නියෝජ්‍ය ඇමති හේමාල් හා කොස්තාපල් සුමින්ද

මේ පත්තර කෑල්ල මව්බිමෙනි. මේ අර මහින්ද රාජපක්ෂ ජනාධිපතිගේ අම්මාගේ පැත්තෙන් ළඟ නෑයකු වූ නියෝජ්‍ය ඇමති හේමාල් ගුණසේකර විසින් යොදවන ලද මැර පිරිසක් විසින් පහර දෙනු ලැබුවා යයි කියනු ලබන පොලිස් කොස්තාපල් සුමින්ද සමන්ගේ සම්මුඛ සාකච්ඡාවක කොටසකි.

මෙය කියවන විට මට නම් හිතෙන්නේ මේ පුද්ගලයාට පහර දී තිබෙන්නේ ද ඔහු අයත් ආයතනයේ කට්ටිය ම ද කියා ය. එසේ සිතෙන්නේ මේ ජවනිකාවේ විකට ස්වභාවය අනුවයි. 

ඇමති හේමාල් ගුණසේකර කියන්නේ මෙම පොලිස් නිලධාරියා විසින් ම එම පහර දීම නිර්මානය කරගෙන තිබෙන බවයි. එහි අරමුණ විදෙස් රටක දේශපාලන රැකවරණ ලබා ගැනීම බව ඔහු නඟන චෝදනාවයි. 

දේශපාලකයා මෙන් ම පොලිස් නිලධාරියා ද යනු විශ්වාස කටයුතු පුද්ගලයෝ නො වෙති. එක වල්ලේ පොල් යයි කීවත් වරදක් නැත. 

දේශපාලකයා තමන් ගණන් නො ගත් පොලිස් නිලධාරියාට පිරිසක් ලවා පහර දී දැන් අහිංසක චරිතයක් රඟපානවා වෙන්නට පුළුවන. 

පොලිස් නිලධාරියා ද අර කිව්වා වගේ ම දේශපාලන රැකවරණ වෙනුවෙන් නාට්‍යයක් රඟ දැක්වූවා වෙන්නට ද පුළුවන. 

ලංකාවේ දේශපාලකයන් මෙන් ම ජනතාව ද එක සේ දූෂිත ය. දේශපාලකයෝ මහජන මුදල් සූරා කා සිය දරු මල්ලන් වෙනුවෙන් විදෙස් රටවල දේපල මිළ දී ගනිති. 

ජනතාව ද විවිධ අපරාධකරුවන් දේශපාලනය සඳහා පත් කරමින්, තම දරු මල්ලන් ඔවුන්ගෙන් බේරා ගැනීම පිණිස මොකක් හෝ ජිල්මාට් එකක් දමා රට පැන ගැනීමට යත්න දරති. 

මේ දෙගොල්ලන් ම සොයන්නේ මේ රටේ නැති අනාගතයයි. දෙගොල්ලන් ම කරන්නේ මේ රටට අනාගතයක් නැති කිරීමයි. 

මේ ලිපිය වෙන අයත් එක්කත් බෙදා ගන්න. උපුටා ගන්නවා නම් ‍මෙතැනින් ගත් බව කියන්න

ඔබගේ අදහස් අපි මහත් සේ අගයමු. නිර්නාමිකව හෝ අදහස් පළ කිරීමට අවස්ථාව ලබා දී තිබෙන්නේ එම නිසා ය. එහෙත්, එය අපහරණය නො කිරීම ඔබ‍ගේ වගකීමකි. අසභ්‍ය යයි සාමාන්‍ය ව්‍යවහාරයේ පිළි ගැනෙන වචන සම්බන්ධයෙන් සදාචාරවාදී නො වන මුත්, අනුන්ට අපහාස කිරීම සඳහා එවැනි වදන් භාවිතා කර තිබෙන අවස්ථාවලදී ඒවා ඉවත් කිරීමට සිදු වන බව කරුණාවෙන් සලකන්න. එසේම, නීතිමය ගැටලු මතු කරන අදහස් පළ කිරීම් ද ඉවත් කරනු ලැබේ. අදහස් පළ කිරීම සම්බන්ධ කාරණාවලදී සංස්කාරක වගකීම් සමග සහයෝගයෙන් කටයුතු කිරීම බලාපොරොත්තු වෙමු. Read in English blog.parakum.com