දීපාල් සිල්වාගේ ආනන්ද භවන් ගීතයේ පසුබිම් කතාවක්

දීපාල් සිල්වාව අපි වින්දෙ වෙන ම තලයක. ඒ නිසා අපි මේ ගීයත් රස විඳිනවා. ඒකෙ ඇතුළෙ තියෙන දේශපාලනයට අපි ගරු කරනවා.



ඒත්, කරුණාරත්න අමරසිංහ සූරීන් මේ ගැන මතු කරපු කාරණයකුත් ඇත්තෙන් ම නො සලකා හරින්න බැහැ. ඔහු කීවේ දීපාල් සිල්වා විසින් විකෘති කරනු ලැබුවේ ඉතා සම්භාවනීය හින්දි ගීයක් බවයි.

මෙම ගීයේ මුල් ගීතය අඩංගු වුණේ 1943දී තිරගත වුණ කිස්මට් නම් චිත්‍රපටයේයි. එය ගායනා කළේ අමීර්බායි කර්නාටකී නම් කන්නඩ ගායිකාව හා නිළියයි. මහාත්මා ගාන්ධි පවා ඇගේ ගීවලට ඇලුම් කළ බව කියැවෙනවා. මේ ගීයේ නිර්මාපකයා අනිල් බිස්වාස්. මෙය ක්‍රිෂ්ණා වෙනුවෙන් ගයන බැති ගීයක්.



මේ ගීයේ මුල් අරුතට ආසන්න වන පරිදි සිංහලෙන් කළ මුල් කාලීන බොදු බැති ගීයක් තමයි මහ බෝධි මුලේ. යූ.ඩී. පෙරේරා ලියූ නිල් පාටින් දක්වා ඇති පද ටිකෙහි සුන්දරත්වය බලන්න.

මහ බෝධි මුලේ විදුරස්නේ රැස් විහිදෙන්නා
මහ සාත් තුමාණෝ විදුරස්නේ වැඩ ඉන්නා

රාසී සදෙව් ලො සුරනා ගුණ ගීත නාද දී
අහසේ සුරංගනාවෝ මනරම් රැඟුම් දි දී
පුදනා සඳේහි දෙව් ලෝ මල් වැස්ස වහින්නා
මහ සාත් තුමාණෝ විදුරස්නේ වැඩ ඉන්නා

වෛශාඛ්‍ය චන්ද්‍ර කාන්ති සුරම් මලානීක වී
ශ්‍රී කාන්ති පානා තිලොවේ ඒකාලෝක වී
නව නීල පීත ආදී බුදු රැස් විහිඳෙන්නා
භගවත් භගවත් භගවත් භගවත්
මහසත් සව් කෙළෙසුන් පරදන්නා

සංසාර ජාති ජාති පිරූ උතුම් පාරමී
ගම්භීර ඥාණ මහිමෙන් ලෝ නාථ මා හිමී
තුන් ලෝ නාථ මා හිමී
ජගදේක මහා මංගල වෙසඟේ සුපසන්නා
භගවත් භගවත් භගවත් භගවත්
මහසත් සම්බුදු වී වැඩ ඉන්නා

රචනය - යූ.ඩී පෙරේරා
සංගීතය - මොහොමඩ් ගවුස්
ගායනය - එම්.බී ජොහොර්ෂා

(පදමාලාව ගත්තේ මෙතැනින්)



ඊටත් පසු කාලෙක විජය කුමාරතුංග මේ තනුව ඇසුරෙන් ගීයක් මේ ආකාරයෙන් මහ ශාක්‍ය කුලේ ලෙස ගැයුවා.



වසන්තා සන්දනායක ගායනා කරන නොකියාම එදා ගීතයේත් තනුව මේකමයි. පද රචනය මෙතැනින්




ඔබගේ අදහස් අපි මහත් සේ අගයමු. නිර්නාමිකව හෝ අදහස් පළ කිරීමට අවස්ථාව ලබා දී තිබෙන්නේ එම නිසා ය. එහෙත්, එය අපහරණය නො කිරීම ඔබ‍ගේ වගකීමකි. අසභ්‍ය යයි සාමාන්‍ය ව්‍යවහාරයේ පිළි ගැනෙන වචන සම්බන්ධයෙන් සදාචාරවාදී නො වන මුත්, අනුන්ට අපහාස කිරීම සඳහා එවැනි වදන් භාවිතා කර තිබෙන අවස්ථාවලදී ඒවා ඉවත් කිරීමට සිදු වන බව කරුණාවෙන් සලකන්න. එසේම, නීතිමය ගැටලු මතු කරන අදහස් පළ කිරීම් ද ඉවත් කරනු ලැබේ. අදහස් පළ කිරීම සම්බන්ධ කාරණාවලදී සංස්කාරක වගකීම් සමග සහයෝගයෙන් කටයුතු කිරීම බලාපොරොත්තු වෙමු.

Comments

  1. /////කරුණාරත්න අමරසිංහ ශූරීන් මේ ගැන මතු කරපු කාරණයකුත්.../////

    "ශූරීන්" කියලා වචනයක් සිංහලයේ නැහැ....

    තියෙන්නේ සූරීන් කියලයි.

    ReplyDelete
  2. ඔය මුල් සම්භාව්‍ය ගීතය මොකක් උනත් දීපාල් සිල්වාගෙ අහිංසක 'සින්දුව' ලන්කාවෙ සම්භාව්‍ය කියන දේශකයින්ට වඩා ලන්කාවෙ දුප්පත් සින්හල මිනිහට ජාතිවාදයේ අරුත්සුන් බව පෙන්වන්න උපකාර උනා කියල මම හිතන්නෙ

    ReplyDelete
  3. විකෘති කලා කියන එක එච්චර හරි නෑ. වෙනම සින්දුවක්නෙ කිව්වෙ.

    ReplyDelete
    Replies
    1. ආනන්ද භවන් කියල වෙන සින්දුවක් තිබුනා. ඒකෙ පද වෙනස් කරල තමා දීපාල් මේ සින්දුව හදාගෙන තියෙන්නෙ.

      Delete
  4. ඇත්තයි බෙහෙතුයි දෙකම තිත්තයි...
    - පැරා -

    ReplyDelete
  5. මුල් ගැයුමට පාදක වන්නේ භෛරවී රාගය බව කියවා ඇත්තෙමි.

    ReplyDelete
    Replies
    1. පැරා,

      පහත පද මාලාව හුඟක් පරණයි වගේම ඒකෙ තියෙන්නෙත් ඔය melody එක නේද?

      “සිරි සාලවනේ එකමත් එක අලියෙක් සිටියා
      ඒ අලියට ගව්වක් දිග _ _ _ ක් තිබුණා
      ඒ අලියට මිතුරෙක් වුන වඳුරෙක් සිටියා
      දවසක් දා මේ අලියට _ _ _ න හිතුනා”

      Delete
    2. අලිය උස්සල දෙනවා - වඳුර පද්දල දෙනවා
      ..........
      අලි .. තේ අපි තැලෙතේ වඳුරට හිතුනා

      Delete
  6. සිංහල ජාතිවාදය ඍජුවම විදිහට විවේචනය කරන ගීත සිංහල සමාජයේ කිසිම ප්‍රශ්නයක් නැතුව ජනප්‍රිය වෙනවා. දෙමල ජාතිවාදය දිහා ස්වයං විවේචනාත්මක දෘෂ්ටිකෝණයෙන් නිර්මාණ ඔවුන් අතරින් බිහිඋනාද කියල දන ගන්න කැමතියි.

    ReplyDelete
  7. කරුණාරත්න අමරසිංහගේ 'සූරීන්ගේ' 'විකෘති' කිරීම යන වචනයේ දේශපාලනය නොතකා හැරියේ කොහොමද? සම්භාව්‍ය ගීතයේ සහ භෞරවී රාගයේ සුජාත භාවය ප්‍රශ්න කිරීම කියන 'විකෘති' කිරීම තමයි මේ ගීතයේ වටිනාකමක් තියෙනව නම් ඊට හේතුව.

    ReplyDelete
  8. This comment has been removed by a blog administrator.

    ReplyDelete
    Replies
    1. This comment has been removed by a blog administrator.

      Delete
    2. This comment has been removed by a blog administrator.

      Delete
  9. This comment has been removed by a blog administrator.

    ReplyDelete
  10. බ්ලොග් ලෝකයේ හෝ දේශපාලන අවකාශයේ අපට කා සමගවත් තරග කිරීමේ උවමනාවක් නැත. අප කරන්නේ කිසියම් බුද්ධිමය සංවාදයක් කාටත් තේරෙන භාෂාවෙන් කිරීමට උත්සාහ කිරීමයි.

    අනෙක් පැත්තෙන් මට කමෙන්ට් ගොඩක් එකතු කර ගන්නට අවශ්‍යතාවක් ද නැත.

    ඔබට වෙන අයත් සමග වැදගත් අදහසක් බෙදා ගැනීමට ඇත්නම් එයට මෙහි පූර්ණ නිදහස තිබේ.

    තේරුමක් නැති තරගවලට, තරහ මරහවලට මින් ඉදිරියට මෙහි ඉඩ නො දෙන නිසා ඔබේ ඩේටා නාස්ති වීම ගැන මගේ මෙව්ව එක. සමාවෙන්න.

    ReplyDelete
    Replies
    1. This comment has been removed by a blog administrator.

      Delete
  11. This comment has been removed by a blog administrator.

    ReplyDelete
  12. This comment has been removed by a blog administrator.

    ReplyDelete

Post a Comment

මාතෘකාවට අදාළ නැති හා වෛරී අදහස් ඉවත් කිරීමට ඉඩ ඇති බව කරුණාවෙන් සලකන්න.

Popular posts from this blog

තේරවිලි: සුපුන් සඳක් ඇත. මැදින් හිලක් ඇත.

පාසල් අධ්‍යාපනය ගැන කතා තුනක්

හමුදා කුමන්ත්‍රණ ගැන ලෝකෙට දුරකථනයෙන් කිව්වෙ බීලා වෙන්න ඇති -ෆොන්සේකා