2015-07-03

මෛත්‍රී අරගලය පාවා දුන්නා යයි කීමට ඉක්මණ් නො විය යුතු ය

අග්ගල කං ඩෝං පුතා - හෙලේ නගිං ඩෝං පුතා
සුසිල් ප්‍රේම ජයන්ත එක්සත් ජනතා නිදහස් සන්ධානය මහින්දට පාවා දීම ගැන පුදුම විය යුතු නැත. එය කලින් ද ආරංචි වී තිබුණු දෙයකි.

ජුලි 01දා මහින්දගේ මැදමුලන රැස්වීම අසාර්ථක ය. එයට මන්ත්‍රීවරු 20කට වඩා ආවේ නැත. සෙනග ද දාහක්වත් නැත. මහින්ද කියූ දෙයක් ද නැත.

ඓතිහාසික මැදමුලන ප්‍රකාශය පුස්ස බින්දා වැනි ය.

එවැනි තත්වයක් තුළ මහින්දට දේශපාලන පණ කෙන්ද ගැට ගසා ගන්නට නම් අතේ තියෙන සල්ලි වීසි කර අවශ්‍ය පුද්ගලයන් මිළ දී ගෙන හෝ වෙනත් ගේමක් ගසා හෝ මෙවැනි අන්තයකට බලවේග තල්ලු කර ගැනීමට සිදු වේ. මේ සිදු වූයේ එයයි. මහින්ද එක්සත් ජනතා නිදහස් සන්ධානයෙන්, බුලත් කොළයෙන් සිය චෞර පිරිස මැතිවරණයට ඉදිරිපත් කරනවා ඇක. එය ඔහුගේ පැත්තෙන් ගත් විට අවසාන ජයග්‍රහණය වනු අැත.

ශ්‍රීලනිපය මහින්දගෙන් ගැලවිය යුතු ය. ඒ වෙනුවෙන් එක්සත් ජනතා නිදහස් සන්ධානය වැනි ලොකු මිළක් ගෙවන්නට සිදු වුණත් එය නරක තත්වයක් නො වේ. මහින්ද සමග යන්නට කැමති සොරුන් සියල්ලට ම යන්නට දිය යුතු ය.

මහින්දට ඔහුගේ මජර, දූෂිත ක්‍රමය රැකගැනීමේ සටන කරගෙන යන්නට ඉඩ දිය යුතු ය. දැන් ඒ ගැන විස්සෝප නො විය යුතු ය. එය දේශපාලනිකව විග්‍රහ කරගෙන වඩාත් හොඳ ප්‍රතිඵලය වෙත තල්ලු වීමට උත්සාහ කළ යුතු ය.

මහින්දට බුලත් කොළයෙන් ඡන්දය ඉල්ලන්නට ඉඩ දී ශ්‍රීලනිපය අලුත්, පිරිසිදු පිරිසක් සමග වෙනම අතෙන් තරග කළ යුතු ය. නැතිනම්, වඩා ප්‍රගතිශීලී සන්ධානයක් වෙත යාමට දිරි ගැන්විය යුතු ය.

සුසිල් ප්‍රේමජයන්ත සමග එක් වී මහින්ද ශ්‍රීලනිපය කැඩුවේ ය. එහි වගකීම ඔහුට දී ජනාධිපතිවරයා හා ශ්‍රීලනිපයේ ප්‍රගතිශීලී පාර්ශ්වය බේරා ගත යුතු ය.

මෛත්‍රී අරගලය පාවා දුන්නා යයි කීමට ඉක්මණ් නො විය යුතු ය.

මෙතන අවුලක් නැතිනම් සුසිල්ට මෙච්චර ඩෝං මොක ද?

"මගෙන් කුණුහරුප අහගන්න එපා" - සුසිල් ප්‍රේම්ජයන්ත මාධ්‍යවේදින්ට කියයිJust In: Last nights meeting was a private one- Susil PremajayanthaRead More:http://goo.gl/MgmXrV
Posted by Newsfirst.lk on Friday, July 3, 2015
මේ ලිපිය වෙන අයත් එක්කත් බෙදා ගන්න. උපුටා ගන්නවා නම් ‍මෙතැනින් ගත් බව කියන්න

ඔබගේ අදහස් අපි මහත් සේ අගයමු. නිර්නාමිකව හෝ අදහස් පළ කිරීමට අවස්ථාව ලබා දී තිබෙන්නේ එම නිසා ය. එහෙත්, එය අපහරණය නො කිරීම ඔබ‍ගේ වගකීමකි. අසභ්‍ය යයි සාමාන්‍ය ව්‍යවහාරයේ පිළි ගැනෙන වචන සම්බන්ධයෙන් සදාචාරවාදී නො වන මුත්, අනුන්ට අපහාස කිරීම සඳහා එවැනි වදන් භාවිතා කර තිබෙන අවස්ථාවලදී ඒවා ඉවත් කිරීමට සිදු වන බව කරුණාවෙන් සලකන්න. එසේම, නීතිමය ගැටලු මතු කරන අදහස් පළ කිරීම් ද ඉවත් කරනු ලැබේ. අදහස් පළ කිරීම සම්බන්ධ කාරණාවලදී සංස්කාරක වගකීම් සමග සහයෝගයෙන් කටයුතු කිරීම බලාපොරොත්තු වෙමු.