හොරකම් ඇති බව පොඩි අයත් දනිති. හොරකම් අල්ලන හැටි කවුරුත් නො කියති.

නවතම ආර්ථික හා මුල්‍ය අපරාධ විමර්ශන විශේෂඥවරයා
බැඳුම්කර වංචාව වනාහි නීතියේ සිදුරුවලින් රිංගා ගහන ලද දැවැන්ත ගේමකි. එය අලුත් දෙයක් නො වේ. හිටපු මහ බැංකු අධිපති අජිත් නිවාඩ් කබ්රාල් ද මේ ගේමෙහි ඔස්තාද් කෙනෙකි. එන්ට්‍ර‍ස්ට්, ෆස්ට් කැපිටල්, පර්පෙචුවල් ට්‍රෙෂරීස් වැනි මුල්‍ය සමාගම් පසුපස ඔහුගේ ද සෙවණැල්ල තිබේ.

රජයට ණය දීම මේ වන විට ලංකාවේ මුල්‍ය වෙළඳපොළේ ප්‍ර‍ධාන ම ව්‍යාපාරයයි. සුළු හා මධ්‍ය පරිමාණ කර්මාන්තයක් ආරම්භ කරන්නට ව්‍යවසායකයෙකුට ණයක් ගැනීම පහසු නැත. බැංකු හා මුල්‍ය ආයතන මහජනතාවට සුළු පොළියක් ගෙවා ලබා ගන්නා තැන්පතු ඍජුව හා වක්‍ර‍ව රජයට ණය දීමට යොදා ගනියි. මේ රජය කෙතරම් පිළලයක් ද යන්න අමුතුවෙන් කියන්නට උවමනා නැත.

මහේක්ෂ ආර්ථික තලයේදී රජයේ ණය ගැනීම් කාලයක් තිස්සේ ම සිදු වෙමින් තිබුණේ පාරදෘෂ්‍ය ලෙස නො වේ. මෙය පුළුල් පදනමකින් විමර්ශනය කර සියලු වගඋත්තරකරුවන් නීතිය ඉදිරියට ගෙන ආ යුතු ය. හිටපු මහ බැංකු අධිපතීන් මෙන් ම මහ බැංකුවේ නිලධාරීන් රැසක් ද මේ අතරට වැටේ. ඒ වෙනුවෙන් ජනාධිපති කොමිෂමක් පත් කිරීම යුක්තියුක්ත ය.

2015 පෙබරවාරි බැඳුම්කර නිකුතුව සම්බන්ධයෙන් මූලික ගැටලු මතු වන්නේ අර්ජුන් මහේන්ද්‍ර‍න් හෝ වෙනත් නිලධාරියකු අභ්‍යන්තර තොරතුරු ලබා දුන්නා ද යන්න මතයි. එසේත්, නැතිනම් එම නිලධාරීන් නිසි වෘත්තිකභාවයෙන් කටයුතු නො කළ බවට චෝදනා කර විනය පියවර ගත හැකි වනු ඇත. එහෙත්, මේ කිසිවකින් මේ පාඩුව පියවා ගත නො හැකි ය.

සමාගමක ලාභය ක්ෂණිකව කීපගුණයකින් වැඩි වීම වැලේ වැල් නැතුව සිටි විමල් හිටිහැටියේ මහා ධන කුවේරයකු වීම වැනි දෙයක් නො වේ. දේශපාලකයන් මෙන් නොව, සමාගම් තිබෙන්නේ ලාභ ලබන්නට ය. ලාභ ලැබුවේ ඇයිදැයි සමාගම්වලින් අහන ආණ්ඩුවේ හා විපක්ෂයේ දේශපාලකයන් ආර්ථිකය ගැන කිසිවක් දන්නා අය විය නො හැකි ය. මෙවැනි බහුබූත දේශපාලකයන් නිසා තෙල් මිළ දී ගැනීමේ හෙජිං ගිවිසුම නිසා සිදු වූ පාඩුවට අමතරව, ගිවිසුමට අනුකූලව කටයුතු නො කිරීම හේතුවෙන් සමාගම්වලට වන්දි ගෙවන්නටත් සිදු වූ බව නැවත මතක් කර දිය යුතු ය.

ලංකාවේ දේශපාලකයන් තරමට ම රජයේ නිලධාරීන් ද විකාරකාරයෝ ය. බොහෝ දෙනෙකු මහා පොරකැයි සිතා සිටියත් රජයේ නිලධාරියකු වන විගණකාධිපති ගාමිණී විජේසිංහ කටයුතු කරන්නේ තනිකර ම විපක්ෂ දේශපාලකයකු සේ ය. ඔහු වනාහි මෙම සිදුවීම සම්බන්ධයෙන් නිසි පරීක්ෂණයක් නො කළ තවත් එක් නිලධාරියෙකු පමණි. ඔහු ද වංචාවක් ඔප්පු කිරීම සඳහා සාක්ෂි සොයාගෙන නැත. ඔහුගේ වාර්තාව ද, එය පදනම් කරගෙන වාර්තාවක් සපයන කෝප් කමිටුව ද ඇත්තෙන් ම මෙම වංචාවෙන් ගැලවෙන්නට උපයෝගී කර ගත හැකි ඒවා මිස වංචාව ඔප්පු කළ හැකි ලේඛන නො වේ. රජයේ නිලධාරීන් යනු දේශපාලකයන්ට මුවා වී සිටින දේශපාලකයන්ටත් වඩා දූෂිත, නාස්තිකාර පිරිසකි. දේශපාලකයන්ට නම් අවුරුදු කීපයකට පසු හෝ ජනතාවට වගකියන්නට සිදු වේ. රජයේ නිලධාරීන් කිසිදු කලෙක කිසිවකුට වග කියන්නේ නැත. 

මෙවැනි සොරකම් නීතියෙන් ඇල්ලිය නො හැකි ය. එහෙම අල්ලන්නට පුළුවන් නම්, පසුගිය ආණ්ඩුවේ ජනාධිපති මහින්ද රාජපක්ෂගේ සිට වර්තමාන ජනාධිපති මෛත්‍රීපාල සිරිසේන දක්වා ම හා වර්තමාන ආණ්ඩුවේ බොහෝ දෙනෙකුත් සිටිය යුත්තේ වැලිකඩ ය. 

මහ බැංකුවේ හොරකමක් සිදු වූ බව කවුරුත් දනිති. එසේම, රාජපක්ෂ පවුල හා ඔවුන්ගේ ඇම්බැට්ටයන් හොරකම් කළ බවත් කවුරුත් දනිති. වර්තමාන ආණ්ඩුවේත් ඒවා සිදු වන බවත් කවුරුත් දනිති. එහෙත්, මේ හොරකම් අල්ලන හැටි කවුරුත් නො දනිති. 

ලංකාව වනාහි අපරාධ සම්බන්ධයෙන් චෝදනා ලබන්නන්ගෙන් 5%කට අඩු සංඛ්‍යාවක් පමණක් හිරගත වන සමාජයකි. අපි හැමෝ ම කරන්නේ නීති කඩන එක ය. නීතියෙන් රිංගා යාම ගැන විශේෂඥයන් වන අපි නීතියේ පැටලුණු විට පමණක් සමාජ ක්‍ර‍මයට බනින්නට පුරුදු වී සිටිමු. 

මෙතන තිබෙන්නේ දේශපාලකයන්ගේ හෝ නිලධාරීන්ගේ හෝ පමණක් අවුලක් නො වේ. සමස්ත සමාජ ක්‍ර‍මයේ ම අවුලකි. අවුල වෙන මොකක්වත් නොව, අප හැමෝ ම හොරුන් වීමයි. ලාභය අපේ ආගම වීමයි. විමානය ඉතින් යකාගේ හැටියට ය.

ඔබගේ අදහස් අපි මහත් සේ අගයමු. නිර්නාමිකව හෝ අදහස් පළ කිරීමට අවස්ථාව ලබා දී තිබෙන්නේ එම නිසා ය. එහෙත්, එය අපහරණය නො කිරීම ඔබ‍ගේ වගකීමකි. අසභ්‍ය යයි සාමාන්‍ය ව්‍යවහාරයේ පිළි ගැනෙන වචන සම්බන්ධයෙන් සදාචාරවාදී නො වන මුත්, අනුන්ට අපහාස කිරීම සඳහා එවැනි වදන් භාවිතා කර තිබෙන අවස්ථාවලදී ඒවා ඉවත් කිරීමට සිදු වන බව කරුණාවෙන් සලකන්න. එසේම, නීතිමය ගැටලු මතු කරන අදහස් පළ කිරීම් ද ඉවත් කරනු ලැබේ. අදහස් පළ කිරීම සම්බන්ධ කාරණාවලදී සංස්කාරක වගකීම් සමග සහයෝගයෙන් කටයුතු කිරීම බලාපොරොත්තු වෙමු.

Comments

  1. හාන්දුරුවෝ ශ්‍රී පුකෙන් දේශණා කොරන්න පටන් අරගෙන හිටන්...

    ReplyDelete
    Replies
    1. http://maathalan.blogspot.com/2017/01/blog-post_56.html

      Delete
  2. සිරිකොත පිංගුත්තරJanuary 26, 2017 at 1:43 PM

    අවසරයි හාමුදුරුවනේ,
    රෝයල් එකේ මහත්වරු හොරකම් කලාට පව් නෑලූ.
    ශ්‍රි ලංකාව රාජකීය විදුහල් ආදීශිෂ්‍ය සංගමයෙ බූදලයක්නෙ,මීමුරේ කනිස්ටෙට ගියපු අපිට විතරයි නිති.

    ReplyDelete
  3. ශ්‍රි ලාංකික ගැහැනුන් මැදපෙරදිග වහල්ලු උනේ කොහොමද?
    ශ්‍රි ලාංකික පිරිමින් බෝට්ටු වලින් රටින් පනින්නෙ ඇයි?
    ශ්‍රි ලංකාවේ ජනගහනයෙන් 48% දිනකට රු.300 අඩු ආදායමක් ලබන්නේ ඇයි?
    ශ්‍රි ලංකා‍වේ දරුවන්ගෙන් 35% මන්ද පෝෂණයෙන් පෙලෙන්නෙ ඇයි?
    ශ්‍රි ලංකාවේ පාසල් 50ක විතරක් අධ්‍යාපනය පවතින්නේ කොහොමද ?
    ශ්‍රි ලංකාවේ රාජ්‍ය සේවය අකාර්යක්ෂම ඇයි?
    ශ්‍රි ලංකාවේ රෝගින්ට වග නොවන සෞඛ්‍යය සේවයක් බිහිවුයේ කෙසේද?
    ශ්‍රි ලංකාවේ මාර්ග වල මිනිසුන් මෙතරම් මියයන්නේ ඇයි?
    ශ්‍රි ලංකාවේ මිනිස්සු ප්‍ර‍යිවට් බස් කන්ඩක්ටර්ලගෙන බැනුම් අසන්නෙ ඇයි?
    ශ්‍රි ලංකාවේ මිනිස්සු දුම්රියේ මිරිකෙමින් ගමන් කරන්නේ ඇයි?
    ශ්‍රි ලංකාවේ මිනිස්සු පහසුවෙන් රැවටීමට හැකි වන්නේ ඇ‍යි?
    ශ්‍රි ලංකාවේ පාර්ලිමේන්තුවේ 90% වැඩි පිරිසක් දූෂිතයන් වුයේ කෙසේද?
    ශ්‍රි ලංකාවේ ආබාධිත සෙබළුන් උපවාස කරන්නේ ඇයි?
    ශ්‍රි ලංකාවේ නීතිය නැමිය හැකි වන්නෙ ඇයි?


    DS සමග හොරු,SWRD සමග හොරු,ඩඩ්ලි සමග හොරු,සිරිමා සමග හොරු,JR සමග හොරු, ප්‍රේමදාස සමග හොරු,DB සමග හොරු,චන්ද්‍රිකා සමග හොරු,රනිල් සමග හොරු,මහින්ද සමග හොරු,රනිල් -මෛත්‍රි සමග හොරු සහ LTTE සහ JVP ත්‍ර‍ස්තවාදීන් ලංකාවේ පොදු ජන මුදල් රුපියල් ට්‍රිලියන ගනනක් විනාශකිරීම සහ ඒම ක්‍රියාවලිය තුල ඇති වු සමාජ පරිහානිය ඉහත ප්‍ර‍ශ්න සියල්ලට හේතුවයි.

    ශ්‍රි ලාංකිකයන්ට කැබිලිත්තදෙවි පිහිටයි!

    ReplyDelete
    Replies
    1. සුද්දගෙ කාලෙ දේශපාලුවන්ගෙ, නිලධාරින්ගෙ හොරකම් ගැන වාර්තා වෙලාම නැද්ද හැබෑට ?

      Delete
    2. පරසුද්දා රට දාල ගියාට පස්සේ අභිමානවත් ශ්‍රි ලාංකිකයන් අපේකම පෙරදැරිව අවුරුදු 69ක් රට සුද්ද කරපු තරම වාර්තා කොලාම මදෑ.

      * ශ්‍රි ලංකාවේ ප්‍ර‍භල දේශපාලකයින් ඇමෙරි කානූ පුරවැසියන් වන්නේ ඇයි?

      Delete
  4. හොරු ඇඳගෙන-අපි හෙලුවෙන්......අපිත් ඇඳගමු.

    ReplyDelete
  5. ලොකු එවුන් අවංක වුනොත් උන් අපේ හොරකමුත් නවත්තන්න එයිනේ, එහෙම වෙන්න දෙන්නේ කොහොමද?

    ReplyDelete
  6. පැරා ඉකොනොමැට්ටගේ බැදුම්කර සීරීස් එක කියෙව්වේ නැතෙයි?

    ReplyDelete
  7. බැඳුම්කරේ.... මාර්තු 2 වනවිට බිලියන 13.5ක් සොයාගැනීමට මුදල් අමාත්‍යාංශය මහා බැංකුවට උපදෙස් දි තිබුණා.එහෙම දැනුම් දුන්නේ මසකට කලින්.පෙබරවාරි 27 වනවිට සොයාගන්නට පුළුවන් උනේ බිලියන 3.5 පමණයි. වෙන විකල්පයක් නැති නිසා ඉතිරි බිලියන 10 ගැන තිබුණ එකම බලාපොරොත්තුව මේ බැඳුම්කරේ කතන්දරේ. බිලියන 13.5 ක් උවමනා නම් මාසයක් ගතවෙලත් ලැබුනේ බිලියන 3.5 නම් ඒ ගැන හොයන්න තිබුනා නේද?. වංචාව ගැන සැකය මතුවන්නේ එතනින්.සම්පුර්ණ විස්තරය සඳහා බලන්න (නඩුව -Arjuna Mahendran's ITN interview with Mahesh Senanayaka තත්පර 34.50 සිට)

    ReplyDelete
  8. ලංකාවෙ මිනිස්සු 6200000 මහින්දට හා කෙලවනකන් බලාගෙන ඉන්නවා,තව 5800000 ක් රනිල් මෛත්‍රිට කෙලව‍ෙනකන් බලාගෙන ඉන්නවා.මහින්ද නාමල් රනිල් රවි එකි නොකී සියල්ලගෙම යාළුවා ඇලෝසියස් රුපියල් 10,000,000,000.00 මහජන මුදල් මාස 10න් තමන්ගෙ ගිණුමට ගන්නව. ඒ සල්ලි වැට‍ෙන මිඩියා වල වැඩට යන්න අපේ රටෙ මාර සම්පතක් වන කෘතහස්ත මාධ්‍යයවේදීන් රැවුල් වවනව,දත්මදිනව, කන්නාඩි ගන්නව...කෘතහස්ත මාධ්‍යයවේදිනියන් ඩයට් කරනව, සැලෝන් යනවා,ජිම් යනවා... මාරයි ඕයී. පැරා ට්‍ර‍යිකලේ නැතැයි.

    ReplyDelete
  9. Most Yahapalana Toyyan want to investigate Rajapaksa's only. They don't see the current situation (or rather don't want to see)Why are we down in corruption index in Yahapalana? What have Yahapalana achieved so far to reduce corruption and to investigate past once? Where to next? Same old same old. Sirisena is getting ready for next election and start shifting the blame elsewhere. Yes, I think Sirisena will do better next time with SLFP govt and few UNP who will lose seats in election. Budu Sarani.

    ReplyDelete
  10. "බොහෝ දෙනෙකු මහා පොරකැයි සිතා සිටියත් රජයේ නිලධාරියකු වන විගණකාධිපති ගාමිණී විජේසිංහ කටයුතු කරන්නේ තනිකර ම විපක්ෂ දේශපාලකයකු සේ ය. ඔහු වනාහි මෙම සිදුවීම සම්බන්ධයෙන් නිසි පරීක්ෂණයක් නො කළ තවත් එක් නිලධාරියෙකු පමණි. ඔහු ද වංචාවක් ඔප්පු කිරීම සඳහා සාක්ෂි සොයාගෙන නැත. ඔහුගේ වාර්තාව ද, එය පදනම් කරගෙන වාර්තාවක් සපයන කෝප් කමිටුව ද ඇත්තෙන් ම මෙම වංචාවෙන් ගැලවෙන්නට උපයෝගී කර ගත හැකි ඒවා මිස වංචාව ඔප්පු කළ හැකි ලේඛන නො වේ."

    වංචාවක් අධිකරණයේ ඔප්පු කිරීම සදහා විගණකවරයා සාක්ෂි සොයා ගැනීම සිදු කිරීමට අවශ්‍ය නැත. එය සිදු කල යුත්තේ පොලිසියයි. විගණකවරයා කරන්නේ විගණන සාක්ෂි මත වාර්තාවක් සැපයීමයි. එම වාර්තාව පදනම් කරගෙන අදාල සිද්දි සම්බන්ධයෙන් වැඩි දුර විමර්ශන කිරීම හෝ නොකිරීම තීරණය කිරීම ඔහු වාර්තාව සපයන ඉහල නිලධාරීන් තීරණය කල යුතුය.
    විගණකවරයෙක් තම විගණන ක්‍රියාදාමය සිදු කරන්නේ තම ව්ත්තිය හා ආචාර ධර්ම පද්ධතියකට යටත්වයි. අභ්‍යන්තර පාලනයේ පවතින දුර්වලතා හා අවදානම් හදුනා ගෙන ඒවා මගින් විය හැකි වංචා පිලිබදව ඉහල නිලධාරීන් දැනුවත් කිරීම වාර්තාවක් මගින් බොහෝ විට සිදුවේ.


    ReplyDelete
  11. හොරකමි කිරීමෙී ක්‍රම නැත් කරන්නට කිසිම පාලකයෙක් කැමත් නෑ මොකද හැම එකාම හොරකමි කරන්න කැමතියි. නමුත් හොරකමි කරන්න මගක් නොමැති එකා මාර සුචරිතවාදියො.හොරකම නැකි කරන්න බොරැවට කෑ ගහනවා.අපේ රටට ටෞකණ්ඩ දෙවි පිහිටයි.

    ReplyDelete

Post a Comment

මාතෘකාවට අදාළ නැති හා වෛරී අදහස් ඉවත් කිරීමට ඉඩ ඇති බව කරුණාවෙන් සලකන්න.

Popular posts from this blog

තේරවිලි: සුපුන් සඳක් ඇත. මැදින් හිලක් ඇත.

පාසල් අධ්‍යාපනය ගැන කතා තුනක්

හමුදා කුමන්ත්‍රණ ගැන ලෝකෙට දුරකථනයෙන් කිව්වෙ බීලා වෙන්න ඇති -ෆොන්සේකා