2009-08-21

අලි හොරු මව් ඇතින්නගෙන් පැහැර ගත් පැටවා මිය යයි

(2009 අගෝස්තු 21 - W3Lanka) බලංගොඩ ප්‍රදේශයේ දේශපාලනඥයකු විසින් මව් ඇතින්නගෙන් පැහැරගෙන විත් හොර රහසේ නිවසක රඳවාගෙන සිටි තුන් මස් වියැති අලි පැටවා අධිකරණ නියෝගයක්‌ මත උඩවලව ඇත්අතුරු සෙවණේ ප්‍රතිකාර ලබමින් සිටියදී  අගෝස්තු 19 දා රාත්‍රියේ මියගොස්‌ ඇත.

මෙම අලිපැටවා වනජීවී නිලධාරීන් විසින් සොයා ගන්නා විට දැඩි ලෙස විජලනයට පත්ව සිටි බවත්, සිරුරේ ස්‌ථාන කිහිපයක තුවාලද සහිතව සිටි බවත්, මෙම ඇත් මංකොල්ලයට පශු වෛද්‍යවරයකු පවා සම්බන්ධ බවත් වාර්තා වේ.