2009-09-09

කුරුළු ගෙදරින් පුළුල් ලොවට

(2009 සැප්තැම්බර් 09 - W3Lanka) ඉහත දැක්වුණේ අප කුඩා කාලයේ,මතක හැටියට නම්, හයේ පන්තියේ සිංහල පෙළ පොතේ කුරුළු පැටියකු දොරට වැඩීම පිළිබඳ පැවති කතාවක මාතෘකාවයි.


‍දෙමළුන් දැඩි මර්දනයකට ලක් වූ ලංකාවේ රාජ්‍යය සමග ජවිපෙ කෑ දීගයේ හා දික්කසාදයේ ප්‍රේම-වෛර සම්බන්ධයේ රස බලමින් මර්දනයට පුළුනෙන් කොට්ට තනා තිබුණු උණුසුම් කැදැල්ලක සිටි ලංකාට හා ජවිපෙට මාටින් නිමලර්ගේ සුප්‍රකට කවිය මතක් වන කාලය දැන් එළඹ තිබේ.


දැන් මර්දනය ඔබ සොයා පැමිණ තිබේ. මානව හිමිකම් හා ප්‍රකාශනයේ නිදහස පිළිබඳ කතා කළ සියලු දෙනා එන්ජීඕකාරයන් ලෙස නම් කළ අතීතය ඔබට මතකද? එදා ඔබට ආවැඩූ අය දැන් ඔබ ගැන කතා නොකරති.


කුරුළු ගෙදරින් මර්දනයේ පුළුල් ලොවට පා තබන ලංකා අපි යහපත් ලෝකයක් සඳහා අරගල කරන සිංහල, දෙමළ භේදයකින් තොර එකම පවුලට ආයුබෝවන් කියා පිළිගනිමු. 

ඔබ පිළිගැනීමට අකැමැති වුවද අප සියලු දෙන දැන් සිටින්නේ එකම බෝට්ටුවේය.