'පවුලට එරෙහිව රට' අරගලය අද දියත් වේ | 'Country against family' struggle launched today

(2010 සැප්තැම්බර් 08, W3Lanka) විධායක ජනාධිපති ක්‍රමයේ නරක පිළිබඳ හොඳ ම උදාහරණය වන්නේ මහින්ද රාජපක්ෂ නම් පුද්ගලයාගේ හා ඔහුගේ අධි උන්නතිකාමී පවුල් අපේක්ෂා වෙනුවෙන් දිගට ම බලයේ රැඳී සිටීම හා ඒකාධිපති බලතල පවරා ගැනීම පිණිස මහජන කැමැත්ත යයි කියා දෙයක් විකෘති අන්දමින් නිර්මානය කර ගන්නා නාටකයේ මේ දිනවල රඟ දැක්වෙන උදාහරණයි. 


මුදල්, බලාපොරොත්තු, පොරොන්දු, බලපෑම්, හෘදය සාක්ෂියට එරෙහිව කටයුතු කළොත් සිදු වන විපාක ගැන බියවැද්දීම්, ඉච්ඡා බස්, චාටු කතා, උපන් දින කේක් ආදිය හරහා මහජන නියෝජිතයන් මැතිවරණවලදී ඔවුන්ට ජනවරම ලබා ගැනීම සඳහා ඉවහල් වූ ප්‍රතිපත්ති පාවා දීම සඳහා පොළඹවා ගැනීම විධායක ජනාධිපතිගේ අත්තනෝමතික බලතල පිළිබඳ නිදසුනකි. 


අදින් ආරම්භ වන අනාගතය තුළ තව තවත් ප්‍රදර්ශනය වනු ඇත්තේ විධායක ජනාධිපතිගේ ඒකාධිපතිවාදයේ වියරු ලක්ෂණ මිස අන් යමක් නො වේ. 


නොබෝ දිනකින් උග්‍ර වීමට ඉඩ තිබෙන ණය අර්බුදය හමුවේ ලංකාවේ ආර්ථිකයේ ඇති වන කැළඹීම පාලනය කරන්නට ආණ්ඩුව සැරසෙන්නේ මේ ඒකාධිපති බලතල හරහා බවට සැක නැත. 


අදින් ඇරඹෙන්නේ අලුත් යුගයකි. එය පවුලක උවමනාවන්ට එරෙහිව සමස්ත දේශයක මිනිසුන් 'පවුලට එරෙහිව රට' තේමාව කරගෙන පෙරට ආ යුතු අරගලයේ යුගයකි. 


ඔබේ රට ඒකාධිපතිවාදයේ වියරු උන්මාදයේ අඳුරු විපාකවලින් මුදා ගැනීම සඳහා වූ ප්‍රජාතන්ත්‍රවාදී අරගලයක් ඇරඹිය යුතු ව තිබේ. 


එහි පළමු තීරණාත්මක පියවරක් තැබීමට එන්න අද කොළඹට!


ඔබේත්, අනාගත පරම්පරාවලත් අනාගතය අඳුරු කළ, ත්‍රස්තවාදයට, දූෂණයට, භීෂණයට මං පෙත් විවර කළ ජේ.ආර්.ගේ ව්‍යවස්ථාවේ ඒකාධිපතිවාදය අන්තයට ම ගෙන යන මෙම පාප කර්මයට උඩ ගෙඩි දෙන පාපී දේශපාලකයන් පිටු දකින්න. 


අදින් පසු ඔවුන් වර්ජනය කරන්න. 


Bookmark and Share
Bookmark, remember easily and come again  www.w3lanka.com

Popular posts from this blog

බාලචන්ද්‍රන් මරා දමන්නට සිදු වුණේ ඇයි?

විස්කෝතු කන ළමයා

ඔහු මරා දැමූ මිනිසා (The Man He Killed)