2009-11-23

ෆොන්සේකා ජවිපෙට බූට් එක දෙයි ද?


(2009 නොවැම්බර් 23 - W3Lanka) ඉදිරි ජනාධිපතිවරණයේදී විපක්ෂ පොදු අපේක්ෂකයා බවට පත් වීමට සිටින හිටපු හමුදාපති සරත් ෆොන්සේකා තමන්ට වඩා එක්සත් ජාතික පෙරමුණ කෙරෙහි බර තබා කටයුතු කිරීම හේතුවෙන් ජවිපෙ නායකත්වය අසහනයට පත් වී ඇති බව වාර්තා වේ. 

සරත් ෆොන්සේකා මේ වන විට රනිල් වික්‍රමසිංහ ප්‍රමුඛ එක්සත් ජාතික පක්ෂයේ හා එම පක්ෂයේ නායකත්වයෙන් බිහි වූ එක්සත් ජාතික පෙරමුණේ ආශිර්වාදය ලබාගෙන ඇති අතර ඔහු අලියා ලකුණෙන් තරග කළ යුතු බව එක්සත් ජාතික පක්ෂයේ පිරිස් පවසන බව ද වාර්තා වේ. 

මෙයට ජවිපෙ විරුද්ධ ය. පොදු අපේක්ෂකයා ජවිපෙ හෝ එජාප නො වන පක්ෂයකින් ඉදිරිපත් විය යුතු බව කීව ද ජවිපෙට සැබැවින් ම උවමනා කර තිබී ඇත්තේ සිය පක්ෂයේ ම පිරිසක් විසින් කඩිමුඩියේ අටවා ගන්නා ලද වෙනත් පක්ෂයක් හරහා සරත් ෆොන්සේකා ජනාධිපතිවරණයට ඉදිරිපත් කිරීමටයි.



ජවිපෙ දැන් අල්ලපු අත්තත්, පය ගහපු අත්තත් දෙක ම නැති වන තත්වයකට පත් වී ඇති බව ද, එහෙත්, ඕනෑම තත්වයකට යටත් වී මහ මැතිවරණයකින් තම පක්ෂයට අත් විය හැකි දරුණු පරාජය වළක්වා ගැනීම සඳහා පියවර ගත යුතු බව ද ජවිපෙ නායකයන් සාකච්ඡා කරන බව ආරංචි මාර්ග පවසයි.