubt, HSG or HyCoSy tests can be carried out to verify any blocking in the fallopian tube.
If a doctor or a nurse has observed such act during their service, they can make the superiors aware of it.
If any patient has suspicion, they can lodge a complaint in police and start an investigation.
However, the allegation has already caused deep rifts in trust regarding the medical profession in Sri Lanka. The mistrust being planted by the extremist organizations, politicians and media in the society is causing an irreparable damage. It is very difficult to find a way out of the hugger-mugger Sri Lankan polity is embracing.
(Photo from dailysabah.com)


Photo of Eastern Provincial Council Governor M.L.A.M. Hizbulla is out in which he is shaking hands with Zahran Hashim, the ring leader of April 21 Easter Sunday terrorist attacks during elections in 2015.
In the photo, Hizbulla is posing with NTJ leader Zahran who was one of the two suicide bombers of Shangrila Hotel. The man sitting next to Zahran in the photo is believed Mohammed Hasthun the suicide bomber of St. Sebastian church in Katuwapitiya.
Hizbulla has not rejected the photo but he says he sought support of Zahran’s movement National Touheed Jamaath (NTJ) now banned in Sri Lanka. NTJ was strong in all-Muslim eastern town Kattankudi and ran a de-facto rule there. Hizbulla says he was not extended support by NTJ in elections because they accused him of violating the agreement with NTJ. The violation included use of loud speakers to propagate a rally by him in the town.
Hizbulla lost the election but President Maithripala Sirisena appointed him to the parliament via the national list of Sri Lanka Freedom Party. He was later appointed as the Governor of Eastern Province.
NTJ became popular among the Muslims in the town by propagating petty disciplinary campaigns like standing against alcohol and smokes etc. They propagated militant Wahabism and ultimately committed so-called Jihad killing over 250 peoples in a series of bomb blasts.
However, Zahran and his gang was expelled from the town after they clashed with the minority Sufi community in the town.

දිවයින හා චන්න ජයසුමන වැඩිම හානිය කළේ වෛද්‍ය වෘත්තියේ විශ්වසනීයත්වයට

අජිත් පැරකුම් ජයසිංහ

තව්හිද් ජමාත් ත්‍රස්ත සංවිධානයට අයත් වෛද්‍යවරයකු විසින් සිංහල කාන්තාවන් පළමු දරුවා ලැබෙන්නට සීසර් සැත්කමට භාජනය කරද්දී ඔවුන්ගේ පැලෝපීය නාල අවහිර කර නිසරුභාවයට පත් කළ බවට වාර්තාව රටේ මහත් ආන්දෝලනයක් ඇති කළ බව ඔබ දන්නේ ය.
මෙම වාර්තාව දිවයින පුවත්පතේ තවත් එක් සත්‍යයෙන් තොර ප්‍රබන්ධයක් බව පෙනේ. ඒ පිළිබඳ විමර්ශනයක් දැන් සිදුවෙමින් තිබේ. පුවතේ මූලාශ්‍රය ලෙස සඳහන් කර තිබෙන පොලිසිය දැනට පවසන පරිදි නම් තමන් එවැනි වෛද්‍යවරයකු ගැන දන්නේ නැත.
මෙය බොරු වාර්තාවක් නම් එය ද ඇත්ත වශයෙන් ම භයානක ත්‍රස්ත ක්‍රියාවකි. ජවිපෙ නායක අනුර කුමාර දිසානායක පාර්ලිමේන්තුවේදී සඳහන් කළ ආකාරයට ම එය සත්‍යයක් නම් ජනතාව අතර ගැටුම් ඇති කළ හැකි තත්වයකි. බොරු වාර්තාවක් නම් ජනතාව අතර වාර්ගික ගැටුම් ඇති කිරීමේ හා ඒ ඔස්සේ රජය අපහසුතාවට පත් කිරීමේ අරමුණින් කරන ලද ත්‍රස්තවාදී මාධ්‍ය වාර්තාකරණයකි.
දිවයින පුවත්පතේ මේ දීකිරට සාක්කි කියන්නට ඉදිරිපත් වූ බළලෙකු වූයේ වෛද්‍ය චන්න ජයසුමන ය. ඔහු තර්ක කළේ මෙසේ ය:

“අද දිවයින පුවත්පතේ සිරස්තලය දුටු වෛද්‍යවරු කිහිප දෙනකු සහ වෛද්‍ය ක්ෂේත්‍රයට සම්බන්ධ කිහිප දෙනකු සිසේරියානු සැත්කමක් හොරෙන් නොකරන බවත් මේ ආකාරයට වඳ කිරීම් සිදු කිරීම හුදු හිතලුවක් පමණක් බවත් අදහස් දක්වා තිබුණි. ඒ ඇතැම්හු සිය නොදනුවත්බව නිසා එවැනි අදහස් දරා ඇති බව පැහැදිලිය.ඇතැම් නන්නත්තාර වූ මාක්ස්වාදී දොස්තර පඩංගු සිය බක පණ්ඩිත බව පෙන්වීමට තකතීරු කතා පවසති.
“මා මේ ගැන ලංකාවේ සිටින ජ්‍යෙෂ්ඨතම ප්‍රසව සහ නාරි රෝග විශේෂඥ වෛද්‍යවරු (VOG) කිහිප දෙනකුට කතා කර විමසීමි. ඔවුන් සියලු දෙනා පැවසුවේ පළපුරුදු වෛද්‍යවරයකුට මෙය ඉතා පහසු කටයුත්තක් බවයි.
“සිසේරියානු සැත්කමක් අතර තුර ARTERY FORCEP වර්ගයේ අඬු දෙකක් පැලෝපීය නාල දෙකට යොදා සැත්කම අවසාන වන තෙක් රදවා තැබීමෙන් පැලෝපීය නාල තව දුරටත් ක්‍රියාකාරී නොවන තත්වයට (FIBROSE) පත් වේ. එහි සාර්ථකත්වය 80% බව ඔවුහු මට පැවසුහ. අමුතුවෙන් පැලෝපීය නාල කපා දැමීමට හෝ වඳ සැත්කම් කිරීමට අවශ්‍ය නොවේ. කොළ පුරවා අවසර ගැනීමටද අවශ්‍ය නොවේ. නොදන්නා මගුල් ගැන බක පණ්ඩිත කතා නොකියා සිටීම දොස්තර නොදොස්තර කොන්දොස්තර කාටත් ගුණය.”
මේ පිළිබඳ වෛද්‍යවරයකු සහ මාධ්‍යවේදියකු හා ලේඛකයකු ද වන රුවන් එම්. ජයතුංග මෙසේ පැහැදිලි කළේ ය:
” සීසර් ශල්‍යකර්ම 723 ආසන්න ප්‍රමාණයක්ද එල්.ආර්.ටී ඔපරේශන් සිය ගනනක් කොට තිබෙන හිටපු නාරි හා ප්‍රසව ජේෂ්ඨ වෛද්‍ය නිලධාරියෙකු ලෙස මම මගේ අදහස් ස්වෛරීව කියමි. 
සීසර් ශල්‍යකර්මයක් කිරීමේදී හෙදියක් සහ සහායක වෛද්‍යවරයෙකු ගේ සහභාගීත්වය තිබේ. අදාල මව එල්.ආර්.ටී කිරීමට අත්සන් කොට තිබේ නම් එය මතක් කරන්නේ පවුල් සෞඛ්‍ය නිලධාරිනිය හෝ හෙදියක විසිනි. සමහර විට සහායක ඉන්ටර්න් වෛද්‍යවරයාද එය මතක් කරයි. 
සීසර් ශල්‍යකර්මය වේලාවේදී පැලෝපීය නාල මසන විට එය සහායක වෛද්‍යවරයාගේ සහ හෙදියගේ අවධානයට නිතැතින්ම ලක්  වෙති. සීසර් ශල්‍යකර්මය වේලාවේදී පැලෝපීය නාල ගැට ගැසුවේ නම් ගැටය කැපිය යුත්තේ හෙදිය හෝ සහායක වෛද්‍යවරයාය. එය ඔවුන් ගේ ඇස් වසා කිරීම අපහසුය.  
“සීසර් ශල්‍යකර්මයක් තුලදී එල්. ආර්.ටී සඳහා අනුමැතිය දී නොමැති මවක සීසර් ශල්‍යකර්මය තුලදී ඇයගේ පැලෝපීය නාල මැසීම නීති විරෝධී ක්‍රියාවකි. එම නිසා තම වෘත්තිය අණතුරට හෙලා වෛද්‍යවරයෙකු සීසර් ශල්‍යකර්මය තුලදී පැලෝපීය නාල මැසීම කලා යැයි කීම පිලිගැනීමට අමාරුය​. හෙදිය හෝ සහායක වෛද්‍යවරයාට නොපෙනෙන ලෙස පැලෝපීය නාල ගැට ගැසීම ඉතා අපහසු ක්‍රියාවකි. 
“පැලෝපීය නාල ගැට නොගසා ක්ලෑම්ප් කිරීම හෙවත් පැලෝපීය නාල අඞුවකින් තද කිරීම මගින් වඳ කල හැකි බව වෛද්‍ය චන්න ජය සුමන ප්‍රකාශ කරයි. වෛද්‍ය චන්න ජයසුමන කියන පරිදි ශල්‍ය අඞු වලින් පැලෝපීය නාල තද කිරීමද ලේසි පහසු ක්‍රියාවක් නොවේ. ඊට හේතුව ශල්‍ය අඞුව ඉල්ලිය යුත්තේ හෙදිය ගෙනි . හෙදිය දෙන අඞුව පිලිබඳව සවිඥානකය.  ශල්‍යකර්මයේදී භාවිතා කල අඞු ඇය යලි ගනන් කල යුතුය. තවද බොහෝ ශල්‍ය හෙදියෝ සීසර් ශල්‍යකර්මය කරන පියවරවල් දනිති. එසේම ඒ ඒ පියවර සඳහා අවශ්‍ය කෙරෙන අඞු , කතුරු සහ ශල්‍ය සැත් ගැන ඇයට දැනුවත් කමක් තිබේ. ඒ නිසා ශල්‍ය අඞු වලින් පැලෝපීය නාල තද කිරීම සහායක වෛද්‍යවරයා හෝ හෙදිය ගේ ඇස් වසා කිරීම  පහසු ක්‍රියාවක් නොවේ.  මේ හැර ශල්‍යකර්ම 4000 ක දී නිරන්තරයෙන්ම ශල්‍ය අඞු වලින් පැලෝපීය නාල තද කලේ නම් එය හෙදියට හෝ සහාය වෛද්‍යවරයාට නොපෙනෙන හෝ නොදැනෙන සේ කිරීම අසීරුය.”
මෙම වාර්තාව සරල ලෙස ගෙන බැහැර කිරීම ඉතා වැරදි ය. මෙමගින් දැනටමත් සමාජයට විශාල හානියක් කර හමාර ය. එම හානිය වැඩියෙන් ම දැනෙන්නේ වෛද්‍ය වෘත්තිය නම් ගෞරවනීය, වගකීම් සහගත වෘත්තියට ය. වෛද්‍යවරයාගේ වෘත්තික විශ්වසනීයත්වය මෙම වාර්තාව විසින් දරුණු අන්දමින් සැකයට භාජනය කර තිබේ. එයට හවුල් වූ වෛද්‍ය චන්න ජයසුමන උත්සාහ කළේ එම හානිය ස්ථාවර කිරීමටයි. මේවා පිළිගත් ජනතාව අතරින් ඇතැමෙකු හෝ වාර්ගික පදනමින් මෙන් ම පොදුවේ ද වෛද්‍යවරයා සැකකිරීමට යොමු වීම භයානක තත්වයකි.
දිවයින වාර්තාව මෙසේ ය:
– සාක්ෂි සහිතව තොරතුරු හෙළි වේ – 
දොස්තර අල්ලන්න පුළුල් පරීක්ෂණ
(හේමන්ත ‍රන්දුනු)
සිංහල බෞද්ධ මවුවරුන් 4000 කට අධික පිරිසක් වඳ භාවයට පත් කළ බව කියන තව්හිද් ජමාත් ත‍්‍රස්ත සංවිධානයේ ප‍්‍රබල සාමාජිකයකු වන වෛද්‍යවරයකු අත්අඩංගුවට ගැනීම සඳහා විශේෂ පොලිස් කණ්ඩායමක් පුළුල් විමර්ශන ආරම්භ කර ඇත.
සිංහල බෞද්ධ මවුවරුන් පළමු දරු උපත සඳහා සිසේරියන් සැත්කමට භාජනය වෙද්දී සැකකාර වෛද්‍යවරයා ඉතාම සූක්ෂම ආකාරයට එම මවුවරුන්ගේ ශරීරයේ පැලෝපීය නාලය ගැටගසා ඔවුන් වඳ භාවයට පත් කර ඇති බව විමර්ශනවලින් හෙළි වී තිබේ.
සැත්කමට භාජනය වන සිංහල බෞද්ධ මවුවරුන්ට නොදැනෙන්නට මෙම වෛද්‍යවරයා මේ ආකාරයට ඔවුන් වඳ භාවයට පත් කර ඇති බව ද අනාවරණය වී ඇත.
සැකකාර වෛද්‍යවරයා වසර ගණනක් තිස්සේ ගැබිනි මවුවරුන් හත්දහසකට වැඩි පිරිසකට සිසේරියන් සැත්කම සිදු කර ඇති අතර ඒ අතරින් හාරදහසකට අධික බෞද්ධ මවුවරුන් මේ ආකාරයට වඳ භාවයට පත් කර ඇති බව හෙළි වී තිබේ.
මෙම වෛද්‍යවරයා තම හිතවතුන් කීපදෙනකු සමඟම මේ බව ප‍්‍රකාශ කර ඇති අතර මොහුගේ මෙම කි‍්‍රයාකලාපය පිළිබඳව සෞඛ්‍ය ක්ෂේත‍්‍රය සම්බන්ධ නිලධාරීන් කීප දෙනකු ද පොලිසියට තොරතුරු ලබාදී ඇත. වෛද්‍යවරයා මෙම අපරාධය සිදු කළ බවට සාක්ෂි සහිතව තොරතුරු ලැබී ඇති බව ද පොලිසිය පවසයි.
සැකකාර වෛද්‍යවරයා සම්බන්ධයෙන් සතියකට වැඩි කාලයක් තිස්සේ පොලිසිය පුළුල් විමර්ශනයක් කි‍්‍රයාත්මක කරගෙන යන අතර ඉදිරි දින කීපය ඇතුළතදී මොහු අත්අඩංගුවට ගැනීමට කටයුතු කරන බව ද පොලිස් ආරංචි මාර්ග පැවසීය.
තව්හිද් ජමාත් ත‍්‍රස්ත කල්ලියට සම්බන්ධ ප‍්‍රබල සාමාජිකයන් කීප දෙනකුගෙන් ප‍්‍රශ්න කිරීමේදී මෙම වෛද්‍යවරයා පිළිබඳව තොරතුරු හෙළි වූ බව ද එම ආරංචි මාර්ග කියා සිටියහ.

මට මහන්සියි

Adapted from praja.lk

ඥානසාර හිමිට ලබා දුන් සමාව දේශපාලන සිරකරුවන්ට පොදුවේ ලබා දෙන්න

අජිත් පැරකුම් ජයසිංහ

ගලගොඩඅත්තේ ඥානසාර හිමි නිදහස් කිරීම දේශපාලන සිරකරුවකු නිදහස් කිරීමක් ලෙස සැලකිය හැකි බව අපි ඊයේ ප්‍ර‍කාශ කළෙමු. අදාළ ලිපිය මෙතැනින් >> ඥානසාර හිමිට ජනාධිපති සමාව දීම යනු කුමක් ද?
දිගට ඇදෙමින් පවතින දේශපාලන සිරකරුවන්ගේ ප්‍ර‍ශ්නයට විසඳුම් සෙවිය හැකි ආකාරය පිළිබඳ සාකච්ඡාව නැවත ආරම්භ කිරීමට ද මෙය අවස්ථාවක් කර ගත යුතු ය.
යුද සමයේ සිදුවීම් සම්බන්ධයෙන් ජාතික හා ජාත්‍යන්තර පාර්ශ්ව සමග ඇති කර ගන්නා එකඟතාවකින් රජයේ ආරක්ෂක අංශ හා ඔවුන්ට සහාය දුන් සන්නද්ධ කණ්ඩායම්වල සාමාජිකයන්ටත්, දෙමළ ඊලාම් විමුක්ති කොටි සංවිධානය හා යුද සමයේ ක්‍රියාත්මක වූ වෙනත් දෙමළ සංවිධානවලටත් පොදු සමාවක් ප්‍ර‍දානය කරන ලෙස ජනාධිපතිවරයාගෙන්, අගමැතිවරයාගෙන් සහ දෙමළ දේශපාලන නායකයන්ගෙන් ඉල්ලා සිටින බවට ජාතික හෙළ උරුමය විසින් 2018 සැප්තැම්බරයේදී කරන ලද ඉල්ලීම ඉතාම කාලෝචිත හා ප්‍ර‍ගතිශීලී ඉල්ලීමක් ලෙස සලකමින් අගය කරන්නෙමු.
අතුරුදහන් වූවන්ගේ ප්‍ර‍ශ්නයට විසඳුම් සෙවීමට මේ වන විට විශේෂ කාර්යාලයක් ස්ථාපිත කර තිබේ. එමගින් සහන හා හානිපූරණ ක්‍රියාමාර්ග සඳහා මූලික පියවර ගෙන තිබේ. එහෙත්, දේශපාලන සිරකරුවන්ගේ ප්‍ර‍ශ්නයට විසඳුම් දිය හැක්කේ පොදු සමාවක් ඔසේ පමණි.
මිලිටරිකරණය සමස්ත සමාජ දේහය පුරා ම පැතිරුණු සංකීර්ණ ප්‍ර‍ශ්නයකි. හුදු සටන් පාඨවලින් මිලිටරිහරණය සිදු කළ නො හැකි ය. එසේම, එය දෙමළ ජනයාගේ ප්‍ර‍ශ්නයක් ලෙස පමණක් සැලකීම ද උවමනාවට වඩා සරලමතික තර්කයකි. මිලිටරිකරණයේ ගොදුරු බවට පත් වන්නේ පීඩිතයන් පමණක් නො වේ. පීඩකයන්ට ද මිලිටරිකරණය පීඩාවකි. සියලු දේශපාලන වෙනස්කම් අතර, මිලිටරිහරණය යනු ඉතා ඉවසිලිවන්තව කළ යුතු කාර්යයකි.
දේශපාලන සිරකරුවන්ගේ ප්‍ර‍ශ්නය ද හුදෙක් දෙමළ ප්‍ර‍ශ්නයක් පමණක් නො වේ. 1989 කැරැල්ල සමයේ එය සිංහල ජනතාවගේ ප්‍ර‍ශ්නයක් විය. එසේ ම, යුද සමයේ සිදු වූ අපරාධ සම්බන්ධයෙන් සිර ගත වන්නට සිදු වූ දෙමළ ජාතිකයන් දෙස මෙන් ම, සිංහල ජාතිකයන් ස්වල්ප දෙනා දෙස ද බලන විට දැකිය හැකි කරුණක් වන්නේ දෙපාර්ශ්වයේ ම තෝරුන් හා මෝරුන් දැල් ඉරාගෙන ගොස් තිබියදී නීතියෙහි දැලේ පැටලී ඇත්තේ හාල්මැස්සන් බවයි. කරුණා, කේපී, ගෝඨා, මහින්ද වැනි දේශපාලන නායකයන් භුක්ති විඳින මුක්තිය නීතියෙන් වැරදිකරුවන් වූ සෙසු අයට ද දිනා ගත හැක්කේ පොදු සමාවක් වෙනුවෙන් කරන අරගලයකිනි.
ත්‍රස්තවාදය වැළැක්වීමේ පනත වැනි නීති සංශෝධනය කළ යුතු ය. එහෙත්, ඒවා එක රැයින් කළ හැකි දේ නො වේ. පවත්නා සංදර්භය තුළ ත්‍ර‍ස්තවාදය වැළැක්වීමේ පනත ඉවත් කිරීම කළ නො හැකි ය. කළ හැක්කේ සංශෝධනය කිරීමයි. ත්‍ර‍ස්ත මර්දන නීති ගැන අප ලියූ ලිපියක් මෙතැනින් >> ත්‍ර‍ස්තවාදයේ නව යුගය, ත්‍ර‍ස්තවාදය වැළැක්වීමේ පනත හා ප්‍ර‍ති ත්‍ර‍ස්ත පනත
දේශපාලන සිරකරුවන් කොන්දේසි විරහිතව නිදහස් කිරීම වැනි ඉල්ලීම් ඉදිරිපත් කරන්නේ දිනා ගැනීමේ සැබෑ උවමනාවක් ඇතිව ද යන්න පැහැදිලි නැත. අතුරුදහන් වූවන් හා දේශපාලන සිරකරුවන් පාවිච්චි කරමින් තම දේශපාලන හා ව්‍යාපාරික අරමුණු ඉටු කරගැනීමට උත්සාහ කරන්නන්ට එය විසඳුම් අවශ්‍ය ප්‍ර‍ශ්නයක් නොවේ. එහෙත්, අතුරුදහන් වූවන්ගේ පවුල්වලට අවශ්‍ය වන්නේ සිය ප්‍රියයන්ට වූ දේ දැනගැනීම, මරණ සහතික හා හානිපූරණයන් ය. එසේම, එවැනි දේ නැවත සිදු නොවන වාතාවරණයක් නිර්මාණය කරගැනීම ද වැදගත් ය.
දේශපාලන සිරකරුවන්ගේ ප්‍ර‍ශ්නය ඊටත් වඩා සංකීර්ණ ය. යුද්ධයට නියමින් හා අනියමින් සහභාගි වූ සෑම පාර්ශ්වයක් ම නීති විරෝධී අන්දමින් කටයුතු කළ ය. ඍජුව යුදවැදුණු පිරිස් පමණක් නොව මාධ්‍යකරුවන් පවා සාපරාධී වැරදි කළ හ. මේ වැරදිකරුවන් අතරින් ඇතැමෙකුගේ වැරදි රජය විසින් නොතකා හරින ලදී. රජයේ හමුදාවලට අමතරව කරුණා, කේපී වැනි කොටි නායකයෝ ද ඒ අතර සිටිති. තවත් ඇතැමෙකු පුනරුත්ථාපනය කර නිදහස් කරන ලදී. තවත් පිරිසකට එරෙහිව අධිකරණ ක්‍රියාමාර්ග ගෙන තිබේ. ඒ අතරින් පිරිසකට දඬුවම් පමුණුවා හමාර ය. ඒ අතර හමුදා සෙබළු ද සිටිති.
අවසානයේදී සිරකරුවන්ට අවශ්‍ය නිදහසයි. මෙයට විසඳුම් සෙවිය හැක්කේ සාකල්‍ය ප්‍රවේශයකින් පමණි. සිංහල ජාතිවාදීන් කියන පරිදි හමුදා අතින් කිසිදු වරදක් වී නැති බව හා වැරදි කළේ කොටින් පමණක් ය යන්න කිසිවකු පිළිගන්නේ නැත. එපරිද්දෙන් ම දෙමළ ජාතිවාදීන්ට අවශ්‍ය පරිදි හමුදා සම්බන්ධයෙන් පමණක් ජාත්‍යන්තර පරීක්ෂණයක් කරන්නටත්, සියලු දෙමළ දේශපාලන සිරකරුවන් පමණක් නිදහස් කරන්නටත් බැරි ය.
කළ හැකි වඩාත් ප්‍රායෝගික දෙය වන්නේ සියලු දේශපාලන සිරකරුවන්ට පොදු සමාවක් ලබාදීමයි. එසේම, යුද වකවානුවේදී සිදු වූ යුද්ධය හා සම්බන්ධ අපරාධ සම්බන්ධයෙන් පොදු සමාවක් පිරිනැමිය හැකි ය. යුද්ධය හා සම්බන්ධව සිදු වුණු අපරාධ සහ වෙනත් අරමුණු මත සිදුකරන ලද අපරාධ අතර වෙනස විග්‍ර‍හ කරගැනීම ද මෙහිදී අත්‍යවශ්‍ය ය. මේ සම්බන්ධයෙන් ජාතික හෙළ උරුමය විසින් ඉතා වැදගත් ක්‍ර‍මවේදයක් යෝජනා කර තිබේ. ඒ අනුව, නීතිපති දෙපාර්තමේන්තුවේ ප්‍ර‍ධානත්වයෙන් පත් කරන ලද කමිටුවක් මගින් යුද සමයේ වූ අපරාධ යුදමය අභිමතාර්ථ සාධනයේදී ඇති වූ දේවල් ද, නැතිනම් පෞද්ගලික අභිමතාර්ථ සාධනයේදී වූ දේවල් ද යන්න වෙන් කර හඳුනාගනු ඇත. මෙය ද ඉතා සරල කාර්යයක් නොවේ. යුදමය අරමුණු මෙන් ම පෞද්ගලික අභිමතාර්ථ ද එකට මුසු වූ අපරාධ රැසක් සිදු වී තිබේ.
කෙසේ වෙතත්, යුද සමයේ බොහෝ අපරාධ සම්බන්ධයෙන් සාක්ෂි ප්‍ර‍මාණවත් නැත. සැකයකින් තොරව අපරාධ චෝදනා ඔප්පු කිරීම පහසු නැත. දෙමළ විමුක්ති කොටි සංවිධානයට සම්බන්ධ බවට චෝදනා ලබන සැකකරුවන්ට එරෙහි බොහෝ නඩු ඔප්පු කිරීම සඳහා යොදා ගන්නා ප්‍ර‍ධාන ම සාක්ෂිය වන්නේ විත්තිකරුවා විසින් කරන ලද පාපොච්චාරණයයි. මෙම පාපොච්චාරණ බොහෝ විට ස්වයංව සිදු කරන ලද ඒවාට වඩා බලෙන් හෝ රැවටීමෙන් ලබාගත් ඒවා ය. පාපොච්චාරණයක් ලබාගැනීම යන්න අද වන විට සුලබව භාවිතා වන යෙදුමකි. තත්වයෙහි බරපතලකම එම යෙදුමෙන් ම නිරූපණය වේ. පාපොච්චාරණ යනු කරන දෙයක් මිස ලබාගත යුතු දෙයක් නොවේ.
මේ වන විටත් යුද්ධය අවසන් වී දශකයකට ආසන්න කාලයක් ගෙවී හමාර ය. මේ වන විටත් බොහෝ සාක්ෂි විනාශ වී අවසන් ය. යුද අපරාධ චෝදනාවන්ගෙන් අවසානයේදී ලංකාවට ඉතිරි වී තිබෙන්නේ ජාත්‍යන්තරයට අපට තරවටු කරන්නට යොදාගත හැකි කෙවිටක් පමණි.මේ තත්වය සිංහල ජාතික ව්‍යාපාරය විසින් යම් දුරකට තේරුම් ගෙන තිබෙන බව ජාතික හෙළ උරුමයේ ස්ථාවරයෙන් පෙනේ. දෙමළ ජාතික ව්‍යාපාර ද මේ සම්බන්ධයෙන් නම්‍යශීලී විය යුතු ය. එම නම්‍යශීලිත්වයෙන් සහන දිනාගැනීමට හැකි පිරිස අතර දෙමළ දේශපාලන සිරකරුවන් රැසක් සිටින බව ඔවුන් අමතක නොකළ යුතු ය.
1989 කැරැල්ල සම්බන්ධයෙන් විධිමත් අන්දමින් නොවුණත්, ප්‍රායෝගික භාවිතාව තුළින් මෙවැනි පොදු සමාවක් ප්‍ර‍කාශයට පත් විය.


මුසල්මානුවා බිත්තියට හේත්තු කර සාමය දිනාගත හැකි ද?

අජිත් පැරකුම් ජයසිංහ (2019 මැයි 26 ලංකා පුවත්පතේ ද පළ වේ)

ජාතික තව්හීද් ජමාත් ඇතුළු මුස්ලිම් අන්තවාදී සංවිධාන ගෝලීය අයිඑස් ත්‍රස්තවාදය සමග එක්ව පාස්කු ඉරිදා එල්ල කළ මරාගෙන මැරෙන ප්‍රහාර සමග ලංකාවේ මුස්ලිම් ජාතික ප්‍රජාව දැඩි පීඩනයකට ලක් වී තිබේ. එක පැත්තකින් එය මුස්ලිම් භීතිකාවක් රට තුළ නිර්මාණය කිරීමට හේතු වී තිබේ. අනෙක් පැත්තෙන් ජාතිවාදී දේශපාලන ව්‍යාපාරවලට එය ඉතා වාසිදායක තත්වයකි.
තව්හීද් ජමාත් ව්‍යාපාරය ශ්‍රී ලංකාවේ ආරම්භ වූ කාලයේ පටන් ම එය විසින් ඇති කරනු ලැබුවේ ගැටලු ය. දස වසකට ඉහත 2009 ජුලි මස පුද්ගලයන් දෙදෙනෙකුට මරු කැඳවමින් හා 40දෙනෙකුට පමණ තුවාල සිදු කරමින් බේරුවල බුහාරි පල්ලියේ හා මහගොඩ රහුමාන් පල්ලියේ දායකයන් අතර ගැටුමක් ඇති වී රහුමාන් පල්ලියට කිසියම් පිරිසක් ගිනි තබන ලදී. බුහාරි පල්ලිය වසර 145ක් පමණ පැරණි පල්ලියක් වන අතර එහි පාලනය පැවතියේ සුෆී මුස්ලිම්වරුන් අතර ය. රහුමාන් පල්ලිය තව්හීද් ජමාත් පල්ලියකි. බුහාරි පල්ලියේ සම්ප්‍රදායික දානමය පිංකමකට තව්හීද් ජමාත් සංවිධානය මූලධාර්මික පදනමින් විරුද්ධ වීම මෙම ගැටුමට හේතු විය. නැගෙනහිර පළාතේ ද තව්හීද් ජමාත් සහ සුෆිවරුන් අතර ගැටුම් සුලබ ය.
මුල් කාලයේ පටන් ම තව්හීද් ජමාත් ව්‍යාපාරය පාරිශුද්ධ මුස්ලිම් සමාජයක් වෙනුවෙන් ය යන මුවාවෙන් කරගෙන ගියේ අරාබිකරණයක් බව වෙනස් සංස්කෘතික අනන්‍යතාවක් සහිත සුෆීවරුන් පළමු ඉලක්කය බවට පත් වීමෙන් පෙනේ. ශ්‍රී ලංකාවේ මුස්ලිම් සමාජය අඩු වැඩි වශයෙන් මෙකී අරාබිකරණයේ ගොදුරු බවට පත් විය. ජමියතුල් උලමා ඇතුළු ඉස්ලාම් ආගමික ප්‍ර‍භූන් එයට දිරිදුන් බව බොරුවක් නොවේ. එමගින් ඔවුන් මුස්ලිම්වරුන් පොදු සමාජයෙන් දුරස්ථ කිරීමකට ද දායක වූ හ. බුර්කා, නිකාබ් වැනි ස්ත්‍රී පීඩක අරාබි ඇඳුම් එකී දුරස්ථකරණයේ සහ වහාබි බලපෑමේ සංකේත වේ.
මෙම මුස්ලිම් ජාතිවාදය ඇත්තෙන් ම අනවශ්‍ය තත්වයකි. 9%ක් පමණ වන ශ්‍රී ලංකාවේ යෝනක සුළුතරයට බාධාවකින් තොරව පැවැත්ම සඳහා අවස්ථාව මෙරට බහුතර සිංහල ප්‍ර‍ජාව ලාංකික සමාජය විසින් ලබා දී තිබිණි. ඉංග්‍රීසි සමයේ සිට ක්‍රියාත්මක වන, වර්තමානයට නොගැලපෙන, ළමා විවාහ නීතිගත කරන, අපරිණත වයස්වල ගැහැණු ළමයින් ගැබ්ගැනීමට සලස්වන මුස්ලිම් විවාහ නීතිය වැනි සුවිශේෂ වරප්‍ර‍සාදිත තත්වයන් පවා මුස්ලිම්වරුන්ට තිබේ. ඉස්ලාම් ආගමික පරිපාලනය වෙනුවෙන් වකුෆ් පනත නම් විශේෂ පනතක් ද තිබේ. සිකුරාදා ජුම්මා යාඥාවලින් පසුව පවත්වන දේශන හෝ වෙනත් දෙසුම් සඳහා රජයේ අවසරගැනීමේ අවශ්‍යතාවක් තවමත් නැත. ඇතැම් මෙවැනි වරප්‍ර‍සාද මුස්ලිම් පාලනයක් තිබෙන අසල්වැසි මාලදිවයිනේවත් නැත. බලය බෙදාගැනීම සම්බන්ධයෙන් හෝ බලවත් ඉල්ලීමක් මුස්ලිම් සමාජයෙන් මතු වූයේ නැත. බලය බෙදීමේ කතිකාව ප්‍ර‍වර්ධනය කළ රාජ්‍ය නොවන සංවිධානවලටවත් මුස්ලිම් ජනයා බලය බෙදාගැනීමේ බලපෑම් සහිත ඉල්ලීමක් සිදු කරන තැනකට තල්ලු කරගත නොහැකි විය. එවැනි ප්‍ර‍කාශයක් වූ ඔලුවිල් ප්‍ර‍කාශය අද මුස්ලිම් දේශපාලකයන් පවා අමතක කර දැමූ එකකි.
එහෙත්, ලංකාවේ ඇතැම් නිදහස් අවස්ථාවන් අපහරණය කරමින් වහාබි අන්තවාදය පැතිරවීමට අධිපති මුස්ලිම් සමාජය දිරිගැන්වීම් කළ බව පෙනේ. ඇතැම් විට එයට හේතුව අරාබි අරමුදල් ඔස්සේ දියත් වූ සමාජ පාරිශුද්ධකරණ හා සංවර්ධන ව්‍යාපෘති විය හැකි ය. නැතිනම්, මක්කම වන්දනාව සඳහාත්, වන්දනා ගමන් සංවිධානය කිරීම සඳහාත් අවශ්‍ය තත්වයන් පවත්වාගෙන යාමට මුස්ලිම් විද්වතුන් නිහඬ වුණා විය හැකි ය. එහෙමත් නැතිනම් තව්හීද් ජමාත් අන්තවාදීන්ට තිබුණු බිය නිසා ද එසේ විය හැකි ය. අප සිතන පරිදි මුස්ලිම් සමාජය අන්තවාදය දෙසට වැඩිපුර තල්ලු වන්නට හේතු වූයේ මෙම කරුණුවල සම්මිශ්‍ර‍ණයකි.
සිංහල අන්තවාදීන් විසින් මාවනැල්ල, අලුත්ගම, දිගන වැනි තැන්වලදී එල්ල කරන ලද ප්‍ර‍හාර හේතුවෙන් ඉස්ලාම් අන්තවාදීන්ට සිදු වූයේ වාසියකි. විශේෂයෙන් ම සිංහල ව්‍යාපාරිකයන්ගේ අනුග්‍ර‍හයෙන් දියත් කරන ලද මුස්ලිම් ව්‍යාපාර විරෝධය සමග මුස්ලිම් අන්තවාදීන්ට මුස්ලිම් ව්‍යාපාරිකයන්ගේ අනුග්‍ර‍හය වැඩි වැඩියෙන් හිමිවන්නට විය. ප්‍ර‍ධාන පෙළේ මුස්ලිම් ව්‍යාපාරිකයන් අතරින් ඇතැමෙකු අන්තවාදී ව්‍යාපාරවලට මුදල් පොම්ප කළ හ.
අන්තවාදීන් අතර ඇති වූ තරගයේ ප්‍ර‍තිඵලයක් ලෙස තව්හීද් ජමාත් කැඩී බිඳී ගියේ ය. අවසානයේදී එසේ බිඳී ගිය අන්තවාදීන් පිරිසක් අයිඑස් ගෝලීය ත්‍ර‍ස්තවාදය වෙනුවෙන් 2019 අප්‍රේල් 21දා පාස්කු ඉරිදා එල්ල කරන ලද ප්‍ර‍හාරය හේතුවෙන් ශ්‍රී ලංකාවේ ආගමික, සමාජ, දේශපාලනික අවකාශයන්හි ඉතා පැහැදිලි සුසමාදර්ශීය වෙනසක් සිදු විය. සුසමාදර්ශීය වෙනසක් යනු කලින් පැවති තත්වයේ සම්පූර්ණ විපර්යාසයකි.
මෙම සුසමාදර්ශීය වෙනස ගැඹුරින් ම සලකුණු කරන සංස්කෘතික සංකේත කිහිපයක් පසුගිය දිනවල දක්නට ලැබිණි. මුස්ලිම් ජාතිකයන් පන්සල් යාම, බෞද්ධ කොඩි එසවීම, වෙසක් කූඩු හැදීම සහ ඔවුන්ගේ මව්බස සිංහල ලෙස ප්‍ර‍කාශ කරන්නැයි ඉල්ලීම සාමාන්‍ය මුස්ලිම් සමාජයෙන් දක්නට ලැබුණු එවැනි සංකේතාත්මක වැදගත්කමක් සහිත ප්‍ර‍තිචාර දෙකකි. ශ්‍රී ලංකා තව්හීද් ජමාත් සහ සිලෝන් තව්හීද් ජමාත් වැනි කල්ලි ද සහරාන්ලාගේන් ත්‍ර‍ස්තවාදයෙන් දුරස්ථ වන්නට උත්සාහ කිරීම ඉස්ලාම් අන්තවාදීන් වෙතින් දක්නට ලැබුණු තවත් එවැනි ප්‍ර‍තිචාරයකි.
තව්හීද් ජමාත් සංවිධානවල ඊනියා සාම කතා මේ අවස්ථාවේ මර්දනය ඔවුන් වෙත දිගු වීම වළක්වාගැනීමට අනුගමනය කරන උපායක් විය හැකි ය. බෝම්බ පිපිරෙව්වේ ජාතික තව්හීද් ජමාත් වුණාට අනෙකුත් තව්හීද් ජමාත් සංවිධාන ද ප්‍ර‍චාරය කරමින් සිටින්නේ එම අන්තවාදී අදහස් හා ප්‍ර‍චණ්ඩත්වය ම ය. එය වැළැක්විය යුතු ය. තව්හීද් ජමාත් සංවිධාන උත්සාහ කරන්නේ තත්වය සමනය වන තුරු හොඳ මුහුණක් පෙන්වමින් සිට උණුසුම පහව ගිය පසු තත්වයෙන් උපරිම වාසි ගන්නට ය.
මුස්ලිම් සමාජය බොරුවට පන්සල් යන, බෞද්ධ කොඩි උස්සන තරමට බියපත් කිරීම හා අසරණ කිරීම ඉතා වැරදි ය. මේ අසරණකම අවසානයේදී වාසිදායක වන්නේ තව්හීද් ජමාත් වැනි අන්තවාදීන්ට ය. මධ්‍යස්ථ මුස්ලිම් ජනයා අප්‍රේල් 21 සිද්ධියෙන් පසු කෙතරම් සාමකාමී ලෙස හැසිරුණත්, ඔවුන් අතර සිටින අන්තවාදීන් පිළිබඳ තොරතුරු දුන්නත්, කඩු සඟවාගෙන සිටින තැන් ගැන ඔත්තු දුන්නත්, සහජීවනය පිළිබඳ අලුත් උත්සාහයන් දැරුවත්, කුමක් කළත්, සිංහල ජාතිවාදීන් වෙතින් ඔවුන්ට ලැබුණේ මිනුවන්ගොඩ පන්නයේ ප්‍ර‍තිචාරයක් පමණි.
මේ වන විට නීතිය භාවිතා කරමින් සිදු වන ඇතැම් ක්‍රියා ද ඔවුන් තවත් අසරණ කරයි. 
හසලක කොළොන්ගොඩ පදිංචි 47හැවිරිදි මුස්ලිම් කාන්තාවක් වන එම්. ආර්. මසහිමා මහියංගනය පොලිසිය විසින් හසලකදී අත්අඩංගුවට ගත්තේ ඇය ඇඳ සිටි ගවුමේ බුදු දහමට අපහාස වන පරිදි ධර්ම චක්‍ර‍යේ රුව ඇතුළත් ගවුමක් ඇඳ සිටියේ ය යන චෝදනාව මතයි. එහෙත්, මේ රූපය ධර්ම චක්‍ර‍ය නොව නැව් සුක්කානමක් බව බොහෝ අය විසින් පෙන්වා දෙන ලදී. දිළිඳු කුලී කම්කරුවකුගේ රැකියාවක් නොකරන බිරිය වන මෙම කාන්තාව දැන් සිටින්නේ රිමාන්ඩ් බන්ධනාගාරයේ ය.
අනෙක් පැත්තෙන් මේ වන විට මුස්ලිම් ව්‍යාපාර වර්ජනය කිරීම සඳහා සිංහල පාරිභෝගිකයන් පෙළඹවීමේ දැවැන්ත ව්‍යාපාරයක් සිංහල ව්‍යාපාරිකයන්ගේ අනුග්‍ර‍හයෙන් ජාතිවාදීන් විසින් දියත් කර තිබේ. නැගෙනහිර පාරම්පරික ගොවි හා ධීවර මුස්ලිම් ජනයා සහ දිළිඳු කම්කරු කොටස් වැනි ප්‍ර‍ජාවන් හැර, මුස්ලිම් සමාජයේ ප්‍ර‍භූ බහුතරය පාරම්පරිකව ම වෙළඳ ජනයා ය. ඔවුන් ප්‍ර‍ජාවක් ලෙස කැපී පෙනෙන්නේත්, බලවත් වූයේත් වෙළඳාම නිසා ය. වෙළඳාම කරන අය තම පාරිභෝගික සමාජය පිළිබඳ සංවේදී වීම ඉතා වැදගත් ය. එකී සංවේදී වීම වෙළඳපොළෙන් ඔබ්බට සමාජය හා දේශපාලනය වැනි අවකාශ වෙත ද යොමු විය යුතුව තිබිණි. එහෙත්, පසුගිය සමයේ මුස්ලිම් සමාජය සෙසු සමාජයන්ගෙන් සංස්කෘතික වශයෙන් දුරස්ථ වීමට හේතු වූ අරාබිකරණය අවසානයේදී මුස්ලිම් වෙළඳ සම්බන්ධතාවලට ද බලපාන තත්වයක් නිර්මාණය වී තිබේ.
සිංහල අන්තවාදීන්ගේ ක්‍ර‍ියා මගින් මුස්ලිම් සමාජයේ දිළිඳු කොටස් දැවැන්ත අර්බුදයකට තල්ලු කර දමා තිබේ. එක පැත්තකින් ආර්ථික වශයෙන් ද, අනෙක් පැත්තෙන් ආරක්ෂාව පැත්තෙන් ද අවදානමට ලක් වී තිබෙන මෙම ජනයා තව්හීද් ජමාත් වැනි විදෙස් අරමුදල් පරිහරණය කරන අන්තවාදී ව්‍යාපාරවලට පහසු ගොදුරු විය හැකි ය. සමස්තයක් ලෙස මුස්ලිම් සමාජය ආර්ථික වශයෙන් බිඳවට්ටා, සංස්කෘතික වශයෙන් අසරණ කර, බලාපොරොත්තු සුන් කර, බිත්තියට හේත්තු කරන්නට යාම මගින් නරක ප්‍ර‍තිඵල රැසක් නිර්මාණය කළ හැකි බව පොදු සමාජය අවබෝධ කරගත යුතු ය. එසේ කිරීමෙන් මුස්ලිම් සමාජය ආගමික උන්මත්තකයන් පිරිසකගේ තුරුලට තල්ලු කිරීමෙන් ලංකාවට පමණක් නොව සමස්ත ලෝකයට ම සිදුවන්නේ අනර්ථයකි. අසහනයෙන් ජීවත් වන ප්‍ර‍ජාවන් සතුටින් ජීවත් වන ප්‍ර‍ජාවන් බවට පත් කිරීම හැර ස්ථාවර සාමයට 
වෙනත් මගක් නැත.
ජාතික ප්‍ර‍ජාවන් හැම එකකින් ම වැරදි සිදු වී තිබේ. ඒ වැරදිවලට මුල් වූයේ ජාතීන් තුළ සිටින අන්තවාදී ඇතැම් පිරිස් මිස සමස්ත ජාතිය ම නොවේ. එහෙත්, වන්දි ගෙවන්නට වන්නේ සමස්ත ජාතියට ම ය. මුස්ලිම් අන්තවාදීන් අතළොස්සක් හේතුවෙන් මුස්ලිම් ජාතියට මුහුණ දෙන්නට සිදු වී තිබෙන තත්වය මීට කලින් සිංහල, දෙමළ සමාජයන් ද මුහුණ දුන් තත්වයන් ම ය. අන්තවාදයට අන්තවාදයෙන් පිළිතුරු දෙන්නට යාමෙන් තව තවත් අන්තවාදයන් නිර්මාණය වීම මිස සහජීවනය ඇතිවන්නේ නැත. අප මේ පසු කරමින් සිටින්නේ හැඟීම් අභිභවා බුද්ධිය මතු කරගැනීම දේශපාලනයේදී වෙනදාටත් වඩා වැදගත් වන අවධියකි.

ඥානසාර හිමිට ජනාධිපති සමාව දීම යනු කුමක් ද?

අජිත් පැරකුම් ජයසිංහ

ආණ්ඩුක‍්‍රම ව්‍යවස්ථාවේ 34(1) වගන්තිය යටතේ ජනාධිපතිවරයාට පැවැරී ඇති විධායක බලතල උපයෝගී කරගෙන ජනාධිපති මෛත්‍රීපාල සිරිසේන බොදු බල සේනා නායක ගලගොඩඅත්තේ ඥානසාර හිමි ජනාධිපති සමාවක් යටතේ නිදහස් කිරීම එතරම් පුදුම විය යුතු කාරණයක් නොවේ. කුමන චෝදනා යටතේ සිරගත වුව ද එම භික්ෂුව දේශපාලන සිරකරුවකු ලෙස සැලකිය හැකි නිසා ඔහුට ජනාධිපති සමාවක් දී නිදහස් කිරීම දේශපාලන ක්‍රියාවකි. නිරන්තර දේශපාලන අර්බුදවලට මැදි වී සිටින අස්ථාවර රටවල එක් ප්‍රධාන ලක්ෂණයක් වන්නේ මෙවැනි සිරගත කිරීම් හා නිදහස් කිරීම් ය.
එහෙත්, ඥානසාර හිමි නිදහස් කිරීම හා පාස්කු ඉරිදා ත්‍රස්ත ක්‍රියා අතර සම්බන්ධයක් නැත. ඥානසාර හිමි සිරගත කරනු ලැබුවේ ඉස්ලාම් අන්තවාදය සම්බන්ධයෙන් ඔහු විසින් කරන ලද මැදිහත්වීමක් නිසා නොවේ. ඔහු එවැනි මැදිහත්වීම් කර තිබේ නම්, ඒවා ද මතභේදයට තුඩු දෙන සිදුවීම් ය. මන්ද, එකී ක්‍රියා හේතුවෙන් තව්හීද් ජමාත් වැනි අන්තවාදීන්ට සිදු වූ දෙයක් නම් නැත. සිදු වී තිබෙන්නේ අලුත්ගම, ධර්ගා නගරය වැනි තැන්වල සිදු වූ විනාශයන් ය.
දේශපාලන සිරකරුවන් මෙසේ නිදහස් කළ අවස්ථා ගණනාවක් තිබේ. ඒ අතරින් සුවිශේෂ ම සිද්ධිය වන්නේ අපරාධ යුක්ති විනිශ්චය කොමිෂන් සභාව යටතේ දෙන ලද නඩු තීන්දු අහෝසි කරමින් 1971 කැරැල්ලේ වරදකරුවන් වී සිටි ජවිපෙ නායක රෝහණ විජේවීර ඇතුළු සිරකරුවන් රැසක් නිදහස් කිරීමට 1977දී එවකට අගමැති ජේ.ආර්. ජයවර්ධනගේ රජය ගත් තීරණයයි.
එසේම, ජනාධිපති මහින්ද රාජපක්ෂ විසින් අධිකරණයට අපහාස කිරීමේ වරද යටතේ දෙවසරකට සිරගත කරන ලද එස්.බී. දිසානායකට සහ යුද අධිකරණයක් විසින් සිරගත කරන ලද හිටපු හමුදාපති සරත් ෆොන්සේකාට ජනාධිපති සමාව ප්‍රදානය කළේ ය.
ලේඛන කටයුත්තක යෙදීම නිසා ත්‍රස්තවාදය වැළැක්වීමේ පනත යටතේ විසි වසරකට සිරගත කරන ලද ජේ.එන්. තිස්සයිනායගම් නිදහස් කරනු ලැබුවේ ද ජනාධිපති සමාව යටතේ ය.
වත්මන් ජනාධිපති මෛත්‍රීපාල සිරිසේන ද ඔහු ඝාතනය කරන්නට කුමන්ත්‍රණය කර දස වසරකට සිරගත කරනු ලැබ සිටි එල්ටීටීඊ සාමාජිකයකු වූ 36හැවිරිදි සිවරාජා ජෙනිවන්ට 2016දී සමාව දුන්නේ ය. ඒ වන විටත් ජෙනිවන් නව වසරක් රිමාන්ඩ් බන්ධනාගාරව සිට එක් වසරක් සිර දඬුවම ගෙවා තිබිණි. එය ද දේශපාලන සිරකරුවකුට දුන් සමාවක් ලෙස සැලකිය හැකි ය.
ප්‍රගීත් එක්නැලිගොඩ ඝාතනය සම්බන්ධ නඩුවක් හෝමාගම මහේස්ත්‍රාත් අධිකරණයෙහි විභාග වෙමින් තිබියදී අධිකරණ ශාලාව තුළ කලහකාරී ලෙස හැසිරීමෙන් අධිකරණයට අපහාස කර ඇති බව ඔප්පු වූ බොදුබල සේනා සංවිධානයේ මහලේකම් ගලගොඩඅත්තේ ඥානසාර හිමියන්ට වසර 19ක බරපතළ වැඩ සහිත සිර දඬුවමක් වසර හයකින් ගෙවී යන පරිදි නියම කරන ලදී.
Sinhala Tamil English Translations and Content Writing
අධිකරණයට අපහාස කිරීම සම්බන්ධයෙන් ඥානසාර හිමියන්ට එරෙහිව චෝදනා හතරක් ගොනු කර තිබිණි. එම චෝදනා හතර මෙසේ ය:
නිසි අවසරයකින් තොරව අධිකරණයේ කටයුතුවලට බාධා වන අයුරින් අධිකරණයේ ආධිපත්‍යයට, ගරුත්වයට අභියෝග කිරීමෙන්, අගෞරව කිරීමෙන්, අවමන් කිරීමෙන් යන යුක්තිය පසිඳලීමට අධිකරණයට ඇති බලය අනර්ථකාරී ලෙස හැසිරීමෙන් ආණ්ඩුක්‍රම ව්‍යවස්ථාවේ 105 ව්‍යවස්ථාව යටතේ දඬුවම් ලැබිය හැකි වරදක් සිදුකිරීම
එම අවස්ථාවේදීම අධිකරණය විසින් දෙනු ලබන නියෝගය පිළිනොගන්නා බවට සහ රටේ පවතින නීතිය අනුගමනය නොකළ යුතු බව සහ නීත්‍යානුකූල අවසරයකින් තොරව හිතාමතාම සහ ඕනෑකමින්ම ප්‍රසිද්ධියේ විවෘත අධිකරණයේ පැවැසීම, අවමන් කිරීමෙන් වරදක් කිරීම
එහිදී බී 7417/10 දරන නඩුවේ සැකකරුවන්ට ඇප ලබාදෙන ලෙසට කිසිදු නීත්‍යානුකූල අවසරයකින් තොරව හිතාමතාම සහ ඕනෑකමින් අණකර සිටීමෙන් අධිකරණ කටයුතුවලට බාධාකිරීමෙන් වරදක් කර තිබීම
එම අවස්ථාවේදීම බී 7417/10 නඩුවේ පැමිණිලිකාර පාර්ශ්වය වෙනුවෙන් පෙනී සිටි රජයේ ජ්‍යෙෂ්ඨ නීතිඥවරයාට පාරිභවාත්මක වචනයෙන් ඇමැතීම මඟින් වරදක් කිරීම
ඒ අනුව පළමුවන චෝදනාවට වසර හතරක, දෙවන චෝදනාවට වසර හතරක, තෙවන චෝදනාවට වසර හයක, සිව්වන චෝදනාවට වසර පහක යනාදී ලෙස බරපතල සිර දඬුවම් නියම කර එම සිර දඬුවම් එකවර ගෙවීයන ලෙස ද නියම කෙරිණි.
ඥානසාර හිමි සිරගත කරනු ලැබුවේ 2018 අගෝස්තු 8දා ය. ඔහු වසරක් ඉක්ම යාමට මත්තෙන් 2019 මැයි 24දා නිදහස් වීමට නියමිත ය.
දේශපාලනය නිසා කවුරු වුණත් සිරගත වීම වැරදි ය. එහෙත්, ඥානසාර හිමි වැරදිකරු වී සිරගත වන චෝදනා රටේ නීතියේ ආධිපත්‍යය බරපතල ලෙස අභියෝගයට ලක් කළ අවස්ථාවකි. ඔහු එම ක්‍රියාවල යෙදුණේ ආවේගශීලීව නොමග ගොස් වන්නට පුළුවන. එහෙත්, ඔහු ඒ සම්බන්ධයෙන් පසුතැවිලි වන්නේ ද යන්න සැක සහිත ය.
ඥානසාර හිමිට ජනාධිපති සමාව ලබා දෙන ජනාධිපතිවරයා ද හෙළිදරව් වූ රාජ්‍ය විරෝධී කුමන්ත්‍රණකරුවකු නිසා මේ සිදු වන කිසිවක් පුදුම විය යුතු කාරණා නොවේ.
ජනාධිපතිවරයා පසුගිය ඔක්තෝබර් 26දා කරන ලද රාජ්‍ය විරෝධී කුමන්ත්‍රණය සම්බන්ධයෙන් ක්‍රියාමාර්ගයක් නොගැනෙන්නේ අන් කිසිදු හේතුවක් නිසා නොව අගමැති රනිල් වික්‍රමසිංහ සමග ගසාගෙන තිබෙන ඩීල් නිසා ය.
මෙම සිදුවීම් පෙළගැස්ම ශ්‍රී ලංකාවේ ප්‍රජාතන්ත්‍රවාදය, නීතියේ ආධිපත්‍යය හා මානව හිමිකම් සම්බන්ධයෙන් දැවැන්ත අභියෝගයක් නිරූපණය කරයි.

නකල්ස්; සොඳුරු චමත්කාර ගමනක අසම්පූර්ණ මතක සටහන්


රූපවාහිනී සංස්ථාව විසින් නිර්මාණය කරන ලද අපූරු පාරිසරික වැඩසටහනක් සැරිසර. 2006 මැයි 22 රූපවාහිනී සංස්ථාවෙන් පිටත් වෙන්නෙ නකල්ස් කඳුවැටියේ තොරතුරු සොයාගෙන. අපේ කට්ටිය නිෂ්පාදක ගාමිණී පුෂ්පකුමාර, නාමල් සූරියබණ්ඩාර, කැමරා ශිල්පි ලලිත් පීරිස්, කථක නිශාන්ත කහවිට, සහායක රූපසිරි එක්ක හඬපටිගත කරන මම. මුල්ම නවාතැන වෙන්නෙ වත්තේගම ලෙබනන් වත්තෙ වතු බංගලාව. පහුවදා එතැන ඉඳන් බඹර ඇල්ල හරහා නකල්ස් කඳුවැටිය දිගේ කළුපහණ ප්‍රදේශයට. කිලෝමීටර් දහයක් විතර කූඩැල්ලන්ගෙන් පිරුණු ලිස්සා වැටෙන කඳු දිගේ දුෂ්කර ගමනක්.
මේ කතාව පටන් ගන්නෙ එතැනින්….
කළුපහණ කියන්නෙ නකල්ස් කඳුවැටියේ සරුසාරෙට එනසාල් වගාව සිද්ධ කෙරුණු ප්‍රදේශය. අක්කර සියගණනක් පැතුරුණු එනසාල් වගා කළේ මාතලේ, ඉළුක්කුඹුර අවට ව්‍යාපාරික ප්‍රජාව. මහ ගස් අතර යටි වගාවක් විදිහට තමයි එනසාල් වගා කළේ. මේ එනසාල් වතුවල තැනින් තැන වාඩි හදල තිබුණ. වාඩි කිව්වට ටකරං සෙවිලි කළ වරිච්චි බිත්ති කපරාරු කරපු පුංචි ගෙවල් කිව්වොත් හරි. මේ වාඩි තිබුණේ එක ළඟ නෙවෙයි. වාඩියක ඉඳන් අනෙක් වාඩියට කිලෝමීටරයක් දෙකක් තියෙනව. මේ හැම වාඩියකම දරවලින් වැඩ කරන පුංචි උදුනක් තිබුණ. එනසාල් කඩල උදුනේ වියලල තමයි කිලෝමීටර් හයක් හතක් ඈතින් තියෙන ගම්මානයට ගෙනි යන්නෙ. එනසාල් වතු අයිති මුදලාලි එනසාල් කඩන කලෙදි විතරයි වාඩියට එන්නෙ. ඒත් වාඩියෙ, මුදලාලිට පුංචි කාමරයක් වෙන්වෙලා තිබුණ . වාඩිය බලාගන්න මනුස්සයෙක් හිටිය. එනසාල් කඩන කාලයට පහළ ගම්මානවලින් කුලීකාරයො වැඩට එනව. සතිය දෙක වාඩියෙ නතරවෙල එනසාල් වේලල අරගෙන තමයි ඔවුන් ගම්මාන⁣යට යන්නෙ.
බඹර ඇල්ල හරහා කළුපහණට ආපු අපේ නවාතැන වුනේ කිරිබණ්ඩයියාගේ වාඩිය. කිරිබණ්ඩයියා අවුරුදු පනහකට විතර කිට්ටු කෙසඟ කඩිසර මනුස්සයෙක්. සරම කැහැපට ගසාගත් බොත්තම් පිය නොවුණු කමිසය ඇඳි නිතර බුලත්හපන ඔහුගෙ ඉනේ කැතිපිහියක්. හවස හතරෙ විතර ඉඳන් ඔහු ඉන්නෙ නොනිමෙන දරලිප ළඟ ඇනතියාගෙන. මුලින්ම අපි වාඩියෙ කොට බිත්තියකින් වට වුණු පියස්ස යට අපේ පුංචි කූඩාරම අටව ගත්ත. කැමරා, පටිගතකිරීමේ උපකරණ හැරුණු කොට උයන පිහන උපකරණ ,වොට් 500 පුංචි ජෙනරේටරය, පුංචි ගෑස් ලිප, සීමිත ඇඳුම් ආදිය වාඩියට ගෙනවිත් දුන්නෙ බරකරුවන් තුන්දෙනෙක්. ජෙනරේටරය කැමරා බැට්රි චාජ් කරන්න. ඊට අමතරව රාත්‍රියෙ වාඩියට පුංචි බල්බ් දෙකක එළිය. කිලොමීටර් හයක හතක වෙහෙසකර කඳු තරණයකින් පස්සෙ රාත්‍රී ආහාරය නිර්මාණය අපේ අතින්. උණු බත්, පරිප්පු හොද්ද, කරවල බැදුම….
පසුවදා නකල්ස් කඳුවැටියේ අසිරිය එනසාල් වගාවේ තතු අපේ කැමරාවේ සටහන් වුණෘ. කූඩැල්ලන්ගෙන් පිරුණු කැලෑරොදවල් අතරින් අති දුෂ්කර පටිගත කිරීමක්. හැන්දෑ කළුවර හවස හතර විතර වෙනකොට නකල්ස් කඳුවැටිය වෙලා ගන්නව. ඇඟ හිරිවැටෙන දැඩි සීතල, මිහිඳුම ගත වෙලාගන්නෙ උණුසුම හොයායන්න අපට බලකරමින්. ගලායන දියපාරකින් පිරවෙන, උතුරා ගලායන කිරිබණ්ඩයියාගේ වතුර ටැංකියෙන් අයිස් වතුර බාල්දි දෙකක් දාගන්නෙ දවස තිස්සෙ ඇවිදල දාඩිය හෝද ගන්න විතරමයි.
පසුදා අපේ ගමන් මග දූවිලි ඇල්ල හොයාගෙන. රූපවාහිනී කණ්ඩායමක් නකල්ස් කඳුවැටියේ දූවිලි ඇල්ල සොයා යන පළමු අවස්ථාව. බත්පාර්සල් කිහිපයක් බැඳගෙන කිරිබණ්ඩයියා පෙරටුකොටගෙන පාන්දරම අපේ ගමන පටන් ගත්ත. දිසාව පිළිබදව අවබෝධයක් තිබුණ කිරිබණ්ඩයියා අවම වශයෙන් අඩිපාරක් වත් නැති කූඩැල්ලන්ගෙන් පිරුණු කඳුවැටිය දිගේ අපිව ගෙන යනව. අපේ පුංචි කූඩාරමක් කරේ දාගෙන කැතිපිහියෙන් පාර එළිපෙහෙලි කරමින් රබර් සෙරෙප්පු දෙකක්වත් නැති හිස් අඩි තබමින් ඔහු ගමන් කළේ ගැමි අපූර්වත්වය විදහා පාමින්. අතරමග තැනින් තැන රූගත කිරීම්. කූඩැල්ලො පුළුවන් හැම වෙලාවෙම අපෙන් ලේ උදුර ගත්ත. උන් වෙනුවෙන්ම අරගෙන ගිය දුම්කොළ කුඩු, ලුණු කුඩු පොට්ටනි හුඟක් දුරට අපිට පිහිට වුණා.
අවසානයේ දූවිලි ඇල්ල උඩට අපි ළඟා වෙන කොට හවස තුනට කිට්ටු වෙල. එතැනදි දකින රූ දසුන් හරිම අපූරුයි. මිහිදුම අතරින් වල්පොලමුල්ල හුදෙකලා ගම්මානය, රිවස්ටන් , පිටවලපතන ඈතින් දකින්න පුලුවන් වුණා. දවල් බත්මුල් එතැනදි අවසන් කළා. දිය ඇල්ල අයිනෙන් ලිස්සා වැටෙන මග දිගේ දිය ඇල්ල පහළට අසීරුම ගමන. කැමරා, පටිගත කිරීමේ උපකරණ ආරක්ෂා කරගනිමින්. දිය ඇල්ල පහළට ගලාවැටුනෙ අදියර කිහිපයකට. තුන්වන අදියරට අපි ළඟා වෙනකොට අඳුර අපි වෙලා ගන්න පටන් අරන්. ආපසු දිය ඇල්ල උඩට ගිහින් වාඩියට යන්න පැය හතරක් පහක් ගතවෙනව. විසඳුම දිය ඇල්ල ළඟ ගල් තලාවක රාත්‍රිය ගතකරන එක. අපි ලඟ තිබුණ පුංචි කූඩාරම ඉඳිවෙනව. කූඩාරම අපි හත්දෙනාට උපකරණත් එක්ක යාන්තමට වාඩිවෙල ඉන්න ප්‍රමාණවත්.
අඳුරත් එක්ක වැටෙන්න පටන් ගත්ත සිරිපොද වැස්ස සීතල නාස්පුඩු අගට ගෙනවිත්…..දිය ඇල්ලේ හඬට වැසි වැටෙන හඬ යටපත් වෙල…. ආහාර හැටියට අපි ලඟ තිබුනෙ ක්‍රීම් ක්‍රැකර්, චීස් කෑලි කිහිපයක්, රට ඉඳි ටිකක් විතරයි. ඒව තිබුණේ මගේ බාරයේ. තීරණය… රාත්‍රිය ගලාහැලෙන දියඇල්ලෙන් බඩකට පුරවා ගැනීම. රාත්‍රිය පුරාම ඝන අන්ධකාරෙ එකිනෙකාට හේත්තු වෙල කුසගින්නෙ නිදිකිරා වැටෙමින් සීතල එක්ක සටන් කරමින්. දිය ඇල්ල වැටෙන හඬ, වැසි වැටෙන හඬ, සුළං හඬ, රැහැයි පළඟැටි හඬ සවන් අතරේ අරගල කරනව.
පහුවදා සීමිත ආහාර ප්‍රමාණය සමසේ බෙදා හැරෙනව. මිහිදුම් සළු අතරින් ගලාහැලෙන දූවිලි ඇල්ලේ රූ සිරි රූපවාහිනී කාචයේ සටහන් වෙනව. නිශාන්තගෙ හඬින් නකල්ස් චාරිකාවේ කැමරා කාචයට සටහන් කරගන්න අසීරු දුෂ්කරතා සංවේදීව ඔබ වෙත ගෙන දෙන්න උත්සාහයක.
දුම්බර වනපෙතේ චමත්කාරය වෙහෙස මහන්සිය නිවා දමල. දෑස් අග මැවෙන සිතුවම් අළුත් දවසකට, නැවුම් සිතුවිලිවලට ඉඩ හසර වෙන්කරල. සුදුසේලයක් සේ ගලාහැලෙන දූවිලි ඇල්ල පසු කරගෙන කිරිබණ්ඩයියාගේ වාඩියට පැය හතරක පහක දුෂ්කර ගමන පටන් ගැනෙනව .

මගේ බිරිඳ ධර්ම චක්‍ර‍යවත්, නැව් සුක්කානමවත් දන්නෙ නැහැ. එයා නිදහස් කරලා දෙන්න

එම්. ආර්. මසහිමා හසලක කොළොන්ගොඩ පදිංචි 47හැවිරිදි මුස්ලිම් කාන්තාවක්. ඇය අධි රුධිර පීඩනයෙන් සහ ඇදුමෙනුත් පෙළෙනවා. පසුගියදා මහියංගනය පොලිසිය හසලකදී ඔත්තුවක් මත ඇය අත්අඩංගුවට ගත්තේ ඇය ඇඳ සිටි ගවුමේ බුදු දහමට අපහාස වන පරිදි ධර්ම චක්‍ර‍යේ රුව ඇතුළත් ගවුමක් ඇඳ සිටියේ ය යන චෝදනාව මතයි. එහෙත්, මේ රූපය ධර්ම චක්‍ර‍ය නොව නැව් සුක්කානමක් බව බොහෝ අය විසින් පෙන්වා දෙනු ලැබුවා. එහෙත්, මසහිමා තවමත් ඉන්නේ අත්අඩංගුවේයි.
පහත දැක්වෙන්නේ ශමීලා යූසුෆ් අලි විසින් මසහිමාගේ සැමියා වන පෙදරේරුවරයකු යටතේ කුලී කම්කරුවකු ලෙස රැකියාව කරන අබ්දූල් මුනාෆ් සමග කරන ලද සම්මුඛ සාකච්ඡාවක පරිවර්තනයයි.
මොකක්ද වුණේ?
මම කොළඹ රස්සාව කරමින් හිටියෙ. මැයි 16දා එක පාරට ම මගේ බිරිඳ මහියංගනය පොලිසිය විසින් අත්අඩංගුවට ගෙන ඇති බව කියමින් මට කෝල් එකක් ලැබුණා. ඇය මොන වරදක් කරලා ද කියා මා දැන හිටියෙ නැහැ. මම කලින් දවසෙ ඇයට වියදමට සල්ලි යැව්වා. එයා අහිංසකයි. සනීපත් නැහැ.
ඔබ ඊළඟට කළේ මොකක් ද?
මම ඉක්මණින් ම බස් එකක නැගලා ගෙදර ආවා. එතකොටයි මම විස්තරේ දැනගත්තේ. කලින් දවසෙ ඇය හසලක ඉස්පිරිතාලෙට ගිහින් තිබුණා. වෙනදා වගේ ම ඇය අබායා එකක් (මුහුණ ආවරණය නොකරන) ඇඳගෙන ගිහින් තිබුණෙ. පාරෙදි මිනිසුන් ඇයට අබායා එක අඳින්න එපා කියා තර්ජනය කර තිබුණා.
ඊළඟ දවසෙ ඇය මා එවූ සල්ලි අරගන්නට බැංකුවට ගිහින් තිබුණා. මිනිසුන් කරදර කරන නිසා ඇය කෆ්තාන් වගේ ගවුමක් ඇඳගෙන ගිහින් තිබුණෙ. ඇය බැංකුවේ සිට ආපසු ගෙදර එනකොට ට්‍රැෆික් මෝටර් බයිසිකලයකින් පොලිස් නිලධාරියෙකු ගෙදර ඇවිත් තිබුණා. ඔහු මගේ බිරිඳට ඉස්සරහට එන්න කියලා ඡායාරූප අරගෙන.
ඔහු ඒ ෆොටෝ වට්ස්ඇප් මගින් පොලිසියට යැව්වාලු. විනාඩි 20කින් පොලිස් ජීප් එකක් ඇවිත් මගේ බිරිඳ අත්අඩංගුවට අරගෙන. පසුවදා ඇය අධිකරණයට ඉදිරිපත් කළා. දැන් ඇය මැයි 27දා දක්වා බදුල්ල බන්ධනාගාරයේ රිමාන්ඩ් කරලා.
එයා අහිංසකයි. එයාට මේ රටේ වෙන දේවල් එච්චර තේරෙන්නෙ නැහැ. අපි දුප්පත් මිනිස්සු. ඇයි මේ රාමසාන් මාසෙ කිසි වරදක් නොකර අපට හිරිහැර කරන්නෙ?
ඒ ගවුමෙ තිබුණෙ ධර්ම චක්‍ර‍යක් නෙමෙයි. සමහරු කියනවා ඒක නැව් රෝදයක් ය කියලා.
මගේ බිරිඳ ධර්ම චක්‍ර‍යවත්, නැව් සුක්කානමවත් දන්නෙ නැහැ. එයා නිදහස් කරලා දෙන්න.