ජනාධිපතිවරණයක් එන්නේ නැහැ? අද සමුළුවේදී ඒ ගැන කතාත් නැහැ?

(2009 නොවැම්බර් 15 - W3Lanka) ජනාධිපති නිල කාලයේ පළමු සිව් වසර ගත වීමත් සමග ජනාධිපතිවරණයකට ගොස් යුද ජයග්‍රහණය විකුණා තව අට වසරකට නිල කාලය දිගු කර ගැනීමේ සැලැස්මක් සහිතව කඩිනම් ජනාධිපතිවරණයක් පැවැත්වීමට ඉලක්ක කර සිටි ජනාධිපති මහින්ද රාජපක්ෂ දැන් දෙගිඩියාවක සිටින බව වාර්තා වේ. 


හිටපු හමුදාපති ජනරාල් සරත් ෆොන්සේකා ජනාධිපති පොදු අපේක්ෂක ලෙස ඉදිරිපත් වන බවට නිල නො වන මට්ටමින් ප්‍රකාශ නිකුත් වීමත් සමග තමන්ට හිමි ධුර කාලයෙන් ද අවුරුදු දෙකක් අහිමි වීමේ අනතුරක් ඇති කරන මෙම ජනාධිපතිවරණය නො පැවැත්විය යුතු බවට ඉහළම දේශපාලන මණ්ඩලවල සාකච්ඡා වෙමින් තිබෙන බව ආරංචි මාර්ග පවසයි. 

ජනාධිපතිවරණය ප්‍රකාශයට පත් කිරීමේ අරමුණින් ම අද කැඳවා තිබෙන ශ්‍රී ලංකා නිදහස් පක්ෂ සමුළුවේදී මේ පිළිබඳ කිසිවක් ප්‍රකාශ නො කිරීමට මේ වන විටත් තීරණය කර ඇති බව දැනගන්නට තිබේ.


අප විසින් පවත්වන ලද ජනමත විමුසුමකට අනුව පෙනී යන්නේ ජනරාල් සරත් ෆොන්සේකාගේ ජනප්‍රියත්වය මහින්ද රාජපක්ෂ ජනාධිපතිවරයාට වඩා වැඩි බවයි.