2009-10-26

ප්‍රභාකරන් යටත් වූ පසු වධ දී මරා දැමූ බවට පුවත රජය ප්‍රතික්ෂේප කරයි


(2009 ඔක්තෝබර්  26 - W3Lanka) කොටි සංවිධානයේ නායක වේලුපිල්ලෛ ප්‍රභාකරන් රජයේ හමුදාවලට යටත් වීමෙන් පසු වධ දී මරා දරන ලද බවට ශ්‍රී ලංකා ගාඩියන් වෙබ් අඩවිය විසින් අවසන් වෙහෙයුමෙන් බේරී රටින් පළා ගිය ප්‍රභාකරන්ගේ ශරීරාරක්ෂකයකු සහ රජයේ බුද්ධි නිලධාරීන් ඇතුළු මූලාශ්‍ර තුනක් පාදක කර ගනිමින් ලියන ලද ප්‍රවෘත්තිය රජය ප්‍රතික්ෂේප කරයි.

මේ පිළිබඳ ප්‍රංශ පුවත් සේවයට රජයේ ප්‍රකාශකයකු පවසන්නේ හමුා නිලධාරීන් යුද අපරාධ අධිකරණ වෙත ගෙන යාමේ අරමුණින් මෙම පුවත් ප්‍රබන්ධ කරන බවයි. 


කොටි නායකයා වීරයකු ලෙස මිය නො ගිය බව රජයේ හා හමුදා ප්‍රකාශකයන් වරින් වර කියා ඇති නමුදු රජය මෙන් ම කොටි සංවිධානය ද නිල වශයෙන් ප්‍රකාශ කර ඇත්තේ ප්‍රභාකරන් අවසන් සටනේදී සටන් කර මිය ගිය බවයි. හිසේ දරුණු කැපුම් තුවාලයක් සහිත ඔහුගේ සිරුර මාධ්‍ය ඔස්සේ ප්‍රදර්ශනය කරන ලදී.